Baxtli bo‘lamiz

Go‘zalginam, gul bo‘y iforim.
Eng sof tuyg‘u, halol izhorim...
Mening baxtim, mening bahorim.
Biz albatta baxtli bo'lamiz.

Kim ne desa deyaversinlar.
G‘iybatimiz qilaversinlar.
Ex... hayollar suraversinlar.
Biz albatta baxtli bo‘lamiz.

Mehribonim, yolg‘izim, gulim.
Lolajonim, o‘zimning so‘lim...
Qo‘llaringni tutgancha qo‘lim.
Biz albatta baxtli bo'lamiz.

Yonginamda kulib turasan,
Nelar hayol surib turasan..?
Qo‘y o‘ylama... hali ko‘rasan...
Biz albatta baxtli bo'lamiz.

Quvonchlarga burkanib nafas.
Armonlarga qo‘ygancha qafas.
Oshiqlarni qildirib havas,
Biz albatta baxtli bo'lamiz.

Ko‘nglimizni etmasdan gado,
Orzularni etmasdan ado.
Bo‘lsahamki jonimiz fido,
Biz albatta baxtli bo'lamiz.

Boru yo‘g‘im bag‘ishlab senga.
Yuragimni topshirdim senga.
Endi jonim ishongin menga.
Biz albatta baxtli bo'lamiz.

Mening baxtim... mening bahorim...
Biz albatta baxtli bo'lamiz...

✍Odilbek Qodirov