(مَّا یَوَدُّ ٱلَّذِینَ كَفَرُوا۟ مِنۡ أَهۡلِ ٱلۡكِتَـٰبِ وَلَا ٱلۡمُشۡرِكِینَ أَن یُنَزَّلَ عَلَیۡكُم مِّنۡ خَیۡرࣲ مِّن رَّبِّكُمۡۚ وَٱللَّهُ یَخۡتَصُّ بِرَحۡمَتِهِۦ مَن یَشَاۤءُۚ وَٱللَّهُ ذُو ٱلۡفَضۡلِ ٱلۡعَظِیمِ) [البقرة: ١٠٥].

Kitob egalari bo'lmish kufr keltirganlar va mushriklar sizlarga Robbingiz tarafidan biror bir yaxshilik nozil bo'lishini yoqtirmaydilar. Alloh o'zining rahmati ila xohlagan kishilarini xoslaydi. Alloh buyuk fazl egasidir (Baqara: 105).

Kitob egalari (Yahudlar) va butlarga ibodat qiluvchi mushriklar Nabiy sollallohu alayhi vasallamga vahiy tushishini xohlashmas va hasad qilishar edi. Chunki vahiy bilan Islom dini quvvatlanib keng yoyiladi. Alloh taolo bu ikki johil toifaga tanbeh berib, o'z rahmati bilan xohlagan bandasiga payg'ambarlikni, islomni rizq qilib berishini aytdi. Alloh taolo qilgan ishidan so'ralmaydi. U zot ilm va hikmat sohibidir, U zot buyuk yaxshiliklar va mulk egasidir.

@qisqatafsir