"Қора қўйли жомъе масжиди"

РАМАЗОН – САХОВАТ ОЙИ

Муборак Рамазонй ойида кўп-кўп савобли амалларни қилиб қолиш – мўминга хос фазилат. Чунки бу ойда қилинган бир эзгу ишга 70 баробардан 700 баробаргача, ҳатто ундан ҳам кўпроқ савоблар ваъда қилинган.

Муҳтарам Президентимизнинг «Рамазон – саховат, бирдамлик ва бағрикенглик ойи» ғоясига мувофиқ Тошкент вилоятида ҳам хайрли ишлар изчил давом эттирилмоқда.

* * *
«Тўйтепа» жоме масжиди имоми ҳам Нурафшон шаҳарида яшовчи эҳтиётманд, боқувчисини йўқотган оилаларга озиқ-овқат маҳсулотлари тарқатиб, ўксик қалбларига қувонч улашди.
* * *
Қибрай тумани «Дарвеш бобо» жоме масжиди имом-хатиби ҳамда саховатпеша ҳомийларни жалб қилган ҳолда тумандаги ана шундай 58 та хонадонга кирилиб, жами 47.550.000 сўмлик озиқ-овқат маҳсулотлари тарқатилди.

Шунингдек, ушбу тумандаги «Байтқўрғон» жоме масжиди имом ноиби Алижон домла Абраев бошчилигида ногирон, боқувчисини йўқотган, кам таъминланган, ижтимоий ҳимояга муҳтож оилаларга мурувват кўрсатилди
* * *
Бекобод шаҳар «Оқ масжид» жоме масжиди имом-хатиби Эрашбой домла Ҳамидов ҳам ҳомийлар кўмагида «Муқимий», «Металлург» ва «Андижон» маҳалларида яшовчи ҳақдор оилалар ҳолидан хабар олиб, уларга озиқ-овқат маҳсулотлари етказиб берилди.
* * *
Юқори Чирчиқ тумани «Абу Ҳанифа» жоме масжиди имом-хатиби Мирзоҳид домла ҳам ҳомийларни жалб қилган ҳолда 4 та ҳақдор хонадонга жами 1.300.000 сўмлик озиқ-овқат маҳсулотлари етказиб берди.
* * *
Бутун вилоят бўйлаб барча масжидларда амалга оширилаётган шундай хайрли ишларни кўриб, Аллоҳ таолонинг: «Кечасию кундузи молларини нафақа қиладиганларнинг ажрлари Раббилари ҳузуридадир. Уларга хавф йўқ ва улар хафа ҳам бўлмаслар» (Бақара сураси, 274) деган ояти каримасини эслаймиз.

Аллоҳ таоло эҳсонларни даргоҳида қабул қилсин, савобларини кўпайтириб берсин.

Тошкент вилояти вакиллиги
Матбуот хизмати

Яқинларингизга ҳам эслатинг:
https://t.me/joinchat/AAAAAEGj0hkBXGlopIDbXA

#Ramazon_2025

2 - МАРТ / РАМАЗОННИНГ ИККИНЧИ КУНИ ЯКШАНБА

ИФТОРЛИК: 18:18
⏰ (Тошкент вақти билан)

ИФТОРЛИК (ОҒИЗ ОЧИШ) ДУОСИ:

اَللَّهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْتَرْتُ، فَغْفِرْلِى مَا قَدَّمْتُ وَ مَا أَخَّرْتُ بِرَحْمَتِكَ يَا أَرْحَمَ الرَّاحِمِينَ

Аллоҳумма лака сумту ва бика аманту ва ъалайка таваккалту ва ъала ризқика афтарту, фағфирли я ғоффарума қоддамту ва ма аххорту.

Маъноси: Эй Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Эй гуноҳларни афв қилувчи Зот, менинг аввалги ва кейинги гуноҳларимни мағфират қилгил.

Яқинларингизга ҳам эслатинг:
https://t.me/joinchat/AAAAAEGj0hkBXGlopIDbXA

ҲЕЧ КИМ МЕҲР ВА ЭЪТИБОРДАН ЧЕТДА ЭМАС

Муҳтарам Президентимизнинг “Рамазон – саховат, бирдамлик ва бағрикенглик ойи” ғояси асосида Рамазоннинг дастлабки кунларидан хайрли ишлар изчиллик касб этиб бораётир.

Хусусан, бугун (Рамазоннинг иккинчи куни) Тошкент вилояти бош имом-хатиби Дониёр домла Икромов бошчилигида Тошкент туманидаги ногирон, боқувчисини йўқотган, эҳтиёжманд рус, татар миллатига мансуб олтита оилага кирилиб, уларга озиқ-овқат маҳсулотлари тарқатилди.

Хайру саховатдан мамнун бўлган ўзга миллат вакилларининг кунгиллари тоғдек кўтарилди. Улар бағрикенг юртда яшаётганидан ҳеч ким меҳр ва эътибордан четда эмаслигидан шодланишди.

Аллоҳ таоло эҳсонларни даргоҳида қабул қилсин.

Тошкент вилояти вакиллиги
Матбуот хизмати

Яқинларингизга ҳам эслатинг:
https://t.me/joinchat/AAAAAEGj0hkBXGlopIDbXA

Рамазон – дуо ойи: Ота-онанинг ҳаққига дуо қилиш

رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ

Ўқилиши: “Роббанағфир лий ва ливаалидайя ва лил муьминийна явма яқуумул ҳисааб”.

Маъноси: “Эй Роббимиз, мени, ота-онамни ва мўминларни ҳисоб қилинадиган куни мағфират айлагин” (Иброҳим сураси, 41-оят).


رَبِّ ارْحَمْهُمَا كَمَا رَبَّيَانِي صَغِيرًا

Ўқилиши: “Роббирҳамҳумаа камаа Роббайааний соғийро”.

Маъноси: “Роббим! Мени (улар) гўдаклик чоғимда тарбиялаганларидек, Сен ҳам уларга раҳм қилгин!” (Исро сураси, 24-оят).

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA