Postal

Мульти-бот с премиум emoji Постинг+приветствие!

uz Зеленые проекты: новости

Узбекистан сэкономил 1,5 млрд кубометров газа

Атомный конкурс

Разыгрываем трендовые шапки-ушанки.

Statistika Saralanganlar

She’riy lahzalar

@sheriylahzalar

Kanal geosi va tili: O‘zbekiston, O‘zbekcha

Toifa: Iqtiboslar

Kanaldan koʻchirganda muallif nomi bilan koʻchiring.
Kanalni qoʻllab-quvvatlash:
https://tirikchilik.uz/sheriylahzalar

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Iqtiboslar

Statistika

Postlar filtri

O‘chirilganlarni yashirish

Repostlarni yashirish

She’riy lahzalar

11 Dec, 15:13

Чори Авазнинг мухлислари борми, шеър айтишни, эшитишни соғиниб юрганларчи?!

Каналда анчадан бери аудиочат қилмагандик. Юқоридаги постни шеърсевар дўстларга иложи борича кўпроқ улашинглар.

@choriavaz — Бу Чори Аваз ижодига бағишланган саҳифа. Кеч соат 9 гача ўзингизга маъқул шеърларидан танлаб туринг. Насиб, шоирнинг ёниқ шеърларидан тинглаймиз!

@sheriylahzalar

Chori Avaz she'riyati

Otashnafas shoir sizlar bilan birga yashaydi

407 1 2 3 5

She’riy lahzalar

11 Dec, 11:18

"Шеърий лаҳзалар"да бугун соат 21:00да Чори Аваз ижодига бағишланган мушоира бўлади.

@sheriylahzalar

457 1 5 11

She’riy lahzalar

11 Dec, 09:14

Бугун Чори Аваз туғилган кун!

СЪЁМКА ПАЙТИДА

Режиссёр жилмайиб яхши гаплашди,
Актёрларга роллар ҳаммаси аниқ.
Аммо режиссёрнинг дили ғаш эди –
Негадир бир актёр келмади? У йўқ.

“Топамиз, унчалик қийин роль эмас,
Биргина кўриниш, биргина кадр”.
Бир йигитни топиб ўша ролга мос,
Ролни тушунтирди қўл силтаб бир-бир.

Йигит режиссёрга олди-ю қараб,
Қайтарди юракдан сизган нолани:
“Она мурдасидан ўтасан ҳатлаб,
Чоҳга ирғитасан мурғак болани”.

Съёмка бошланди:
Қирқ биринчи йил,
Фрицлар топташар битта қишлоқни.
Учраган нарсани айлашмоқда кул,
Буйруқ – қонга бўяш ерни – тупроқни.

Мана ўша кадр:
Қўлда автомат,
Онанинг мурдаси беланган қонга,
Она – мурда кўксин сўрмоқда гўдак,
Йигит қадам ташлар ўша томонга.

Ҳамма жим.
Режиссёр эса бақириб
Йигитга уқтирар –
Қаттиқ торт, силтаб.
Йигит қайтиб келиб
(Қотиб қолди у)
Гўдакни олди-ю, кетди қалтираб.

Қўлчаларин силтаб чинқирар гўдак,
Йигит чор атрофга боқар термулиб.
Сония ўтмасдан ҳатто айтгудак,
Халойиқ томонга чопди энтикиб.

Расво қилди!
Стоп!
Такрорлаш керак!
Йигит томон чопди терлаб, дарғазаб.
Она кўксин қўмсаб йиғлайди гўдак,
Режиссёр уқтирар қайта-қайталаб.

Йигит яна йўлда. Жим-жит тўрт томон.
Мана сўнгги лаҳза, сўнгги бир қадам.
Гўдак кўкрак сўрар оғзи-бурни қон.
Йигит автоматни отди бу гал ҳам...

Режиссёр қайтадан ялиниб кўрди:
Тушунсанг-чи, ука,
Бу кино, кино!
Инсонлар бундан ҳам баттар хор эди,
Буни кўриш керак бутун бир дунё.

Яна уриниб кўр,
Эпла, илтимос!
Ҳақиқий фашистни қайдан топаман.
Ўзингни қўлга ол бир муддат холос,
Тушун, уч соатдан буён чопаман.

Йигит бош кўтарди аранг ва маъюс,
Автобус томонга қадам ташлади.
Ҳеч кимга қарамай, демай бирон сўз,
Фашист мундирини еча бошлади.

© Чори Аваз

@Sheriylahzalar

857 1 9 1 1

She’riy lahzalar

10 Dec, 19:58

***

Руҳимда бир Иблисми, Илоҳ
Маҳв этади курашсиз, жангсиз.
Яшай десам, ҳаёт бежило,
Кетай десам, ўлим ҳам рангсиз.

Шундай кечар фасл ҳам, йил ҳам,
Бешафқатдир дераза орти.
Мен ям-яшил боғларга илҳақ
Жиним суймас қорани ортиқ.

Бир муштипар мусича бўзлар:
"Ёзмайсан-а ўлим ҳақида?"
О, бу кўзлар, дилафгор кўзлар
Мунг кезади туб-туби қадар.

Жон-жонимдан ўтганда аёз,
Қайта-қайта чиқиб йўлимдан
Шу илтижо таъқиб қилар боз,
Шу илтижо асрар ўлимдан:

"Ёзмайсан-а ўлим ҳақида?"

Нурмуҳаммад АЗИЗ

@Sheriylahzalar

362 1 5 9

She’riy lahzalar

10 Dec, 12:32

Mutolaa dan repost

📢 Yilning eng kutilgan kechasi - "Qo'rboshilar qo'shig'i" she'riyat spektakliga marhamat!

🎙️ She’riyat va adabiyotga oshufta qalblar uchun, O‘zbekiston Yoshlar ishlari agentligining “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” teatrlashtirilgan kechasini taqdim etadi.

➡️ Dastur bosh qahramoni: yosh va iste'dodli shoir Najmiddin Ermatov

➡️ Dastur mehmoni: taniqli aktyor va shoir Erkin Bozorov

🔖 So‘z va adabiyot muxlislarini 12-dekabr (kuni) soat 18:00 da O‘zbekiston Milliy kutubxonasida kutib qolamiz.

👇 Ro’yxatdan o’tish uchun:
https://forms.gle/JXuWztq9yywF8wbNA

👤 Yilning eng eksklyuziv tadbirini aslo o'tkazib yubormang!

Telegram | Instagram | YouTube

267 0 4

She’riy lahzalar

9 Dec, 18:57

* * *

Кет десанг, ўшал он кетгум эҳтимол,
Кўз ёши қилмасдан, видолар айтиб.
Фақат қулоғинга шуни қуйиб ол,
Мен баҳор эмасман, келмайман қайтиб!

Бир бор нигоҳингдан сачрамаса ўт,
Ишқингда озгина сезсам камомат.
Ҳатто бирон бора безовта қилмай,
Сени тарк этаман абадул абад!

Сўзингдан зарданинг эсса шамоли,
Ҳиёнат шарпасин сезсам бир марта.
Ё қўнмас учоққа оламан миниб,
Ё қайтмас поездга оламан чипта!

Сен шунга амин бўл!
Менинг сўзим сўз!
Бошқа бир манзилни қолсанг гар кўзлаб.
Мендан бир умрга умидингни уз,
Ҳатто изимни ҳам топмайсан излаб!

Xижолат ҳам қилма, ахтарма узр,
Карвоним бошини бураман йўлдан.
Малол олганингни озроқ ҳис қилиб,
Керак эмаслигим англасам бўлди!

Жудолик жонимга қилса ҳамки қасд,
Айрилиқ ўлимга элтса ҳам охир.
Бази енгил-елпи туйғулардан ҳам,
Менинг ғуруримнинг тошлари оғир!

Янчиб ташласа ҳам соғинч – тегирмон,
Кўнглим юрагимдан келса ҳамки зўр.
Сен яна юз йилча бўлгин-у омон,
Бу қайтар дунёнинг томошасин кўр!

✍Малика Тавфиқ

@sheriylahzalar

456 1 20 2 5

She’riy lahzalar

7 Dec, 11:09

zouᴉɹɥǝW dan repost

***
Tark etmoq xayoli naqadar jozib,
Qalbni uyg’oq tutar bu xil ishtiyoq.
Yillarni yashadim aqldan ozib,
Men qora odamman, boshqalar oppoq.

“Ket” deb sado berar har bir hujayram,
Yo’limni buraman, ochaman so’qmoq.
Kimningdir ishqida yongan chog’im ham,
Ayrilmoq istayman undan, ayrilmoq.

Hijrondan tug’ilgan tuyg’u ulkandir,
Ulg’aytsa, ayriliq ulg’aytar ko’proq.
Ba’zida kibrimga bo’laman bandi,
Ba’zida boshimdan sochaman tuproq.

Daraxtga o’xshayman shamolga oshiq,
Fasllar ishqimga qo’shar harorat.
Kun kelar, turg’unlik qiynamas ortiq,
Kun kelar, osmonni quchaman xushbaxt.

Dardga toqat qilar yuragim –sabiy,
Umrimni yasharman hayratga to’lib.
Otamdan, onamdan ketganim kabi,
Dunyodan ketarman suyukli bo’lib.

Ungacha tark etmoq xayoli g’olib,
Ungacha umrimni qurshaydi farah,
Ungacha men uni sevaman yonib,
Ungacha shamolga aylanar daraxt.

✍️MehrNoz

@mehrnoz_abbos

382 0 9 1 11

She’riy lahzalar

5 Dec, 22:11

SAHROYI dan repost

"ДАРВЕШ ҚЎШИҒИ" керакми?!

Жигарлар, Жонтемирнинг "Дарвеш қўшиғи" китоби кимга керак бўлса, мана бу @Nurmuhammad_Abduzoirov
телеграм эгасига
ёки
93 558-96-78 рақамига
алоқага чиқаверасиз.

Китоб муаллиф дастхати билан қўлингизга етиб боради.

Чекка ҳудуддагилар, куюнманг, Ўзбекистоннинг исталган ерига почтадан юборилади. Почта пулини эса ўзингиз тўлайсиз. Лекин бу жуда камхарж. 5 ё 10 минг атрофида бўлади адашмасам.

"Дарвеш қўшиғи" 2018-йил академнашр нашриётидан чиққан.

КИТОБ НАРХИ : 80 минг сўм.

Ишонинг, бу китобни бошқа ҳеч қаердан тополмайсиз!

Яна эслатиб ўтаман, китобни олмоқчи бўлганлар мана бу рақам 935589678 ва @Nurmuhammad_Abduzoirov га мурожаат қилишсин.

461 0 1 5

She’riy lahzalar

1 Dec, 06:03

Зимний сон — Алсу

#sevimli_tarona

Если я к тебе не вернулась
Значит наступило зима...

@sheriylahzalar

673 1 9 2

She’riy lahzalar

30 Nov, 21:00

*

Uvv solar noyabr so'nggi kechasi
Qorishiq uvlaydi ichimda isyon
Bir-bir ketib borar, ilib nimchasin
Derazam tagida mizg'igan mezon

Peshonang o'yilar tug'ilgan oning
O'zingdan qaroring so'rar kishi yo'q.
Dunyoni na sening hayot-u joning
Na mening mamotim bilan ishi yo'q.

Charxpalak aylandi. Bosildi qadam!
Takror boshlanadi eski iddao
Sen yana gunohni yegan u Odam
Menchi?!
Qovurg'angdan yaralgan Havvo

Kelishing-
Taqvimga teskari taqilgan bezak.
Qiyshiq qovurg'ani to'g'irlab ketding.
Hamon anglolmadim
Senimi kuzak
Yo sen kuzaknimi o'g'irlab ketding?!

✍Muhabbat

@sheriylahzalar

826 1 9 6

She’riy lahzalar

28 Nov, 01:40

2_5278462352348429815.m4a

ХАЁЛ

Гапирма, туз сепма эски ярамга,
Эслатма, қўй энди ўшаларингни.
Захлаган хаёллар олар аланга,
Эсласам зардуштий бўсаларингни.

Қақшаган юракдай ёнар осуда,
Кўнгилнинг қўл етмас тор гўшалари.
Кўзингда порлаган қўнғир ёғдудан
Ёришар ёдимнинг жинкўчалари…

Ўзингдан кетасан… Йиғлагинг келар,
Ўзингдан кетасан ўзиб, ўзгариб.
Ҳувиллаган хона дилингни эзар,
Кўнгилни бўшатсанг тўлар, кўзларинг.

Васлни тушунмас норасида ишқ,
Айрилиқ нелигин билмайди фироқ.
Мадорлар қурийди, тўкилгай сиришк,
Лабларим қонади, қонмади, бироқ.

Дилимда садоқат шамлари сўнди,
Ўт кетди эҳтирос қафасларига.
Ўчмаган оловдай кетарман шўнғиб
Қўнғир сочларингга, нафасларингга…

Жонингга ҳар икки олам даъвогар,
Жонингга тегмасин аҳли бетамиз.
Ўшал ғайбдан келган беайб маъвога,
Агар насиб бўлса, бир кун етамиз.

Одил Икром

@sheriylahzalar

738 1 6 5

She’riy lahzalar

27 Nov, 16:03

Бугун устоз шоир Асқар Маҳкам туғилган кун.

***

Қасам ич,
Осиё,
Соро,
Марям,
Фотиматуз Заҳро,
Робия
ва Лайло ҳаққи...

Қасам ич,
булғанмаган дарёлар,
эримаган қорлар,
очилмаган ғунчалар,
тўкилмаган япроқлар,
ичилмаган булоқлар ҳаққи...

Қасам ич,
қиндаги қиличлар,
тешилмаган зирҳлар,
эгилмаган ёйлар,
отилмаган ўқлар ҳаққи...

Қасам ич,
очилмаган гўрлар,
йиртилмаган қафаслар,
қонга беланган жасад ила
жаноза ўқилган шаҳидлар ҳаққи...

қасам ич,
исмат ҳижоби ортидаги покиза юзлар,
иффатдан эгилган жаннатий бошлар,
ҳақ сари босилган мустақим қадамлар
ва зангор кимхоб ёпинган тобутлар ҳаққи
“Хиёнат қилмадим”, деб қасам ич!..

Асқар Маҳкам

@Sheriylahzalar

732 1 6 1 8

She’riy lahzalar

27 Nov, 01:09

***

Эшик тақиллади.
Келди.
У келди...
Очаман... Бошқа.
Киринг. Киради. Кетади.
Эшик тақиллади.
У келди. У...
Очаман...
Бу ҳам мени соғинган одам.
Ия келинг. Қани келинг.
Киради. Кетади.
Эшик тақиллади.
Ҳайрият келди...
Очаман...
Ҳеч ким йўқ.
Балки беркингандир у бирор ёққа.
Йўқ. Ҳеч ким йўқ.
Эшик тақиллайди.
Ойлар ўтади...
Эшик тақиллайди.
Йиллар ўтади...
Эшик тақиллайди.
Соғинганлар келиб кетади...
Эшигингдан кутган одаминг кириб келмас экан ҳеч қачон...
Қўлларингдан келса, келмаса – кутган одамингга айлан.

Чори Аваз

@Sheriylahzalar

668 1 4

She’riy lahzalar

25 Nov, 11:04

Halima Ahmedova dan repost

Соғиниб боряпман, нафасма-нафас...

1
«Қишлоқдан нима олиб борай?»
(Укамнинг сўрови)

Кузнинг оқшомида осмон хўмрайган,
Олисда бир юлдуз титрайди дилгир.
Ечинган дарахтлар талвасасида —
Негадир қуёшдан олдим хавотир....

Кун сайин жонимнинг ичкарисида,
Улғайиб боради аллақандай чўғ.
Теграмдан айланиб ўтади кунлар,
Қачон яшаганим эсимда ҳам йўқ.

Деразамдан боққан хазонлар билан
Дарди ҳол қиламан телбаларга хос.
Ўйлайман гоҳида ўзимдан қочиб:
Дунёга шунчаки келганман холос...

Нега тирилишни истамаяпман
Менсиз ҳам ўликлар тўлган замонда?!
Дуч келган одамдан сўрайвераман:
Хабарингиз йўқми қуёш томондан?!

Сен қўнғироқ қилдинг қуёш томондан
Ёки хаёлимда бу бўлди содир.
Исо Масиҳдаги нодир нафасни
Ҳар бир ҳужайрамда сезаяпман ҳозир.

Ҳозир икки дунё ўртасидаги
Йўлдайин сархушман,
Йўлдайин музтар.
Кузнинг оқшомида бу совуқ симлар,
Қизиб кетди сендан келтириб хабар.
Шаъм эдим яна ҳам баландроқ ёндим,
Сенинг овозингни эшитган маҳал.
Хазон қамалида қолган уйимга.
Меҳринг кириб келди ўзингдан аввал.
Укажон,
Қишлоқ осмонида сузган булутнинг
Тўзғин хаёлини келтиргин менга.
Дадамни соғиниб сарғайиб кетган —
Боғнинг шамолини келтиргин менга.

Ҳануз уйимизда осиғлиқ турган,
Онам нимчасининг ҳидин қўмсар дил.
Унинг тугмасида бизни кўрганда,
Порлаб кетадиган нурни олиб кел.

Ҳеч кимдан сўрамай томорқамизда,
Фасл танламасдан ўсгувчи гулнинг
Шиддату шахдини олиб кел менга
Токи тирилтирай сўлган кўнглимни.

Олифта оҳанглар тегди жонимга,
Соғиндим ҳаётнинг ҳалол авжини.
Олиб кел қишлоқча куйлаган ўша.
Нотага сиғмаган ариқ мавжини.
— Жаҳон экиб берайми?
— Жаҳон экиб берайми?

3
Менга шодлик юбор,
Ва яшил умид,
Райҳонлар нафаси сўнаётган дам,
Ишқдай беғуборлик юборгин яна,
Ўзимда тонгларинг кўрайин мен ҳам...

Ва борай қушларнинг анжуманига.
Парвозни ўрганиш учун олай дарс,
Катталашиб борар ахир кундан кун,
Дунё билан менинг орамдаги дарз.

Менга шодлик юбор,
Қайғудан ортган.
Ва дил пардасида чалгувчи рубоб,
Сени маст айласа, ёзғирма мени,
Кўзим косасида чайқалган гулоб.

Менга шодлик юбор
Ва беғуборлик
Бунча кўп киряпман ернинг тушига,
Ҳолим ўхшаб борар лаҳзама-лаҳза,
Соҳилнинг денгизга талпинишига.

Шафақ кўзгусидан ўчирмай тургин,
Ҳали ҳам кўнглимга беряпман пардоз.
Руҳимдаги баланд туғёнлар билан —
Бандангман, бандангман, бандангман, холос.
Менга шодлик юбор,
Ғамдай чиройли,
Ва тундан сокинлик,
қалдирғочдан сас.
Дилимдаги дилни,
Жондаги жонни,
Соғиниб боряпман, нафасма-нафас...
Менга шодлик юбор,
Ғамдай чиройли.

4
Эй тун, саҳарим бор сендан айрилсам,
Шамсу меҳварим бор сендан айрилсам.

Юзинг оқ, қилмишинг бунчалар қора,
Эй дўст, зафарим бор, сендан айрилсам.

Кунларим кунларга уриб синдирдинг,
Зеру забарим бор сендан айрилсам.

Ғамнинг бутасида, гуллатдинг кўнглим,
Недан хатарим бор сендан айрилсам.

Нигоҳингни йиртсам заққум кўринди,
Ҳақдан назарим бор сендан айрилсам.

Кулган қуёшимни йиғлатдинг фосиқ,
Нурдан хабарим бор сендан айрилсам.

«Менсиз тупроқсан», — деб қўрқитма ҳаёт,
УНГА сафарим бор сендан айрилсам.

Ҳалима Аҳмедова

@halima_ahmad

615 0 5 7

She’riy lahzalar

23 Nov, 13:57

***

Qaqimchilar, faqat ertakda deding,
(Chaqimchilar faqat ertakda deding).
Onajon, cho‘pchakdan seskangan onim.
Endi ertak deya atash mumkinmi,
Chaqimchiga to‘la dunyoni?

Men ko‘p ishonganim ertakdagidek
Ko‘pning haqqi uchun ko‘zin qilgan suq.
Kazzob odamlarga jazo berguvchi
Nega bu o‘lkaning ur to‘qmog‘i yo‘q?

Bir kuni meningdek qiz tug‘sang yana,
Ertaklar aytib ber, der u ham tabiiy.
Men sevgan cho‘pchakni aytma onajon,
Bosh egib o‘tmasin, u Zumrad kabi.

O‘ylanma, men seni ayblaganim yo'q,
Uxlatmoqchi bo‘lding bedor bolangni.
Yetar bu dunyoning mudragani ko‘p
Rost ertaklar aytib uyg‘ot olamni.

Rost ertaklar aytib uyg‘ot olamni!

Muattar Mamatkarimova

@Sheriylahzalar

738 1 9 1 6

She’riy lahzalar

22 Nov, 13:27

Feruza Xayrullayeva dan repost

Shivirlar o‘tmishga aylangan barglar,
Ingraydi borlig'i kesilgan hilol.
Ismingni o‘chirib yuborganman-u,
Ismsiz yig'lamoq yanayam malol.

Shaharda kezinar izg'irin dardlar,
Isinib olishni istaydi ko‘ngil.
Hammasi o‘tkinchi, bilasan, ammo
Baribir yomg'irga aylanadi dil.

Deraza ortida qoladi kuzak,
Deraza ortida yig‘laydi yomg'ir.
Sening nigohingni unutdim, ammo,
Ayriliq baribir, baribir og'ir.

@FeruzaXayrullayeva

588 0 4 2 5

She’riy lahzalar

21 Nov, 17:44

Humoyun Fattoh dan repost

🔥DIQQAT, KONKURS

🥸 Assalomu alaykum, qadrli adabiyotsevar doʻstlar, she’riyatning ashaddiy muxlislari!

🧨 “Iqtidor” adabiy-badiiy harakati oʻzining ilk konkursiga start beradi!

🤝 Shartlar quyidagicha:

1. Telegramda @humoyunfattoh kanaliga obuna boʻlasiz;
2. Quyida nomi zikr etilgan shoirlardan birining ijodi asosida videoshe’r tayyorlaysiz va #iqtidor xeshtegi ostida oʻz sahifangizda ulashasiz;

Asqar Mahkam
Abduvali Qutbiddin
Faxriyor
Aziz Said

3. Videoshe’rni nafaqat oʻz sahifangizda ulashishingiz, balki @humofath ga ham yuborishingiz kerak boʻladi.

🕰 Muddat: 30.11.2024 gacha

🙋🏻‍♂️ Konkurs gʻoliblarini esa https://t.me/iqti_dor telegram sahifasida ovoz yigʻish natijalariga koʻra aniqlaymiz!

🥇 Konkursda 1-oʻrinni qoʻlga kiritgan ishtirokchiga yangi nashr etilgan Izlam toʻplamidagi barcha kitoblar taqdim etiladi.
👀 2 va 3-oʻrin gʻoliblarini ham sirli sovgʻalar kutmoqda!

✋ Oʻz omadingizni sinab koʻring, Soʻzdan uzoqlashmang!

@humoyunfattoh

639 0 2 1 1

She’riy lahzalar

21 Nov, 15:43

Behzod Fazliddin dan repost

ҚИЁФА

Солланиб бозорга отланар сўзлар,
Ҳар кўчада ял-ял товланар, ёнар.
Аслидан баландроқ баҳони кўзлар,
Тинмай муқом қилар, бежо тўлғонар.

Кибор расталарда турар терилиб,
Кун ўтмай ирийди, ич-ичдан айнир.
Томошабоп бўлар бири керилиб,
Бошқасини биров сақичдай чайнар.

Бичилган фарёдлар, бўғилган бўзлар
Хор-хасдек беқадр дунё йўлида.
Азал дами ўткир қиличдек сўзлар
Ўтмас пичоқ бўлди номард қўлида.

Дод солгинг келади, ёлғон чўзилса,
Бозорга айланса назму нафосат,
Кечаги бокира сўзлар бузилса...
Томошабин бўлса аҳли фаросат!

Солланиб бозорга отланар сўзлар...

2012

© Беҳзод Фазлиддин @Behzod_Fazliddin

566 0 4 4

She’riy lahzalar

21 Nov, 11:28

ЎЗИМГА

Ойнага ўзини урар намозшом.
Ичингга ёприлиб киради тўлқин -
Тезроқ кетиш керак!
Тезроқ,
Вассалом!
Илгакдан палтонгни оласан юлқиб.

Бир зум тартибларнинг ўтиб баҳридан,
Зинадан отилиб тушасан пастга.
Ташқарида - шундай катта шаҳарда
Ўзингни сезасан бир нимжон хасдай.

Метрогача яқин...
Йўқ олис...
Олис...
О, бунча муҳташам бўлмаса дунё?
Яна этагингга осилади куз,
Ўпкангни оғритиб юборар ҳаво.

Метро гувиллайди.
Бекатма-бекат,
Майда ташвишларни борасан енгиб.
Ва яна Шеър ҳақда ўйлайсан ғамгин,
"Ҳеч йўқса хаёл бор..."
Тортасан енгил.

Юрасан-юрасан унмайди йўлинг,
Ноябр кўнглингни солар минг кўйга.
Аралаш-қуралаш ҳис тўла кўнглинг,
Жуссангни келтириб ташлайди уйга.

Башорат Отажонова

@sheriylahzalar

644 1 8 7

She’riy lahzalar

20 Nov, 19:05

Jaloliddin Sayid dan repost

Javobgarlik

Manov yurt seniki.
Ha, ha seniki,
Osmoni, togʻlari, oltin, maʼdani...
Sen unga javobgar bugundan boshlab,
Axir bu Vataning,
jondek Vataning.

Xohla daraxt ekib, bogʻga aylantir,
Xohla kesib yoqqin borki chinorin.
Xohla mehnat qilgil, quyoshday tanti,
Xohla siypab yotgin salqinda qorin...

Ammo unutmaki;
shu yurt seniki,
Boʻyningda,
bosilgan har bitta qadam.
Xudo koʻrsatmasin,
biror gap boʻlsa,
Oʻzing koʻtarasan laʼnatini ham!

@jaloliddinsayid

564 0 4 5

20 ta oxirgi post ko‘rsatilgan.

1 029

obunachilar

Kanal statistikasi

Kanalda mashhur

Бугун Чори Аваз туғилган кун! СЪЁМКА ПАЙТИДА Режиссёр жилмайиб яхши гаплашди, Актёрларга рол...

* Uvv solar noyabr so'nggi kechasi Qorishiq uvlaydi ichimda isyon Bir-bir ketib borar, ilib nimc...

ХАЁЛ Гапирма, туз сепма эски ярамга, Эслатма, қўй энди ўшаларингни. Захлаган хаёллар олар аланга...

*** Qaqimchilar, faqat ertakda deding, (Chaqimchilar faqat ertakda deding). Onajon, cho‘pchakda...

Бугун устоз шоир Асқар Маҳкам туғилган кун. *** Қасам ич, Осиё, Соро, Марям, Фотиматуз Заҳро, ...