Kecha aylanib Toshkentda yangi ochilgan Hightown mall (savdo markazi)ga borib koʻrdim. Yunusobod tumanida xitoyliklar qurgan majmua tashqi dizaynini aytmaganda poytaxtdagi boshqa savdo markazlari kabi. Lekin City malldan kichikroq Samarqand darvozadan kattaroq.
Fasadining gulli qismlari nimanidir buzib turibdi, nazarimda. Biroq yaqindan va pastdan qarasa, chiroyli koʻrinadi. Qayerdadir ular oʻrniga oyna boʻlishi reja qilinganini oʻqigandim.
Ichki koʻrinishi qandaydir chatishtirilgan dizaynni elatdi. Bunaqasini oldin koʻrmaganman, desam, xato boʻladi. Dubaydagi
Ibn Battuta mall va Qatardagi
Villaggio mallda ham shu uslubdan foydalanilgan (yaʼni shifti ochiq osmon rangida, devorlari esa rang-barang derazali).
Savdo markazida qator mahsulotlar, yegulik va kiyim-kechak brendlarini topish mumkin. City malldagidek faqat glamourlar yigʻilmagan.
Koʻpchilik eshitmagan, shekilli, hozircha odam kam, balki rasmiy ochilishi eʼlon qilinmagani, reklama yaxshi tarqatilmagani uchundir. Bino oldida bitmagan dumaloq shakldagi restoran bor - oʻshanisi qiziqtiryapti, ochilsa, borib koʻrishli u ham.
Umuman, bunday savdo markazlari ko'p bo'lishi tarafdoriman. Citymallga dushanba kuni borsangiz ham gavjumlik ichida qolib ketasiz, demak odamlarga qiziq va ehtiyoj bor.
Hozircha shular. Lokatsiyasini quyida qoldirdim:
@shakhdarov
