Sariq Dev

ChatGPTning yangi, rasm generatsiya qilish funksiyasidan nafaqat "Anime" usulidagi suratlarni yaratish, balki jiddiyroq vazifalar uchun ham foydalanish mumkin.

Masalan, tez kunda chiqadigan SI kursiga izlanish davomida Jahon Iqtisodiyot Forumining "Mehnat bozori kelajagi 2025" hisobotini o'qir ekanman ushbu grafikka duch keldim.

Grafikda 2025-2030 yillarda talab oshib boradigan va aksincha, yo'qolib boradigan kasblar ro'yxati berilgan.

Tasvirni kursga qo'shimcha material sifatida qo'shish uchun tarjima qilish kerak edi. Bir dona to'g'ri buyruq (prompt) bilan ChatGPT bu vazifani bir zumda uddaladi.

Tasavvur qiling, avvallari bu uchun nechta qadam bosish kerak edi:
1. Grafikdagi matnlarni qo'lda yozib chiqish
2. Matnlarni tarjima qilish
3. Ma'lumotlarni excel kabi dasturga kiritish
4. Ma'lumotlar asosida grafikni qayta chizish

Bularni hammasiga kamida 1-2 soat vaqt sarflar edik. Endi esa...

Mayli, mavzudan chalg'imaylik, asosiy mavzu keyingi 5 yilda mehnat bozori qanday o'zgarishi.

Eng talab ortib boradigan kasblar orasida ma'lumotlar (data science) va SI muhandislari, dasturchilar, kiberxavfsizlik mutaxassislari, UI/UX dizaynerlar topda.

Yo'qlib ketadigan kasblar esa asosan, takrorlanuvchi vazifalarni bajaruvchi lavozimlarga ko'proq tegishli ekan (pochta xizmati, bank, kotib, kassir va hokazo). Bu ro'yxatda grafik dizaynerlar alohida ajralib qolgan, bunga esa albatta Midjourney va ChatGPT kabi dasturlar sabab bo'lmoqda.

Ertaga soat 12:00 da Fikrat tahliliy dasturida aynan shu mavzuni jonli efirda muhokama qilamiz.

Siz qaysi soha vakilisiz? Grafikda o'z kasbingizni topdingizmi?

Assalomu alaykum, aziz obunachilar, barchangizga Ramazon hayiti muborak boʻlsin.

Allohim qilgan ibodatlaringizni qabul qilsin, oilangizga tinchlik va farovonlik ato qilsin.

Bayram muborak!

@sariqdev

🇫🇷O‘tgan hafta Fransiya hukumati taklifi bilan Parijda bo‘lib o‘tgan "Global AI Action Summit" tadbirida qatnashish uchun kelgan edim. 

10-11 Fevral kunlari dunyo rahbarlari, soha mutaxassislari, katta va kichik IT kompaniyalar ishtirokida muhokamalar, seminar, workshop va boshqa tadbirlar bo‘lib o‘tdi. 

So‘nggi yillarda SI’ning insoniyat kelajagiga ta’siri haqida ko‘p gaplar bo‘layapti. Jamiyatda o‘rinli va o‘rinsiz qo‘rquv, sarosimalar kuchaygan. 

Har kuni yangi-yangi SI modellar chiqib kelyapti, soha shunchalik tez rivojlanyaptiki, hukumatlar ham, biznes ham, jamiyat ham bu tempga moslasha olmayapti. Keyingi 5 yil emas, hatto 2-3 yilga ham strategiya qilish qiyinlashib boryapti. 

Sammitda aynan shu masalalar atrofida juda ko‘p gaplar bo‘ldi. Barchasini bir postda yoritish qiyin, shuning keyingi bir nechta maqolalarim Parijdagi sammit va uning atrofidagi voqea va hodisalar haqida bo‘ladi.

Kuzatib boring.

@sariqdev

Kechagina Tokiodan, Jahon banki tashkil qilgan Raqamli akademiyadan qaytdim. Asosiy mavzu Sun'iy intellektning davlat rivojidagi oʻrni.

Koʻp davlatlarning tajribasini eshitar ekanman, hayolimdan faqat bitta gap aylandi - biz ortda qolayapmiz.

Holatni oʻzgartirish uchun nima qilish kerak?

Javob maqolada: LINK

Kelayotgan juma kuni Qudrat aka bilan AMA (ask me anything) formatida suhbat qilamiz.

Qudrat aka uzoq yillik tajribaga ega dasturchi, hozirda siz tanigan va tanimagan senior dasturchilarning katta ustozi.

Suhbat Mohirdev Telegram va Instagram kanallarida jonli bo’ladi.

Batafsil ma’lumot uchun @mohirdev kanalini kuzatib boring.