Qorovulbozor.uz|RASMIY KANAL

⚡️⚡️ Oramizdagi odamlar: Yaratilgan imkoniyatlardan samarali foydalanayotgan Mamajonovlar oilasi xususida

Qorovulbozor tumani 1-sektorga qarashli “Tinchlik” mahallasida 5 mingga yaqin aholi istiqomat qiladi.

Tuman markazida joylashgan ushbu mahallada namunali xonadonlar talaygina.

Shunday oilalardan biri Mamajonovlar oilasidir. Xonadon egasi Shermuhammad Mamajonov asli Andijon viloyatining Jalaquduq tumanidan. Taqdir taqazosi bilan 1981 yilda Qorovulbzor tumaniga kelib, irrigatsiya va meloratsiya tizimida o‘z faoliyatini boshlagan qahramonimiz mana necha yildirki ushbu sohada samarali mehnat qilib kelmoqda.

Xonadonga kirar ekansiz 1,5 sotixli issiqxonaga ko‘zingiz tushadi. Mazkur issiqxonada joriy yilgi mavsumda 3 tonnadan ortiq hosil yetishtirildi. Bu esa o‘z navbatida oila byudjetiga 45 mln so‘m qo‘shimcha daromad degani.

Bundan tashqari xonadonda 70 ta tovuq, 20 ta kurka, 30 ta o‘rdak hamda 10 bosh qo‘y parvarish qilinmoqda.

-Davlatimiz rahbari tomonidan yaratib berilgan imtiyoz va imkoniyatlardan foydalangan holda issiqxona tashkil etdik. O‘z mehnatimiz bilan bilan yetishtirgan hosilimizdan baraka topyapmiz. Parranda go‘shti hamda tuxum sotib olmaymiz. O‘zingiz yetishtirgan mahsulotlarning ta’mi ham sifati ham boshqacha bo‘lar ekan – deydi suhbat davomida xonadon bekasi Sharofat Yuldasheyeva.

Bugungi kunda Shehmuhammad aka ayoli Sharofat opa bilan 3 farzand va 7 nevara ardog‘ida qarilik gashtini surishmoqda.

✍️ Qorovulbozor tumani hokimligi matbuot xizmati