Шаффоф қурилиш миллий ахборот тизими

#Bir_savolga_bir_javob

❓Tashkilotimiz logotipini tizimga kiritish uchun nima qilish kerak? Sizlar uni yuklashda yordam berasizlarmi?

✔️Tashkilotingiz logotipini Qurilish sohasida elektron davlat xaridlarini o‘tkazish hamda qurilish-pudrat tashkilotlari reytingi axborot tizimiga kiritish juda oson.

📌Buning uchun O‘zbekiston Qurilish va uy-joy kommunal xo‘jaligi vazirligi yoki “Shaffof-qurilish” markaziga murojaat qilish yoki xat yozish ham shart emas.

➡️Faqatgina shaxsiy kabinetingizga kirib, o‘zingizga tegishli logoni yuklaysiz, bas.

🔴Ma’lumot o‘rnida: logotipning eng asosiy vazifasi sizning biznesingizni boshqa
korxonalardan ajratib turadigan noyob belgidir.

Аxborot kommunikatsiya texnologiyalarini rivojlantirish Respublika markazi

#Bir_savolga_bir_javob

❓Qurilish tashkilotimiz yangi tashkil etilgan va biz reyting haqida bilmoqchi edik?

📌Qurilish-pudrat tashkilotlari elektron reytingini reyting.mc.uz portaliga kirib, tashkilot STIR raqamini kiritish orqali ko‘rish mumkin. Hozirda reytingda 17 mingdan ortiq korxona ko‘rsatilgan.

✔️Qurilish-pudrat kompaniyasining ishonchliligini aniqlash uchun malakali mutaxassislar, moliyaviy ko‘rsatkichlar, bajarilgan ishlarning sifati, ish tajribasi, texnik baza va raqobatbardoshlik kabi mezonlar asosida ballar belgilangan.

📌Qurilish-pudratchi tashkilotlar reyting natijalari ishonchlilik toifasi bo‘yicha A, B, C, D darajalariga, ular o‘z navbatida reyting bahosiga ajratilgan.

🔔DDD reytingi- reytingda eng past ishonchlilik darajasi sifatida aniqlanadi va yuqori darajadagi xavfni anglatadi, ishonchlilik darajasi 7% dan 20% gacha.

🥇AAA reytingi yuqori darajadagi ishonchlilik sifatida tavsiflanadi va minimal xavfni anglatadi, ishonchlilik darajasi 85% dan 100% gacha.

➕Tender savdolari aynan mazkur reyting natijalariga ko‘ra o‘tkaziladi va savdolarda reytingi yuqori tashkilotlar ustunlikka ega bo‘ladi.

Аxborot kommunikatsiya texnologiyalarini rivojlantirish Respublika markazi

🇺🇿🇷🇺 Xabaringiz bor, ayni vaqtda Qurilish va uy-joy kommunal xo‘jalik vazirligi, “Shaffof qurilish” milliy axborot tizimi hamda Texnik me’yorlash va standartlashtirish ilmiy-tadqiqot instituti vakillaridan iborat delegatsiya Moskva shahrida uchrashuvlar o‘tkazmoqda.

✔️Bugun Rossiyaning Omsk viloyatida amalga oshirilgan raqamlashtirish ishlarining o‘ziga xosligi, Moskva viloyatida davlat nazorat yuritish va raqamlashtirish borasida erishilgan yutuqlar muhokama qilindi.

📌Kun tartibidagi masalalar orasida obyektlarning qurilish narxini belgilash tartibi, turlari, qurilish materiallariga indekslarni shakllantirish va qo‘llash yo‘nalishlarida ham tajriba almashish ko‘zda tutilgan.

https Аxborot kommunikatsiya texnologiyalarini rivojlantirish Respublika markazi

🇺🇿🇷🇺Ayni vaqtda O‘zbekiston qurilish va uy-joy kommunal xo‘jaligi vazirligi va “Shaffof qurilish” milliy axborot tizimi vakillaridan iborat delegatsiya Moskva shahrida uchrashuvlar o‘tkazmoqda.

😀Maqsad Rossiya qurilish va uy-joy kommunal xo‘jaligi vazirligi bilan hamkorlikda buyurtmachi xizmati faoliyatini va arxitektura-qurilish nazorati jarayonlarini raqamlashtirish bo‘yicha tajriba almashish.

☺️Uchrashuvlarda sohada shaffoflikni ta’minlash va raqamlashtirish jarayonlarini yanada takomillashtirish masalalari ham muhokama qilinmoqda.

Аxborot kommunikatsiya texnologiyalarini rivojlantirish Respublika markazi

#Bir_savolga_bir_javob

⁉️Ishchilarimiz soni koʼp, lekin qurilish-pudrat tashkilotlari reytingining kadrlar siyosati yoʼnalishida ballimiz past. Sababi nima?

‼️Oʼzbekiston Respublikasi Prezidentining 2024 yil 12 avgustda qabul qilingan “Ish haqi, pensiyalar va nafaqalar miqdorini oshirish toʼgʼrisida”gi farmoni bunda muhim ahamiyatga ega.

✔️Unga koʼra yurtimizda mehnatga haq toʼlashning eng kam miqdori — oyiga 1 million 155 ming soʼm etib belgilangan. Аgarda qurilish-pudrat tashkilotlari ishchilarga ushbu soʼmmadan kam ish haqi yozgan boʼlsa, ball berilmaydi. Qachonki, shtatdagi har bir ishchi-xodimga mazkur soʼmma va undan yuqori miqdorda mablagʼ toʼlab berilsa, reytingda ball qoʼshiladi.

Аxborot kommunikatsiya texnologiyalarini rivojlantirish Respublika markazi

#Bir_savolga_bir_javob

❓Nima uchun lotni tugash sanasi bilan tekshiruv muddati bir-biridan farq qiladi?

❗️Bu tartib Oʼzbekiston Respublikasi Prezidentining 2024 yil 10 iyulda qabul qilingan “Davlat xaridlari tizimini takomillashtirish va unda kichik tadbirkorlik subʼektlari ishtirokini ragʼbatlantirish chora-tadbirlari toʼgʼrisida”gi qarorida keltirib oʼtilgan.

✔️Unga koʼra davlat buyurtmachilari toʼgʼridan-toʼgʼri shartnomalar tuzilishidan oldin kamida bir ish kuni, shuningdek, tender savdolari natijalariga koʼra rasmiylashtirilgan bayonnomalar davlat xaridlari maxsus axborot portaliga joylashtirish orqali kamida ikki ish kuni davomida jamoatchilik muhokamasidan oʼtkaziladi.

Аxborot kommunikatsiya texnologiyalarini rivojlantirish Respublika markazi

📌AOKAda  Qurilish va uy-joy kommunal xoʻjaligi vazirligi axborot xizmati rahbari Saidnosir Usmonov ishtirokida brifing bo‘lib o‘tdi.

▶️2024-yilning 23-sentabr kuni Oʻzbekiston Respublikasi Prezidenti  raisligida boʻlib oʻtgan “Qurilish industriyasi va qurilish materiallarini ishlab chiqarishni yanada rivojlantirish”ga oid videoselektor yigʻilishida qurilish-montaj ishlari sifati masalasiga alohida eʼtibor qaratilib, bu borada bajarilishi shart boʻlgan aniq vazifalar belgilab berilgan edi.

Ushbu vazifalar ijrosini taʼminlash, xususan, mamlakatimiz qurilish sohasidagi jarayonlarni samarali va shaffof boshqarish maqsadida yangi qurilishlarda davlat nazorati tizimi joriy etilmoqda. Mazkur tizim zamonaviy raqamli yechimlar asosida ishlab chiqilgan boʻlib, qurilish jarayonlarini boshqarish, hujjatlashtirish va nazorat qilishda qulay imkoniyatlar yaratadi. Tizimning asosiy maqsadi qurilish jarayonlarini izchil boshqarish, ortiqcha qogʻozbozlikka yoʻl qoʻymaslik va inson omili taʼsirini kamaytirish orqali sifat va xavfsizlikni taʼminlashdan iborat.

❓ Xoʻsh, tizimning oʻziga xos yangiligi va imkoniyatlari qanday omillarda koʻrinadi? 

Dastlab cheklist tizimiga toʻxtalamiz. Ushbu tizim bilan qurilish jarayonlari bosqichma-bosqich tekshiriladi va har bir ish turi uchun toʻldiriladigan cheklistlar orqali sifat nazorati amalga oshirilib, hujjatlashtirish jarayoni soddalashtiriladi. Tizim qurilish korxonalarining holatini avtomatik baholaydi va reytingi past boʻlgan yoki talabga javob bermaydigan korxonalarga ruxsatnoma bermaydi.

✔️Muhim yangiliklardan yana biri har bir obyekt uchun “QR” kodli pasport joriy etilgan boʻlib, ushbu kod orqali obyekt haqidagi barcha maʼlumotlarni real vaqt rejimida olish mumkin. Bu respublikadagi barcha fuqarolar va jamoat nazorati vakillariga qurilish obyektlar holatini qulay tarzda kuzatish imkonini beradi.

 Obyektni foydalanishga qabul qilish jarayoni ham ancha soddalashtirildi. Eski tizimdagi 27 ta cheklist bandi oʻrniga, yangi tizimda faqat 7 ta band qoldirilib, jarayonni tezlashtirish va ortiqcha kechikishlarni oldini olishga yordam beradigan tizim ishga tushdi.

Qurilish ishtirokchilari uchun interaktiv va qulay kabinetlar ishlab chiqildi. Har bir kabinet foydalanuvchiga moslashtirilgan boʻlib, bu orqali ichki nazorat, texnik nazorat, mualliflik nazorati va inspektorlar uchun alohida imkoniyatlar taqdim etilmoqda.

Qurilish jarayonlari tizim orqali raqamlashtirilib, qoʻshimcha ravishda obyektlar real vaqt rejimida kuzatib boriladi. Yaʼni, inspektor obyektni joyiga chiqib monitoring qilish bilan birgalikda elektron hujjat va fotosuratlar orqali obyektni holati boʻyicha qoʻshimcha oʻrganishlarni amalga oshirish imkoniyatiga ega boʻldi. Barcha xulosa, yozma koʻrsatma va tasdiqlar elektron hujjat aylanishi orqali amalga oshiriladi. Bu esa qogʻoz hujjatlariga boʻlgan ehtiyojni kamaytirib, jarayonlarni tezlashtirishga yordam beradi.

📌Eng muhimi, qurilish jarayonlari "Shaffof qurilish" milliy axborot tizimiga integratsiya qilinib, jarayonlarning shaffofligi oshirildi va korrupsiya xavfi kamaytirildi.

Umuman olganda yangi tizim qurilish jarayonlarini shaffoflashtirish, sifat nazoratini kuchaytirish va jarayonlarni soddalashtirishga xizmat qiladi. Bu innovatsion yechimlar quruvchilar va nazorat organlari uchun qulaylik yaratib, obyektni oʻz vaqtida va sifatli tayyorlab foydalanishga topshirishga imkon beradi.

https://t.me/shaffof_qurilish

#bir_savolga_bir_javob

❓Savol:Tender qaysi viloyatda qo‘yilsa unga ana shu viloyatdagi firmalar kira oladi. Boshqa hududlarda faoliyat yuritayotganlar kirishi uchun nima qilish kerak?

❗️Javob: O‘zbekiston Respublikasi Vazirlar Mahkamasining 2022 yil 23 noyabrdagi 665-sonli qaroriga ko‘ra boshlang‘ich narxi (QQS bilan) bazaviy hisoblash miqdorining 200 000 baravarigacha bo‘lgan elektron tenderlarda faqat o‘sha hudud (Qoraqalpog‘iston Respublikasi, viloyatlar va Toshkent shahri)da yuridik shaxs sifatida ro‘yxatdan o‘tgan talabgorlar ishtirok etadi.

✔️Boshlang‘ich narxi (QQS bilan) bazaviy hisoblash miqdorining 200 000 baravari va undan yuqori bo‘lgan obyektlar, III va IV xavf-xatar toifasidagi obyektlar bo‘yicha o‘tkaziladigan elektron tenderlarida hududiy cheklov tatbiq etilmaydi.

❌Agar talabgor yuridik shaxs sifatida ro‘yxatdan o‘tgan hududda shartnoma shartlariga ko‘ra ishlarni yakunlamagan holda boshqa hududga yuridik manzilini ko‘chirgan taqdirda, avvalgi yuridik manzil hududidagi ishlarni yakunlanmagunicha, u yangi yuridik manzil hududidagi elektron tenderlarda ishtirok etolmaydi.

Аxborot kommunikatsiya texnologiyalarini rivojlantirish Respublika markazi

😀#tabrik

🤔"Shaffof-qurilish" jamoasi sizlarni O'zbekiston Respublikasi Konstitutsiyasi qabul qilinganining 32 yilligi bilan tabriklaydi.

❗️Konstitutsiya – davlatni davlat, millatni millat sifatida dunyoga tanitadigan Qomusnoma, u xalqimizning irodasi, ruhiyati, ijtimoiy ongi va madaniyati aks etgan asosiy qonundir. 

✔️Ana shu muborak kunda yurt rivoji yo'lidagi ezgu ishlaringizda omad va oilaviy baxt tilaymiz!

https://t.me/shaffof_qurilish