Qo‘shtepa tumani hokimligi

“Yosh qutqaruvchi” musobaqasining 1-sektor bosqichi o‘tkazildi

Qo‘shtepa tumanidagi 2-IDUMIda 1-sektr hududidagi umumiy o‘rta ta’lim maktablari o‘quvchi yoshlar o‘rtasida sog‘lom turmush tarzini tadbiq etish, ularni qutqaruvchilik kasbiga qiziqtirish, harbiy vatanparvarlik ruhida tarbiyalash, favqulodda vaziyatlar yuz berganda to‘g‘ri harakat qilish, o‘zi hamda o‘zgalarga yordam berishga o‘rgatish maqsadida “Yosh qutqaruvchi” ko‘ngillilar klublari jamoalari o‘rtasida musobaqa o‘tkazildi.

Musobaqada ishtirokchilar nizomda belgilangan 4 ta shart asosida sinovdan o‘tdilar. Musobaqaning 1-sektor bosqichida 11-ta umum ta’lim maktablaridan tashkil topgan “Yosh qutqaruvchi” ko‘ngillilar klublari jamoalarining o‘quvchi-yoshlari qatnashdi.

Musobaqaning yakuniy natijalariga ko‘ra 15-maktabning “Yosh qutqaruvchilar” jamoasi 3-o‘rinni, 2-IDUMIning “Lochinlar” jamoasi 2-o‘rinni hamda 26-maktabining “Burgutlar” jamoasi faxrli 1-o‘rinni egalladi. 1,2,3-o‘rinni olgan jamoalar tuman bosqichiga yo‘llanmani qo‘lga kiritishdi.

Osiyo chempioni bilan uchrashuv o‘tkazildi

Qo‘shtepa tuman ixtisoslashtirilgan maktabida Tailandda para-velosportning “shosse” yo‘nalishi bo‘yicha o‘tkazilgan Osiyo chempionatida munosib ishtirok etib, birinchi o‘rinni egallagan qo‘shtepalik Odinaxon Hamdamova ishtirokida uchrashuv tashkil etildi.

“Siz bilan faxrlanamiz!” deb nomlangan uchrashuvda para-velosportchi Odinaxon Hamdamova hamda qo‘shtepalik biologiya fanlari falsafa doktori, FarDU agrar qo‘shma fakulteti mevachilik va sabzavotchilik kafedrasi donsenti Moxidil Yusupovalar ishtirok etishdi.

Tadbirda qatnashgan tuman hokimining birinchi o‘rinbosari Axrorjon Yunusov va tuman prokurori Axrorjon Xudoyberganovlar ishtirokida chempion Odinaxon Hamdamovaga tuman hokimligining qimmatbaho esdalik sovg‘asi topshirildi.

Uchrashuv davomida matonatli sportchimiz va ilm-fan yo‘lida izlanishlar olib borayotgan olima ayolimiz o‘zlarining faoliyati va erishgan natijalari to‘g‘risida o‘quvchilarga so‘zlab berishdi.

O‘z o‘rnida yoshlar ham o‘zlarini qiziqtirgan savollariga suhbat davomida tegishli javoblar oldi.

Shuningdek bugungi uchrashuv davomida maktab o‘quvchilari o‘rtasida milliy libos va milliy qadriyatlar targ‘iboti ham olib borildi.