Assalomu alaykum!

Energiya hech qayerdan shunchaki paydo bo‘lib qolmaydi. Uni to‘g‘ri manbadan olmasak, tez tugab qoladi. Mening energiyamning siri – Allohga tavakkul qilish va hayotni shukr bilan qabul qilish. Men doim duo qilaman, istig‘for aytaman va har bir ishning natijasini Allohga topshiraman. Chunki bilaman: agar barcha narsani ichimda saqlab, ortiqcha siqilsam, bu menga ham, atrofdagilarga ham foyda bermaydi.

Men pozitiv energiyada bo‘lishga harakat qilaman, chunki menga ergashayotgan ayollar soni kundan-kunga ortib bormoqda. Ularning ishonchini so‘ndirishga haqqim yo‘q! Agar men ruhiy tushkunlikka tushsam, ularga qanday ilhom bera olaman? Shuning uchun o‘zimni doim yaxshi energiya bilan to‘ldirishim kerak. Chunki quyosh yorug‘lik bersa, hech qachon o‘zi qorong‘ida qolmaydi!

Sizga ham shuni maslahat beraman – ichki tinchlik (qalb sakinati) va tavakkul bilan yashang! Pozitiv bo‘lish – bu faqat kayfiyat emas, balki tanlov!