Yaqinda ko'rib qoldim: O'zbekiston24 kanalida Huquqni muhofaza qilish akademiyasini tugatganlargina prokuratura va tergov organlarida ishlay oladi, degan mazmunda noto'g'ri ma'lumot berilibdi. Bu ma'lumot haqiqatga to'g'ri kelmaydi.

Ma'lumot uchun O'zbekiston Respublikasining "Prokuratura to'g'risida"gi Qonunida "Prokuratura organlarida prokurorlar, tergovchilar, surishtiruvchilar va ish o‘rganuvchilar lavozimiga oliy yuridik ma’lumotga ega, zarur kasbiy fazilatlari bo‘lgan, zimmalariga yuklanadigan xizmat vazifalarini bajarishga sog‘lig‘i imkon beradigan O‘zbekiston Respublikasining fuqarolari tayinlanadi", deb belgilangan. Demak, oliy yuridik ma'lumotga ega bo'lgan barcha fuqarolarimiz prokuratura organlarida prokuror va tergovchi bo'lib ishlay oladi.

Hurmatli telekanallar, butun xalqning e'tiboriga yetkazayotgan xabarlaringizni huquqshunoslardan huquqiy ekspertizadan o'tkazib olsangiz yaxshi bo'lar edi.

@sheralisher7