(وَقَالَتِ ٱلۡیَهُودُ لَیۡسَتِ ٱلنَّصَـٰرَىٰ عَلَىٰ شَیۡءࣲ وَقَالَتِ ٱلنَّصَـٰرَىٰ لَیۡسَتِ ٱلۡیَهُودُ عَلَىٰ شَیۡءࣲ وَهُمۡ یَتۡلُونَ ٱلۡكِتَـٰبَۗ كَذَ ٰ⁠لِكَ قَالَ ٱلَّذِینَ لَا یَعۡلَمُونَ مِثۡلَ قَوۡلِهِمۡۚ فَٱللَّهُ یَحۡكُمُ بَیۡنَهُمۡ یَوۡمَ ٱلۡقِیَـٰمَةِ فِیمَا كَانُوا۟ فِیهِ یَخۡتَلِفُونَ) [البقرة: ١١٤].

Yahudlar: "Nasroniylar biror narsa ustida emaslar"- deyishdi. Nasroniylar: "Yahudlar biror narsa ustida emaslar"- deyishdi. Vaholanki ular kitobni tilovat qilishar edi. Huddi shu kabi johil kishilar ham ularning so'zlarini mislini aytishdi. Bas, Alloh qiyomat kunida ularning o'rtalarida ixtilof qilgan ishlari hususida hukm chiqaradi (Baqara: 113).

Alloh taolo bu ikki toifani zalolatlarini qo'shimcha bayon qilib, ular bir-birlarini inkor qilishlarini aytdi. Yahudlar: "Iso alayhissalom hali kelmagan deb Nasroniylarni botil dinda"- deyishsa, Nasroniylar: "Yahudlar Iso alayhissalomga kofir bo'lishgan"- deb inkor qilishar edi. Ular o'z kitoblarini o'qishga qaramay shu holatda edilar. Hech narsani bilmaydigan johil arablar ham Muhammad sollallohu alayhi vasallamni inkor qilishar edi. So'ngra Alloh ular o'rtasida qiyomat kunida hukm chiqarishini aytdi, chunki qiyomat haqiqatlar oshkor bo'ladigan kundir.

@qisqatafsir