Shunchaki

Bu hayotda bor bo'lib qolish uchun kimnidir yo'qotish, yiqilmaslik uchun boshqa birovni yiqitish shart emas.
           Hurmat bilan O'zim

Madaniy hordiq💫

Myorfi qonuni
Agarda siz biron-bir voqeaga qanchadir darajada ishonsayiz, u narsani sodir bo'lish ehtimoli shunchalik bo'ladi.
Bu xuddi oldizdan qora mushuk o'tganida, "obbo bir palakat sodir bo'ladi" deb o'ylaganizda haqiqatdan ham yomon voqea sodir bo'lishiga o'xshaydi. Ota-bobolarimiz bekordan bekorga "Yaxshi niyat yarim davlat" deb aytishmaganiga mana bir isbot😄😄

Madaniy hordiq💫

3-o'rin bo'lsada zato Respublikada qatnashadi. Jamoada 2 ta shogirdim borligidan faxrlanaman va ularga Respublika bosqichiga tayyorgarlik uchun qo'limdan kelgan yordamimni ayamayman. Sizlar bilan faxrlanaman shogirdlarim🥹🥹🥹

Vujudingni oziqlantirib, rivojlantirish bilan ko‘p ovvora bo‘lma. Chunki u oxirida tuproqqa beriladigan qurbondir. Sen ko‘nglingni oziqlantirishga e’tibor ber. Yuqori darajalarga chiqadigan ham, sharaflanadigan ham bu Ko‘ngildir!!!
Mavlono Rumiy

Boburning bu g'azali ham albatta beqiyosdir. Undagi har bir jumla alohida e'tiborga molikdir

Jonimdin o‘zga yori vafodor topmadim,
Ko‘nglumdin o‘zga mahrami asror topmadim.

Jonimdek o‘zga jonni dilafkor ko‘rmadim,
Ko‘nglum kibi ko‘ngulni giriftor topmadim.

Usruk ko‘ziga toki ko‘ngul bo‘ldi mubtalo,
Hargiz bu telbani yana hushyor topmadim.

Nochor furqati bila xo‘y etmisham, netay,
Chun vaslig‘a o‘zumni sazovor topmadim.

Bore boray eshigiga bu navbat, ey ko‘ngul,
Nechaki borib eshigiga bor topmadim.

Bobur, o‘zungni o‘rgatako‘r yorsizki, men
Istab jahonni muncha qilib yor topmadim.

O'zim to'g'risini aytganda g'azal o'qishni uncha yoqtirmayman. Ammo o'qib turaman, onda-sonda. Anchadan beri bunaqa g'azal o'qimagandim. Shunchaki ajoyib g'azal...

Xazon yafrog'i yanglig'...

Xazon yafrog'i yanglig' gul yuzung hajrida sarg'ardim,
Kо'rub rahm aylagil, ey lola rux, bu chehrayi zardim.  

Sen, ey gul, qo‘ymading sarkashligingni sarvdek hargiz,
Ayog'ingg'a tushib, bargi xazondek muncha yolbordim.  

Latofat gulshanida gul kabi sen sabz-u xurram qol,
Men archi dahr bog'idin xazon yaprog'idek bordim.

Xazondek qon yoshim sorig' yuzumdin el tanaffurda,
Bahar range, bihamdilloh, ulusdin o‘zni qutqordim.

Ne toledur mangakim, axtari baxtim topilmaydur,
Falak avroqini har nechakim daftardin axtardim.

Ulusning ta'n-u ta'rifi manga, Bobur, barobardur,
Bu olamda o‘zumni chun yamon-yaxshidin o‘tkardim.

Bundan 542 yil muqaddam ayni shu kunda Andijonda Zahiriddin Muhammad tavallud topgan edi. Uning hayot kechinmalari, qanday g'azal-u ruboiy yozganlari, qayerlarni bosib olgani-yu, qayerlarni qo'ldan boy berganlari siz-u bizga yaxshi tanishdir. Bugungi kunda hech qaysi maktab yoshidagi bola yo'qki Zahiriddin Muhammad Bobur nomini bilmaydigan. Shubhasiz, tarixda uning siyosati turli bahs-munozaralarga sabab bo'ladi. Ammo uning, nafaqat shoh balki shoir ham bo'lganini e'tirof etsak arziydi. G'azallari asosan Vatan sog'inchi ruhida yozilgan. Qolaversa Boburning "Boburnoma" nomli tarixiy asari ham mavjuddir. Asarda 1494—1529-yillarda Markaziy Osiyo, Afgʻoniston va Hindistonda sodir boʻlgan tarixiy-siyosiy voqealar yilma-yil oʻta aniqlik bilan bayon qilingan boʻlib, ular muallif hayoti va siyosiy faoliyati bilan bevosita bogʻliqdir. Pirimqul Qodirovning "Yulduzli tunlar" asari aynan Bobur hayoti haqidagi tarixiy asar bo'lib, men o'qigan kitoblar orasida alohida o'rin tutadi. Bir vaqt topib, albatta o'qib chiqishga arziydigan kitob. Bugungi kunda o'z ajdodlarini, ularning hayot kechinmalarini bilmaydigan millatning ertasi zulmatdir!

Ertaga Boburni tug‘ilgan kunini restoranda 2 kishi bo‘lib g'azalxonlik kechasi sifatida uyushtirmoqchi bo‘layotganlarga salom😉