QASHQADARYO.UZ | RASMIY - Қашқадарё вилояти ҳокимлиги - Qashqadaryo viloyati hokimligi - Murotjon, Murodjon Azimov - Qarshi

Qashqadaryo viloyatida yengil atletika federatsiyasining navbatdagi yig’ilishi o‘tkazildi

Yig‘ilishda viloyat bojxona boshqarmasi boshlig‘i, federatsiyaning viloyat bo‘limi raisi J.Fayzullayev boshchiligida federatsiya vakillari va viloyat murabbiylari 2025-yilda viloyatda rejalashtirilgan musobaqalar va 2028-yil Los-Anjelesdagi Olimpiya hamda Paralimpiya o‘yinlariga tayyorgarlik masalalarini muhokama qilishdi.

Shuningdek, yengil atletikani ommalashtirish, sport bazalarini yaxshilash va malakali murabbiylarni jalb qilish bo‘yicha takliflar bildirildi.

Uchrashuvning maqsadi — viloyatda yengil atletika bo‘yicha ilg‘or tajribalarni joriy etish va xalqaro musobaqalarda muvaffaqiyatli ishtirok etish uchun zarur sharoitlarni yaratish.

Ma'lumot uchun, avvalroq viloyat hokimi rahbarligida Los-Anjeles sari aniq vazifalar belgilab olingan edi.

Telegram|You Tube|Facebook|Instagram|X

Муротжон Азимов раҳбарлигида навбатдаги “ҳокимлик соати” ўтказилди

Вилоят ҳокими раҳбарлигида ўтказилган навбатдаги йиғилишда 2025 йилда чорвачилик йўналишларида шакллантирилган лойиҳаларнинг ижроси юзасидан амалга оширилаётган ишлар атрофлича кўриб чиқилди. Йиғилиш давомида вилоят саноат салоҳиятини ошириш, импортни қисқартириш ва маҳаллийлаштириш дастури доирасида бажарилган ишлар таҳлил қилинди. Шу билан бирга, йўл қўйилган камчиликлар ва жорий йилда бажарилиши лозим бўлган устувор вазифалар муҳокама қилинди.

Шунингдек, йиғилишда вилоятда маданият ва санъат соҳасини ривожлантириш борасида амалга оширилаётган ишлар, йўл қўйилган камчиликлар ҳамда мавжуд муаммолар юзасидан фикр алмашилди.

Бундан ташқари, қуёш панеллари ўрнатиш бўйича белгиланган топшириқларнинг ижроси ва аҳолининг томорқадан самарали фойдаланиши ҳолати ҳам батафсил кўриб чиқилиб, бу борадаги ишларни жадаллаштириш юзасидан вазифалар белгиланди.

Йиғилиш якунида вилоят ҳокими деҳқонлар ва томорқа ер эгаларига мурожаат қилиб, деҳқончиликда баҳорнинг бир куни бир йилга татиши, "томорқа - даромад манбаи", деб ҳисоблайдиган ҳар бир оила учун дақиқа, соат ва кун ҳал қилувчи палла эканини таъкидлаб, барчани фаол бўлишга чорлади.

Telegram|YouTube|Facebook|Instagram|X

"Turonbank" tashabbusi: Kitob tumanida limonchilik rivojiga turtki!

“Bir mahalla – bir mahsulot” tamoyili asosida "Turonbank" ATB Shahrisabz BXM tomonidan Kitob tumani "Varganza" mahallasida jadal ko‘chat ekish ishlari yo‘lga qo‘yildi.

Dastlabki bosqichda bank tomonidan mazkur mahallada yashovchi aholi xonadonlariga 1000 dona limon ko‘chatlari yetkazib berildi. Ushbu tashabbus mahalliy aholi uchun qo‘shimcha daromad manbai yaratish, bozor talabiga mos mahsulot yetishtirish va tomorqachilikni yanada rivojlantirish maqsadida amalga oshirilmoqda.

Ushbu tashabbus doirasida nafaqat ko‘chat tarqatish, balki limon parvarishi bo‘yicha agrotexnik ko‘nikmalarni oshirish uchun mutaxassislarning amaliy seminarlari ham o‘tkazilishi rejalashtirilgan. Bu esa limonchilikni yuqori hosildorlik bilan yuritishga, natijada esa iqtisodiy samaradorlikni oshirishga xizmat qiladi.

Telegram|You Tube|Facebook|Instagram|X

Қашқадарёда тўқимачилик саноати учун янги босқич: Германиялик мутахассислар билан ўқув семинари

Жорий йилнинг 11-12 март кунлари Ўзбекистон Савдо-саноат палатаси ва Германиянинг “Gesamtmasche” компанияси билан ҳамкорликда Қашқадарё вилоятидаги тўқимачилик саноати корхоналари учун пахта толасини қайта ишлаш мавзусида 2 кунлик ўқув семинари ўтказиш режалаштирилган. Маълумот учун, “Gesamtmasche” компанияси Германияда 3,500 та тўқимачилик корхоналарини бирлаштиради.

Айни вақтда, вилоятдаги тўқимачилик саноати корхоналари вакиллари иштирокида семинар бўлиб ўтмоқда. Семинарда, германиялик етук мутахассислар тўқимачилик соҳасидаги илғор тажрибаларини ва замонавий технологияларни иштирокчиларга тақдим этмоқда.

Ушбу семинарнинг мақсади – маҳаллий корхоналарнинг ишлаб чиқариш имкониятларини ошириш ва уларни халқаро бозорда рақобатбардош қилиб тарбиялашдан иборат. Семинар давомида иштирокчилар тўқимачилик материалларини қайта ишлаш, янги технологик жараёнлар ва энергия тежамкорликни таъминлаш йўллари ҳақида амалиётдаги қўлланмаларни олишмоқда.

Жорий йилнинг апрель-май ойида Германия тўқимачилик корхоналарининг инвестиция масалалари бўйича ташрифи ташкил этилиши белгиланмоқда.

Шунингдек, апрель ойида Қашқадарё вилоятидаги тўқимачилик саноати корхоналари Германияга тажриба алмашиш мақсадида юборилиши режалаштирилмоқда. Бу ташриф орқали маҳаллий ишлаб чиқаришни янги, юқори самарадорликка эга технологиялар билан таништириш ва Германиянинг етакчи корхоналари билан ўзаро ҳамкорликни мустаҳкамлаш мақсад қилинган. Шу билан бирга, тайёр кийим-кечак тикиш бўйича ҳамкорликни йўлга қўйиш мақсад қилинган.

Мазкур тадбирлар Қашқадарё вилоятидаги тўқимачилик саноатини янада ривожлантириш ва маҳаллий мутахассислар малакасини оширишга хизмат қилади.

Telegram|YouTube|Facebook|Instagram|X