#НИМАСАН_СЕН?

Нега ҳамма яхшиликлар сенда бўлди?!
Нега ҳамма камчиликлар менда бўлди?!

Дегандингку сенга эргашмасак фасод бўлар,
Ишонмадим, фасод бўлмас, бироқ, бўлди!

Жамолингдан қочиб орттирилган фобиядан
Ҳалолингдан қўрқиб соттирилган ароқ бўлди?!

Аёл-қизга талабимиз бўлса агар ҳақ-ҳуқуқлар,
Аёллардан алиментни олишимиз чатоқ бўлди!

Кундан-кунга ортмоқда-ку кредит-у фоизимиз,
Сен айтгандек савдо қилганга-ку мароқ бўлди!

Сенла эди одоб-аҳлоқ, гўзалгина қадриятлар
Кечган кунда бизга зулматлардан дарак бўлди.

Фозил миллат эришишни истаганда саодатга
Таклифимиз "истаганлар борсин ана дўзаҳ" бўлди.

Йўлингдан юришни-ку ўзимизга ор деб билиб,
Қурганимиз тизимимиз маймунларга мазаҳ бўлди.

Нега ҳамма яхшиликлар сенда бўлди?!
Нега ҳамма камчиликлар менда бўлди?!