SHERALISHER

❗️Shveysariya Bosh prokuraturasi tomonidan Gulnora Karimovadan musodara qilingan $182 mln O‘zbekistonga qaytariladi

O‘zbekiston hukumati va Shveysariya Federal Kengashi o‘rtasida “Musodara qilingan aktivlarni taqsimlash to‘g‘risidagi bitim” imzolandi.

Mablag‘lar Birlashgan Millatlar Tashkilotining “Uzbekistan Vision 2030 Fondi” Ko‘p sheriklik trast Jamg‘armasi orqali qaytariladi.

@sheralisher7

#qonunchilikdagi_yangiliklar

➖Davlat mulkida bo'lgan mulklarni faqatgina Vazirlar Mahkamasining qarori bilangina garovga berilishi belgilandi.

O'zbekiston Respublikasining 2025-yil 7-fevraldagi O'RQ-1025-sonli Qonuni.

@sheralisher7

O'zbekistonda bitta dissertatsiya yozib berish narxi $3000-5000 bo'lishi mumkin - tadqiqot

Higher Education Policy jurnalida e'lon qilingan tadqiqotga ko'ra, O'zbekistonda ilmiy daraja olish uchun himoyaga chiqishda g'ayriaxloqiy usullardan foydalanish keng tarqalgan: "qaroqchi" jurnallarda maqolalar chop qilish, maqola va / yoki dissertatsiyani birovga yozdirish. Bunday usullardan foydalanish ko'lami 2017-yildan beri oshgan ko'rinadi. "Ko'plar ilmiy darajalarni kuchli akademik kompetensiyalari uchun emas, tanish-bilishlari va moliyaviy imkoniyatlari borligi uchun oladi".

Tadqiqot mualliflariga ko'ra, oliy ta'lim muassasalarida doktorantlar va ularning ilmiy rahbarlarining chuqur (advanced) ilmiy tadqiqotlar metodologiyasi bo'yicha ko'nikmalarini rivojlantirish hamda ularga ilmiy ma'lumotlar bazalaridan foydalanishga imkon berish uchun resurslar yetishmaydi. Bu esa tadqiqotchilarning sifatli, ta'sirchan (impactful) tadqiqotlar olib borish va nufuzli, taqrizdan o'tadigan (reviewed) ilmiy jurnallarda maqolalar chop etish imkoniyatini cheklaydi.

Karimov davrida uning avtoritar boshqaruv uslubi ilmiy kadrlar tayyorlash tizimining jahon ilmiy hamjamiyatiga integratsiyalashuviga va akademik hamkorlikka to'sqinlik qilgan bo'lsa, hozirda resurs va salohiyat yetishmasligi bunga xalal bermoqda. O'zbekiston tadqiqotlarga ajratiladigan mablag'lar jihatidan sobiq SSSR davlatlari orasida eng past o'rinlarda qolmoqda: 2022-yilda buning uchun yalpi ichki mahsulotning 0,16%i ajratilgan.

O'zbekistondagi ilmiy kadrlar tayyorlashning "ilmiy rahbar - shogird" modeli bilim, ko'nikmalar va kompetensiyalarni yetkazish imkoniyatlarini cheklamoqda, doktorantlarga biriktiriladigan ilmiy rahbarlarining o'zlari ham o'z sohalaridagi ilmiy yangiliklardan va zamonaviy ilmiy tadqiqot metodlaridan xabardor emas.

Ilmiy darajalar berishning markazlashgan tizimi hamda OAKning maqolalar soni va ilmiy ishning joriy qilinganligi singari rasmiy talablari ilmiy ish sifatini ta'minlashni qiyinlashtiradi.

Tadqiqot mualliflari bilan suhbatlashganlarning fikriga ko'ra, nafaqat doktorantura, balki bakalavriat va magistratura ham islohotga muhtoj: ularda tanqidiy fikrlash va tadqiqotlar olib borish bo'yicha bazaviy ko'nikmalar o'rgatilmaydi.

Yuz foiz qo'shilaman shu maqolada yozilgan fikrlarga

@sheralisher7

#sarkazm

Qarasam, qushlar itning idishidagi ovqatni cho‘qishni o‘rganib olibdi. Ovqat solishing bilan bir galasi yopiriladi. Itga ovqatning yarmi ham qolmaydi. "Bu paytda it qani?" degan savol tug‘ildi menda. Kuzatdim. Eshakday bahaybat it o‘zini oftobga toblab yotibdi. Qushlarni ko‘ryapti, lekin parvo qilmaydi. Vaholanki, bir marta vovullasa qushlar qochadi. Nima uchun u ovqatini qo‘riqlamayapti? Javob topdim. Itda refleks paydo bo‘lgan. U qushlarni qo‘rishga erinadi. Nima uchun? Chunki u ovqati kamaysa, yana olib chiqib solishlarini biladi. Mana, rohatlanib mudrab yotibdi. Yoki sayr qiladi.
Itni chaqirdim va o‘tqazib qo‘yib nasihat boshladim:
— Nimaga sen dotatsiyadagi tuman moliya bo‘limi boshlig‘iday ag‘anab yotibsan? Tuman budjetida pul bormi, yo‘qmi, senga baribirmi? Chunki qancha pul yetishmasa, davlat budjetidan ajratiladi-da. Aqlsiz it! Bo‘ldi, endi moliya bo‘limi yopildi. Endi davlat budjetidan grafik bo‘yicha – sutkada faqat bir marta ovqat ajratiladi. Uni qushlar yeb ketsa, bilganingni qil! Qo‘shimcha ovqat berilmaydi! Och yotaverasan.

Men itga qo‘shimcha ovqat berishni to‘xtatdim. Itga yangi tartibni tushunishiga ikki kun kifoya qildi... Odamlarga hayronsan.

✍️ ORIF FARMON

@sheralisher7

O‘zbekistonda eng ko‘p maosh oladigan kasblar qaysilar?

2024-yil yakuni bo‘yicha O‘zbekistonda o‘rtacha nominal ish haqi 5,3 mln so‘mni tashkil etdi. Bu ko‘rsatkich 2023-yilga nisbatan 17,4% ga o‘sgan.

Maoshlar bo‘yicha eng yuqori o‘sish Toshkent shahrida kuzatildi – bu yerda o‘rtacha oylik ish haqi 9 mln so‘mga yetib, 21,4% ga oshdi.

Eng yuqori maosh to‘lanadigan sohalar:

🔺 Moliya sohasi – 15,2 mln so‘m
🔺 Aloqa sohasi – 13,1 mln so‘m
🔺 Transport sohasi – 8,1 mln so‘m

O‘rtacha darajadagi maoshlar:

🔸 Sanoat – 6,4 mln so‘m
🔸 Savdo – 6,2 mln so‘m
🔸 Qurilish – 5,9 mln so‘m

Eng kam maosh oladigan sohalar:

🔻 Sog‘liqni saqlash – 3,4 mln so‘m
🔻 Ta’lim sohasi – 3,6 mln so‘m

Qaysi sohada bo'lsak ham, daromadimiz qancha bo'lsa ham, Alloh barakasini bersin!

@sheralisher7