Rovi Talk

- Sizga figuram yoqadimi?
- Ha.
- Ko’zimchi?
- Yoqadi.
- Sochlarimchi yoqadimi?
- Hammasi yoqadi. Agar yoqmaganida senga uylanmas edim.
- Voy voyey so’rabam bo’midi…
- Obbo… Hammasi yoqadiyu, shu fe’ling bilan, manashu hulqing bilan bezdirvormasang bo’ladi. Shuni bilvolgin, Husn-Jamol bir “Ko’rguncha”, go’zal hulq esa bir umr o’ziga tortaveradi.
- …

@rovitalk | Instagram | YouTube

Avvalgi qism 👉 https://t.me/rovitalk/4888

- Yana to’pni olishga urinadi.

- Barakalla! Endi qara, demak uni faqat ikki dona ishi mashhur qilgan halos. Birinchisi, u to’pni ortidan yugurmaydi, balki to’p keladigan joyni oldindan bilib o’sha joyga boradi. Ikkinchisi u biror natijaga erishmasa, o’ylanmaydi, demak nasib emas ekan deydida, yana yangisiga harakatni boshlaydi. Hamma mashhurlarni, hamma biror natijaga erishgan odamlarni siri shu. Ular to’pni ortidan yugurishmaydi, to’p keladigan joyga borishadi va har bir imkoniyatdan foydalanishadi, qilgan ishi natija bermasa o’ylanib ham o’tirmasdan yangisini boshlashadi. Endi menga aytchi Karimberdi, to’pni o’zi keladigan joyni avvaldan qayerdan bilamiz?

- ….

Karimberdi bir qanaqadir duolar, yoki qo’llarni osmonga ko’tarib, aylantirib yoki qandaydir ovozlar chiqarib qilinadigan bir amallarni kutgan edi. Lekin Nurli bobo aytgan narsalar uni joyida qotirib qo’ydi. Bu yerda hech qanday bir murakkab gap yo’q, hammasi oddiy lekin bir vaqtni o’zida shu darajada tushunarsizki…

Nima sababdan tushunarsiz? Chunki bunday ishlarni qilmagani uchun tushunarsiz, bunday yashab ko’rmagani uchun tushunarsiz. Hamma narsani faqat orqasidan quvgani uchun tushunarsiz. Pulni, obro’ni, martabani, yaxshi munosabatni, yaxshi gapni orqasidan quvib umri o’tgani uchun tushunarsiz.

Endi xatosini tushundi, taslim bo’ldi. Avval tanasi taslim bo’lib Nurli boboni oldiga qaytgan edi, endi butun ichki olami taslim bo’ldi. Chunki u uchun barcha yo’llar yopiqdek ko’rindi. Shunchaki ojizlik bilan jim turdi.

- Dehqon bahorda yerga urug’ qadaydi, lekin undan ancha avval, kuzda yerni shudgor qiladi, bahorda yerni tekis qiladi, ba’zida esa hatto yerni sho’rini yuvadi. Undan keyin tekislaydi, ariq oladi, undan keyin yerga urug’ qadaydi. Urug’ qadaganidan keyin suv yo’lini to’g’rilaydi. Hammasini tayyorlab bo’libgina yerga suv yuboradi. Ana undan keyin kutadi. Urug’ bir kunda unib chiqmaydi. Bir necha kundan keyin ko’zga ko’rinishni boshlaydi. Ekilgan ekin biroz o’sishi bilan u bilan birgalikda yovvoyi o’tlar ham o’sganini ko’rasan. Dehqon o’sha o’tlarni yo biror texnika yoki dori, ba’zida esa qo’li bilan yulib ekinini atrofini tozalab chiqadi. Ana undan keyin ekkanidan hosil olish ehtimoli katta bo’ladi. Ekini to hosil bergunicha kutadi. Nimaga hosil bo’lmayapti deb yarim o’sgan vaqti yerdan sug’urib ildizini tekshirmaydi. Kutadi. Agar bu orada yovvoyi o’tlar yana o’ssa, ularni yana yuladi, kesadi, o’ldiradi. To hosil olgunicha.

O’sha dehqon sensan. Qalbing esa seni ekin maydoning. Avval uni huddi yer shudgor qilib avvalgi yili ishlatilgan usti pastga ag’darilgandek, hamma xatolaringa tavba qil va hech kimga aytma, ularni yerni tagiga ko’mgandek ko’m. Tavbangda holis bo’l shunda yerni to’g’ri shudgor qilgandek bo’lasan. Tavbadan keyin biroz to’xta. Yerni dam olishga bergandek o’zingni to’xtat. Qilayotgan ishlaringa qara. Agar yerni sho’ri bo’lsa yuv. Ya’ni tavba qilganingdan keyin ham xatolar ko’rilsa uni ko’z yoshli tavba bilan yuv.

Unda keyin yana yerga qara, tayyor bo’lgan bo’lsa endi tekisla. Hayollaringni, fikrlaringni niyatingni tekisla, to’g’ri qil. Meni Sultonim, Mavlono Hazratlari aytganidek:
“Yoyga to’g’ri-tekis o’q lozim. Yoy qanchalik qattiq tortilsa tortilsin, to’gri bo’lmagan o’q uzoqqa keta olmaydi. Shunday ekan, ey HAQ yo’lining yo’lchisi! Sen ham niyating ila ham amaling ila bir yo’lda o’q kabi to’g’ri bo’l. Toki Ustozing bir yoy kabi seni nariroqlarning narirog’iga yetkazsin.”

Undan keyin dehqon urug’ qadash va suv yurishi uchun ariq olgandek to’gri va kerakli maqsadlar qo’y. Ya'ni birovga maqtanish, kimnidir qiynash, kimdandir ustun bo’lish uchun maqsad qo’yma. Maqsadlaringga erishish ortidan Alloh roziligi topiladigan bo’lsin, maqsadlaring xalqingga ham foyda keltiradigan bo’lsin, maqsadlaringga erishish orqali o’zing va oilangni butun saqlaydigan bo’lsin.

davomi 👉 https://t.me/rovitalk/4890

Devona Musofir

@rovitalk | Instagram | YouTube

Karimberdini bir o’ziga yoqmaydigan odati bor. Biror narsa bo’lib o’tib ketib bo’lganidan keyin, unga berilgan imkoniyatdan foydalana olmagani uchun ko’p afsuslanadi. O’zini o’zi ayblaydi, o’ziga jahl qiladi, kim bilan bo’lsa urishib yuradi.

Bundan eng ko’p Karimberdini o’zigina emas, ko’pincha uni ayoli, farzandlari va Mushtupar onasi ham qiynaladi. Chunki jahli chiqqanida bor zaxrini xotiniga sochadi, bolalarini urishadi. Buni ko’rgan onasi esa ezilib o’tiradi.

Karimberdida bu odat borligi sabab uni kunlari, oylari va hatto yillari ham suv oqagandek o’tib ketayotgandek edi.

Qarzi kundan kun ortib borar, munosabati kundan kun yomonlashar, farzandlari dadasini ko’rganda avvallari yugurib kelib quchog’iga otilar edi, endi Karimberdini ovozini eshitishlari bilan burchak-burchaklarga qochadigan bo’lishdi. Ayoli zo’rg’a, shu bolalari uchun chidaydi. Onaizor… Onaizor nima qilsin, o’zini bolasi ekanda. Ko’chaga otvorolmaydi, ko’nglidan sug’urib chiqarib yubora olmaydi. Lekin uni ham bolasidan yuragi bezillagan. Bolasini fe’lini bilgan Halima hola “Hoy bolam, kel bir to’xtab o’ylagin” deb gap boshlashi bilan, Karimberdi “EEE Oyi, nimani bilasiz, qo’ying aralashmang” deb jerkib beradi. Onasi namozlarida duo qilishdan boshqa chorasi qolmagan.

Do’stlarini ko’ziga Karimberdi “NOLISH” ramziga aylanib qolgan. U bilan gaplashkilari ham kelmaydi. Choyxonalarda doim u uchun pul to’lashlari ham ortiqchalik qilishni boshlagani uchun, ba’zi qimmatroq choyxonalarga chaqirishmay ham qo’yishdi. Buni Karimberdi sezar edi, lekin hech narsa qila olmas edi.

Holat shunga yetdiki, ko’ziga o’tkir narsalar ko’rinadigan, katta yuk mashinalarini tagiga yurib ketgisi keladigan, qabristonni oldidan o’tsa o’liklarga dardu xasrat qiladigan kunlar ko’paya boshladi.

Nima qilsin, dardini bilmaydida, o’zini o’zi tushunmaydida. Gapini eshitgudek odam yo’q deb hisoblaydi. Unga hech kim yechim bera olmaydi deb o’ylaydi.

O’sha oxirigi, o’sha mash’um vaqtdagi o’sha shomdagi telefoniga kelgan SMS hammasiga nuqta qo’ydi. Do’stlari, o’rtoqlari undan beroz, qo’lida na puli na imkoniyati bor, qilayotgan ishida na ma’no na manfaat bor, xotinini oldida erligi qolmagan, bolalarini oldida otaligi tugayotgan, onasini oldida itdek xor holatga bo’lib qolgan, o’zinikilarga begona, begonalarga esa sarqitgan aylanib qolgan vaqtda kelgan SMS.

Ichidan shunday bir faryod ko’tarildiki, agar uni tashqariga chiqarsa yettinchi osmonni ustiga ham yetib borganini butun olam bilgan bo’lar edi. Shunday bir yig’i keldiki, yosh ko’zidan chiqishni istamasdan burundan oqib ketayotgan edi. Shunday bir “OX!” tordiki uni bu dunyo bilan bog’lab tugan barcha iplarni bittada uzib yubordi.

SMS: “Siz olgan kreditni yopish muddati va unga qo’shimcha berilgan vaqtlarni barchasi tugagani munosabati bilan, uyingizdagi buyumlar musodara qilinadi”.

U taslim bo’ldi, shomdan biroz o’tib uyiga qaytayotgan edi. O’zi ketayotgan qishloq markazidagi do’konlar joylashgan ko’chani bir chetiga o’tirib sekin sulayib qoldi. Endi oilasini ko’ziga qanday qaraydi. Bolalarinichi…

Uyidan olib chiqib ketadigan nimadir bo’lsa ham mayli edi, hech narsa yo’qku. Qaynotasi to’yida xotinini sepiga qo’shib yuborgan sandiq va 2 dona palos bor halos. Onasini ham bitta kichkina sandig’i bor. “O’limtigimga” deb ichiga o’zi bilganicha nimalardir yig’ib yuradi. O’shalarni olib chiqib ketishayotgani ko’z oldiga keldi.

- Men ham erkak bo’ldimmi? Bu kunimdan o’lganim yaxshi. Men yo’q bo’lsam qarzlarim ham yo’q. deb asta yo’lga qaradi.

Uzoqdan kelayotgan, ustiga qandaydir katta bir narsa ortgan yuk mashinasini ko’rdi. Uni chiroqlari lip-lip ko’rinardi. Chiroqlar yaqinlashgani sari orqsidagi yuki anchagina og’ir ekanligini, yuk mashinasi juda qiynalib tezlik olayotganini his qildi. “Demak to’xtashga ulgurmaydi” degan hayol miyyasidan tezgina o’tib ketdi. Chaqmoqdek o’tgan bu fikr, barcha muammolariga yechimdek edi.

U kuta boshladi, mashina borgan sari yaqinlashar edi, Yuz metrga yaqin masofa qolganda o’rnidan turdi, huddiki hozir shu zarurdek ustini qoqdi va…

👉 davomi

Devona Musofir

@rovitalk | Instagram | YouTube

Ozganingiz yutug’ingiz emas. Semirib ketganingiz xato edi.

Endi ozganini hammaga e’lon qilish esa, o’zi axlat qilgan joyini tozalab qo’yib, “Qaranglar men qanchalik pokizalikni yaxshi ko’raman” deyish bilan bir hil.

Muslim Holdarov

@rovitalk | Instagram | YouTube