9-fevral so'z mulkining sultoni Mir Alisher Navoiy tavallud topgan kun

Alisher Navoiy oʻzbek va jahon adabiyotining bebaho durdonasini yaratgan, soʻz sanʼatini yuksak darajaga olib chiqqan buyuk mutafakkir, shoir, davlat arbobi va maʼrifatparvar zotdir. Navoiy nafaqat oʻz davrining yetuk adibi, balki ijtimoiy-siyosiy tuzumni isloh qilgan yirik davlat arbobi sifatida ham ulkan ahamiyat kasb etadi.

Alisher Navoiyning ijodiy merosi, ayniqsa, uning «Xamsa» asari adabiyotning yuksak namunasi sifatida baholanadi. «Hayrat ul-abror», «Farhod va Shirin», «Layli va Majnun», «Saddi Iskandariy» va «Sabʼai sayyor» dostonlari axloqiy komillik, insonparvarlik, adolat va maʼrifat gʻoyalarini oʻzida mujassam etgan.

Uning asarlaridagi mafkuraviy, estetik va falsafiy gʻoyalar nafaqat Sharq adabiyoti, balki jahon madaniy merosi uchun ham noyob ahamiyatga ega.

👍Toshkent shahar Oliy ta’lim, fan va innovatsiyalar boshqarmasi axborot xizmati

Boshqarmaning rasmiy sahifalari:
🕊Telegram |📱Instagram|📱Facebook |🕊Twitter