Ustozim, Raxmatjon Arslonzodaning porloq xotirasiga bag’ishladim…

Mening yozganlarim hammasi kemtik,
Kemtik qolaverar so’ngiga qadar.
Tahrir qilar qalam sindiku axir,
Tahrir qalamidan qoldim benazar.

Lekin yozganlarim ichida bor U,
Har yozgan imlomga qiladi nazar.
Bilimga sadoqat, moziyga hurmat,
Ustozim qalami biz bilan yozar.

Arslonning nazari tushgan satrlar,
Tulki taomidan qilurlar hazar.
Arslon panjasiga ilashmoq uchun,
Qancha shogirdingiz bugun safarbar.

Birin Nodir deymu, birini Aziz,
Ozoda deymu yo, Rano yu, Anvar.
Yo’lin yo’qotgan bu katta qo’shindan,
Tuzulgay aslida bemisil lashkar.

Shogirdlik ilmini bilmay biz nodon,
Sizning taftingizda o’sdik bezarar.
Bugun ortingizdan qolgan lashkarda,
Hamma bor, Bahriddin esa bir navkar.

✅ Bahriddin Usmonov, professor

@Tarixyoshlarittifoqi