Ravshan Turgunov

Reja xato bo‘lishi mumkin, lekin rejalashtirish doim to‘g‘ri bo‘ladi

O‘rtoq tadbirkor va managerlar, bizning eng qiyin ishimiz - o‘zimizga vazifa topish.

Kuningizni boshini doim bugunni rejalashtirishga ishlating.

Shunda 1 kun ichida 2 kun yashaydigan bo‘lasiz.

@ravshanturgunov

Miyaga farqi yo‘q, tasavvuringizdagi narsani boricha qabul qilaveradi. Ilmiy tadqiqotlarga ko‘ra miya haqiqat bilan tasavvurni farqlay olmas ekan.

Kamroq orzularda yashashni tavsiya qilaman. Bo‘lmasa hali erishmagan natijangizga miya sizni dofamin (zavq) gormoni bilan mukofotlab qo‘yadi.

Pushti rang orzularingiz kechki payt kayfni beradi, ertalab esa o‘sha natijaga erishish uchun harakat qilgiz kelmaydi, natija kayfini olib bo‘lgansiz.

@ravshanturgunov

Orzular o'ldiradi

Bitta tanishim hali hammasi yaxshi bo‘lib ketishiga ishonadi. Orzulari Galivud kinolaridan olingan: katta uy, sportcar, qimmatbaho soatlar.

Lekin biznesidagi holat va uning harakatlari bundan uzoq. Qanday qilib hozirgi sabablari hayolidagi natijaga olib kelishini tasavvur qila olmadim.

Boshqa tadbirkorlarda ham shuni kuzatdim. Hali to‘liq tizimini to‘g‘rilab, bozorni egallab olishiga ishonadi, lekin hali ham men bergan 5 kitobni o‘qimadi.

Maqsadlar qo‘yish bo‘yicha bitta oltin qoida: yakuniy natijani doim tasavvur qilavermang, undan ko‘ra o‘sha natijaga olib boradigan jarayonni o‘ylang.

Marketingni yaxshilamoqchisiz? Marketing strategiya qilishni o‘rganayotganingizni va 200-300 video kontent olishingizni tasavvur qiling. 200-300k instagram ko‘rishlarni emas.

Biznes boshqaruvingizni to‘g‘rilamoqchimisiz? Har hafta xodimlar bilan majlislar, vazifalar, meetinglar, hisobotlarni tasavvur qiling. Vaqtida ishni topshiradigan xodimlarni orzu qilmang.

Kamroq ideal hayot haqida o‘ylang, ko‘proq shu hayotga olib keladigan qiyin yo‘lga o‘zingizni tayyorlang.

@ravshanturgunov

Hozir harakat qilmagan, ertaga o’ladi

Hayotimiz zaldagi yugurish yo‘lakchasi bo‘lib qoldi, atrofimga qaradim, hamma yuguryapti, lekin baʼzilar joyida turibdi.

Hozirgi bozorda qayergadir yetib olish uchun 2x yugurish kerak, joyingizda tursangiz yo‘lakcha orqaga olib ketadi.

Ochgan biznesingiz shunchaki yopilib ketmasligi uchun siz boshqaruv va tizimlashtirishni o‘rganishingiz kerak.

Lekin uni kengaytirish uchun esa sizdagi tizim raqobatchilaringizdan yaxshiroq ham bo‘lishi kerak.

Yugurish yo‘lakcha tezligini aniqlab oling, bo‘lmasa u sizni orqaga tortib ketadi.

@ravshanturgunov

Bilganingizni boshqara olasiz

Bir tadbirkor konsultatsiyaga keldi:
• Ravshan, sotuv bo‘limim yaxshi ishlamayapti. Qanday qilib to‘g‘rilasam bo‘ladi?
• Qanchada yangi leadlar bilan kuniga ishlaysiz? O‘rtacha necha foiz konversiya? Qayta sotuvlar nechta?
• ………
• Aka?
• Nima deganing bular…?

Biznes qilyapsizmi, bilingki uning o‘zini tili bor, matematika. Yaxshi pul yoki yomon degan o‘lchov yo‘q. Lekin 10.000 dollar Afrikada ham 10.000 dollar.

Biznesda faqat bilganingizni boshqara olasiz. Biznesda faqat o‘lchay olganingizni bila olasiz. Biznesda faqat raqamlarni o‘lchay olasiz.

Afsuski jaydari tadbirkorlar raqamlarni emas, balkim o‘zining subyektiv hissiyotini bilan qaror chiqaradi.
• “Oldin sotuvlar yaxshi edi, hozir uncha emas, mami xodim kuchli, mami bo‘lmaydi umuman” kabi sifatlar bilan gaplashilyapti.

Yaxshi va yomon kabi sifatlarni o‘lchab bo‘lmaydi. Biznes qilyapsizmi? Raqamlarda gaplashing.

Raqamlar trading bo‘yicha bloger emas, raqamlar aldamaydi.

@ravshanturgunov

Ko'p yaxshi narsalar pul orqasidan kelgan

Ta'lim sohasida 4 yil ishlaganman. Bir kun to'lovlarni oshirdik va bitta norozi ota-ona menga “Sizlarning maqsadingiz pul ekan!” dedi.

Men ko'p o'ylamasdan “Ha, xuddi shunday” dedim. Ularni xususiy biznes pul maqsadida ochilgani hayron qoldirdi.

Lekin o'ylab ko'rsa, bizni davlat moliyalashtirmaydi, xarajatlarimizni o'zimiz qoplaymiz, foyda qilmasak yangi sharoitlar yarata olmaymiz.

Pulga bo'lgan negativ yondashuvni va unga bo'lgan qo'rquvni olib tashlash kerak. Pul muhim.

Atrofingizga qarang, ko'p innovatsiyalar ko'proq pul topmoqchi bo'lgan odamlar tomonidan qilingan.

Niyatni o'zi yetmaydi, u o'zidan-o'zi kelmaydi, mijozni rozi qilish uchun to'xtamasdan harakat qilish kerak.

Shu yerdan raqobat, chunki pul topmoqchi bo'lganlar ko'p. Shu yerdan doim yangi mahsulotlar, chunki eskisidan doim foyda qila olmaysiz.

Pul - bu progressning benzini, ayniqsa ta'limda. Moliya orqali yangi sharoitlar va qulayliklar yaratiladi.

Daromad qilmoqchi bo'lgan tadbirkorlar borki, innovatsiyalar to'xtamaydi. Pul aylanadigan sohalar doim rivojlanadi.

@ravshanturgunov

Yangi nom va yangi tematika, managementga endi chuqur birga kiramiz.

Kim men bilan?

O’qish qimmat, o’qimaslik undan ham qimmat

Kiyim olish uchun bozorga tushdiz, ko’proq kiyim olmoqchisiz, shuning uchun ko’proq arzonroq narsalar oldiz. Sezon hali tugamadi, lekin arzon kiyimlariz eskirib qoldi, yana bozorga tushish kerak.

Biznes boshladiz, lekin biznes qilishni o’rganmadiz. O’rganish uchun kursga 1500-2000 dollar va vaqtingizni ayadingiz, vaqt o’tdi va boshqara olmagan biznesingiz bankrot bo’ldi, ko’chadan qarzlariz qoldi.

Eslab qoling, qizg’anchiq ikkita marta to’laydi. Aqlli inson ko’proq to’lashi mumkin, lekin uni ikkinchi to’lovi yo’q. Biznes ham shunday. Marketing, management va tizimga sarmoya qilmayotganlarga tegishli.

Boshqaruvni o’rganmayapsiz yoki yaxshi managerga oylik to’lagiz kelmayapti, bilingki kengaya olmaysiz. Hozir topib yurgan 2-3 mingni keyin ham topib yuraverasiz.

Postni klubimizga mehmon speaker sifatida kelgan Maqsad aka Mansurov gaplari bilan tugataman:
- Qanday qilib men 8 biznes qilaman? Bu judda oddiy, eng zo’r managerlarni olganman. Xotirjamligim oyiga 50 ming turadi.

@aqlli_ikkichi

O’zgarish vaqti keldi

3.5 yil aqlli ikkichi bo’ldik, lekin men o’zgardim, bu nom menga hozir yaqin emas. Endi ko’proq soham bo’yicha ketmoqchiman, managementni sevaman.

Postlar oxirga payt boshqaruv bo’yicha bo’lganligi uchun, kanal nomini ham moslashtirish kerak. Izohlarda variant bering, eng zo’r nom bergan odamga 300 ming so’m sovg’a.

Vazifalarni qanday qildirsa bo'ladi?

Yangi rahbar bo'ldingiz, xodimlarni yig’ib hammasiga vazifa berdingiz. Vaqt o'tdi, lekin xodimlar ishni bajarmadi. Bunday vaziyat doim qaytarilyapti, qanday qilib vazifalarni qildirishni bilmayapsiz.

Vazifalarni vaqtida bajarilishi uchun u doim 4 savolga javob berishi kerak:

1. Aniq nimani qilish kerak? (yakuniy ko'rinishga ega raqamli vazifa)
2. Qanday qilib uni qilish kerak? (qanday usul orqali qilish va nimalarga e'tibor berish, texnik vazifa)
3. Qachonga uni bitirish kerak? (aniq vaqt)
4. Qilmasa nima bo'ladi? (eng muhimi, oqibat. Vazifani bajarmagan xodimga qanday jarima qo'llanadi?)

Hamma 4 savolga javobingiz bor, lekin baribir vazifa bajarilmayaptimi? Noto'g'ri xodim bilan ishlayapsiz, almashtiring.

@aqlli_ikkichi

Managementni bo’yicha top 5 kitob?

Doim beriladigan savol. Managemetni shu kitoblar orqali o'rgana olasiz, amaliyot qo’llasangiz bo'ldi.

Kitoblar:
1. “The making of a manager” - Julie Zhou (eng / ru)
2. “Radical candor” - Kim Scott (eng / ru)
3. “Жетский менеджмент” - Дэн Кэнеди (ru / eng)
4. “Hight output management” - Andy Grove (eng / ru)
5. "The hard thing about hard things” - Ben Horowitz (eng)

Kitob o'qish - arzon va sekin yo'l . Tezroq va samaraliroq yo'l kerak bo'lsa, tadbirkorlar va rahbarlar uchun mentorship qilyapman degan edim. U yerda 15 rahbar bilan boshqaruvni chuqur o’rganamiz va xatolarni aniqlaymiz.

Dushanba kuni boshlayapmiz, 4 joy qoldi. Ishtirokchilarni o'zim 1-1 suhbat orqali tanlab olyapman, hammani ham olmayapmiz.

Batafsil ma’lumot - tugma

Suhbatga yozilish - tugma

Manager o'zi ishni qilmasa, u nima qiladi?

Bir tanishim ingliz tili o’qituvchisi edi, o'quv markazni yaxshi tushunaman dedi va o'quv markaz ochdi. Ustozlikni yaxshi bilib, yaxshi rahbar ham bo'laman deb o'ylab o'zini o'zi aldab qo'ydi.

Rahbarlik qilishni o'rniga u dars berishni davom etdi, markazi ham yopildi. Rahbar ish qilmaydi, u birovga qildiradi. Lekin birovga ish qildirish ham ish, uni qilish uchun ko'p ishlaysiz.

Ish qildirish uchun har xil usullar bor, afsuski, shunchaki bitta ishni qil deb aytishni o'zi ishlamaydi. Ko'p qo'shimcha instrumentlarni qo'llaysiz. Qanday qilib buni qilasiz?

Ertaga 21:00 Voice-chatda gaplashamiz, birinchi marta faqat “Menejment” bo'yicha ovozli chat qilaman. O'tkazib yubormang, “Krutoy” rahbar bo’lishingiz kerak.

Nega natijalar yo'q?

O'tgan oy tizimlashtirishga yangi loyiha oldik, bizga murojaat qilgan tadbirkor 2 yildan beri 100.000$ oylik oborotdan osha olmayapti. Keyingi postlarda hozir qilayotgan ishlarimizni yoritib ketmoqchiman.

Ishni rahbariyatdan boshladik, biznes - bu tadbirkorni xunuk versiyasi. Natija bo'lmayapti deyishdi, birinchi o'rinda natijlarni o’lchash boshladik.

1. KPI. Har bir xodimni o'lchash uchun endi raqamlar bor. Misol uchun, sotuv bo'limini sotuvlar soni va miqdoriga qarab, ishlab chiqarish bo'limini ishlab chiqarilgan mahsulotlar va ularning brak foiziga qarab baholaymiz.

Shunchaki sen yaxshi ishlayapsan, sen esa yomon deb bo'lamydi, rahbar hamma bilan raqamlarda gaplashishi kerak. Raqamlar Afrikada ham raqam.

2. Majlislar. Tadbirkor akamiz endi, har hafta 4 bo'lim rahbari bilan haftalik majlis o'tkazadi. Majlisda bo'limlarga belgilangan haftalik KPI natijlari so'raladi va keyingi hafta uchun plan qo'yiladi. Agar plan qo'yib uni so'rab olmasangiz, 99% u planga qarab ishlashmaydi. Vazifa, nazorat, hisobot - shunday ketma-ketlikda.

Biznes qilmagan odamga raqamlarda boshqarish va doim o'sha raqamlarni so'rab olish tashqaridan oddiy tuyilishi mumkin. Lekin oldimga keladigan tadbirkorlar doim shu xato bilan kelishadi.

@aqlli_ikkichi

Paretto qununi sizni boy qiladi

Kichkina kompaniyalarni bitta narsa birlashtirib turadi: ular kerak emas bo'lgan ishlarni ko'p qiladi. Nega? Rahbar shunday xohlaydi.

Biz konsultatsiyalarda shu masala yechish uchun Paretto 80/20 qonuni qo'llaymiz. Uning ma’nosi - 20% harakat 80% natijani beradi.

Ya’ni faqat natija beradigan ishlarga e'tiborni qaratish kerak, uning uchun biznesdagi har bir jarayonni savolga turish kerak, “Nega o'zi bu kerak?”.

Management - bu faqat xodimlarni boshqarish emas, balkim kompaniya resurslarni boshqarish. Vaqt, e'tibor, pul va energiya.

Bitta do'stimiz bizga razborga keldilar, yosh bolalar va ayollar kiyim do'konlari bor edi. Razbordan keyin faqat yosh bolalar kiyimi yuritiladigan bo'ldi.

6 oyda oylik oborotlari 8 karra o'sdi va hozir 2 milliard so'm daromad bo'lyapti. Hammasi to'g’ri narsaga fokus berilgani uchun.

@aqlli_ikkichi

Tizimsiz ko'p pul yo'qotasiz

Kompaniyani tizimini tekshirish oson, mijozlar bilan ishlaydigan xodimi bilan gaplashib ko‘ring, misol uchun sotuvchisi bilan. Har xil raqamdan 2-3 marta telefon qilib ko‘ring, har safar har xil gaplar bilan gaplashilyaptimi? Skript yo‘q, tizim qo‘yilmagan.

Bunday biznes kengayishi qiyin, sotuvchi kayfiyatiga qarab gaplashsa, 2-3 baravar sekinroq ishlaydi. Tayyor javoblar yo‘q bo‘lsa, unda ularni o‘ylab topishga sotuvchi o‘zi vaqt va energiya ketkazadi. Uyida muammo bo‘lsa, sotuv paytida o‘ylay olmaydi va kam sotadi.

Sotuv bo‘limida tizim qo‘ymasangiz, 4 odam sota oladigan miqdorni 10 odam qilishni boshlaydi. Bu nima degani? Kengayish uchun siz normadan 2 baravar ko‘proq sotuvchilarni ishga olishingiz kerak, ya’ni tizimli raqobatchingiz sizdan tezroq kengaya oladi.

4 sotuvchi aytaylik 20 million so'mga ishlasa, 10 sotuvchi esa 50 millionga ishlaydi. 30 million so'm ortiqcha xarajat to'g’ri sizning sof foydangizdan ketadi. Tizim qo'ymasangiz yiliga 360 million so'm (yangi malibu 2) yo’qotasiz.

Tizimsiz pul yo‘qotasiz, tizimsiz kichkina bo‘lasiz.

@aqlli_ikkichi

Mirkromenejment...

Jamoaga vazifa berdingiz va bir haftadan keyin natija bilan ish topshirilishi kerak. Lekin bir hafta davomida siz har kuni ularni to'g’rilab keldingiz, oxirida natija bo'lmadi.

Ulardan talab qilib ko'rishingiz mumkin, lekin bu noto'g’ri bo'ladi, chunki jarayonga ko'p aralashdingiz. Nima qilishdan tashqari aniq qaysi yo'l bilan uni qilishni doim aytadigan rahbarlar mikromenejerlar deyiladi.

Mikromenejerlar hech qachon operatsion boshqaruvdan chiqmaydi va doim xodimlarni haqida noliyveradi. Aslida mikromenejerlarning biznesida eng katta muammo - bu ularning o'zi, ya'ni o'zi biznes o'sishga xalaqit qilayotganligi.

Kuchli xodimlar bilan ishlamoqchi bo'lsangiz, qanday natija kerakligini aytasiz va kerak bo'lgan vaqt bilan resurslarni qo'liga topshirib qo'yasiz. Qolganini o'zi eplaydi, xalaqit bermasangiz bo'ldi.

Agar xodimga vazifani berib, jarayon davomida uni doim tekshirib yursangiz, demak siz uni natijaga javobgarlikdan ozod qilyapsiz.

@aqlli_ikkichi

Mc’Donald's tezkor tizimining 2 sababi:

1) Konveyer tizimi. Mashinazolikda ishlatilgan konveyer ishlab chiqarish tizimi birinchi ovqat segmentida aka-uka McDonaldlar tomonidan muvaffqaiyatli joriy qilingan.

Uning asosiy maqsadi - bitta xodim, bitta ishni bajarishi va ishlab chiqarish jarayoni ko’p kichkina jarayonlarga bo’linib ketilishi. Ya’ni kotlet qovuradigan odam faqat kotlet qovuradi, burger yasamaydi. Bitta odam bitta ishni bajarishi fokusni va tezlikni oshiradi.

2) Gipotezalarni sinash tezligi. Biznesda to’g’ri tizim qurishning 1000 yo’li, qaysi biri sizga to’g’ri kelishini bilmaysiz. Gipoteza - ishlaydi deb o’ylagan taxminingiz, uni sinab ko’rish orqaligina bilib olasiz.

Misol uchun, McDonald’s oshxonada tezlikni oshirish uchun jihozlarni qulay joylashtirishi kerak edi, uning uchun ular basketbol maydonida yerga mel bilan jihozlarni har xil joylashuvini chizib, odamlarni u yerda virtual ravishda ishlatib ko’rgan.

Nega oshxonani o’zida buni qilishmagan?
Uning uchun og’ir jixozlarni 10-20 marta ko’chirish kerak bo’lar edi. Shuning uchun buni tasavvur orqali xodimlar bilan qilishgan va ishlaydigan gipotezani oshxonada joriy qilishgan.

Bundan ham foydaliroq post uchun "🏆"

@aqlli_ikkichi