#Live

➡️ Saylovchilar bilan o‘tkazilgan uchrashuvlar va muloqotlar davomida mamlakatimizda “O‘zbekiston – 2030” strategiyasi doirasida amalga oshirilayotgan keng ko‘lamli islohotlarning borishi, yangi qabul qilingan qonun hujjatlarining mazmun-mohiyati va ahamiyati yetkazildi.

➡️ Mamlakatimiz Prezidentining 2024-yil 23-sentabrdagi tegishli qarori bilan tasdiqlangan “Kambag‘allikdan farovonlik sari” dasturining mohiyati va ahamiyatini saylovchilarga tushuntirilib, uning yo‘nalishlar va hududlar kesimida ijro etilishi holati ustidan ta’sirchan parlament nazoratini o‘rnatish choralari ko‘rildi.

➡️ Shuningdek, fuqarolarning qabullari tashkil etilib, ularga 3 963 nafar fuqaro ishtirok etdi. Ushbu qabullarga hududlardan quyi palataga murojaat yo‘llagan fuqarolar ham taklif etilib, ularning masalalari joyida ko‘rib chiqildi.

➡️ Deputatlarning saylov okruglaridagi faoliyati aholi va saylovchilarni o‘ylantirayotgan ayrim masalalar va kamchiliklarni aniqlash, ularni bartaraf etish imkonini bermoqda. Jumladan, deputatlar tomonidan mahalliy ijro organlari bilan birgalikda ko‘rilgan chora-tadbirlar natijasida aholi tomonidan ko‘tarilgan 165 ta masala ijobiy hal etildi.

➡️ Qolaversa, aholini tashvishlantirayotgan tuman va shahar darajasidagi 710 ta, viloyat darajasidagi 174 ta dolzarb masalani mahalliy ijro hokimiyati va boshqa tegishli mutasaddi idoralar bilan birgalikda hal etish choralari ko‘rildi. Vaqt va mablag‘ talab etadigan respublika darajasidagi 58 ta masala esa alohida nazoratga olindi.

Veb-sayt| Telegram |Facebook |  YouTube| Instagram| X| ParlamentTV_RADIO