​​⚡️Мактаб ва боғчаларда Янги йил байрамини ўтказиш бўйича вазирлик томонидан тегишли кўрсатмалар берилди

Мактабгача мактаб таълими вазирлигининг 2023-йил 14-декабрдаги 06-06/3-3389-сонли кўрсатма хати билан таълим муассасаларида Янги йил байрами тадбирларини ўтказиш бўйича тавсиялар берилди.

Унга кўра:

✅ таълим ташкилотлари ҳудуди, биноси ҳамда синф хоналарини тартибга келтириш, мактаб ҳовлисидаги табиий арчани (агар бўлса) ўқувчи ва тарбияланувчилар томонидан ясалган турли безаклар билан безатиш;

✅ мактаб фоеси, фаоллар ёки спорт залларини ўқувчи ва тарбияланувчилар томонидан ясалган турли безаклар билан безатиш;

✅ байрам тадбирларини таълим ташкилотлари ҳудудида, қизиқарли ҳолда ташкил этиш ва муассаса ҳудудини байрамона безатиш;

✅ байрам тадбирларини таълим ташкилотларининг гуруҳларида ва бошланғич синф ўқувчилари учун синф хоналарида, дарс машғулотларига халақит бермаган ҳолда ўтказиш;

✅ таълим ташкилотларининг юқори синфлари ўртасида ўқувчилар томонидан тайёрланадиган безаклар (қоғоздан ясалган қор парчалари ва бошқа Янги йил байрамига хос бўлган безаклар) танлови, “Энг чиройли безатилган синф” ва “Энг яхши Янги йил табрикномаси” (синф номидан мактабга, ўқитувчиларга, ота-оналарга) каби кўрик-танловлар ташкил этиш тавсия этилади.

❌ Қуйидагилар тақиқланади:

🚫 байрам баҳонасида табиий арча дарахтларининг шохларини синдириш ёки уларни бошқа жойга кўчириш;

🚫 мактабни турли хил электр ёритгичлар билан ясатиш;

🚫 ўқувчилар томонидан турли хил пиротехник воситаларни олиб келиш ҳамда улардан фойдаланиш;

🚫 байрамини нишонлаш баҳонасида ўқувчилар ва педагог ходимлар томонидан ноқонуний пул йиғимларини ташкил этиш;

🚫 байрамини ресторан, кафе ва бошқа умумий овқатланиш шохобчаларида ўтказиш;

🚫 ўқувчилар ва уларнинг ота-оналари томонидан байрам муносабати билан таълим ташкилоти раҳбарияти ва педагог ходимларига турли хил совғалар тақдим этиш.

📱 @talim_obrazovaniye
👉 Ойлик маошни ҳисобловчи бот