🇺🇸💸🇺🇸 Prezident Donald Tramp 25-fevral kuni 5 million dollar evaziga AQShda avval doimiy rezidentlik, so'ng fuqarolik maqomini beradigan "oltin-karta"ni joriy qilishni rejalayotgani haqida bayonot berdi.

👉 "Ular boy va muvaffaqiyatli bo'ladi, ko'p pul sarflaydi, ko'p soliq to'laydi va ko'p ishchi yollaydi, bu favqulodda muvaffaqiyatli ish bo'ladi deb o'ylaymiz", - dedi prezident.

👉 Tramp so'z ochayotgan "oltin-karta" investorlar uchun beriladigan "EB-5" vizasining o'rnini egallaydi. AQSh savdo vaziri Govard Lyutnikning aytishicha, bu o'zgarish ikki hafta ichida joriy qilinishi mumkin.

👉 "EB-5" vizasi Kongress tomonidan 1990-yil joriy qilinib, da'vogar investordan AQSh iqtisodiga kamida 1 million dollar sarmoya kiritib, kamida 10 ta ish o'rnini yaratishni talab qilar edi.

👉 Investor vizasi yuzdan ziyod mamlakatlarda joriy qilingan. Ular orasida AQSh bilan birga Britaniya, Ispaniya, Gretsiya, Malta, Avstraliya, Kanada va Italiya ham bor.

👉 Tramp "oltin-karta" shartlarini, xususan, yangi ish o'rinlarini yaratish, qaysi mamlakatlar bu ro'yxatga kiritilmasligi, sarmoya uchun jamg'arilgan pul qonuniy daromad ekanini isbotlash kabi talablarga to'xtalmagan.

© @voauzbek
#Facebookdan_olindi

Kanalga ulanish:
                  @sotsiologiyaa 👈