Xotin-qizlar o‘rtasida “Zakovat” intellektual turniri o‘tkaziladi!

8-mart — Xalqaro xotin-qizlar kuni munosabati bilan Milliy mass-mediani qo‘llab-quvvatlash va rivojlantirish jamoat fondi, “Zakovat intellektual klubi” NNT va Kambag‘allikni qisqartirish va bandlik vazirligi huzuridagi Oila va xotin-qizlar qo‘mitasi hamkorligida Xotin-qizlar o‘rtasida “Zakovat” intellektual turniri o‘tkaziladi.

Turnir “Zakovat” intellektual o‘yinini aholi orasida ommaviy-ma’rifiy harakatga aylantirish, gender tengligini ta’minlash, yurtimizda xotin-qizlarning bo‘sh vaqtini mazmunli o‘tkazishini ta'minlash, ayollarning jamiyat hayotidagi faolligini oshirish hamda ularning intellektual qiziqishlarini qo‘llab-quvvatlash maqsadida tashkil qilinmoqda.

Turnirda O‘zbekistonda istiqomat qiluvchi barcha xotin-qizlardan tashkil topgan jamoalar qatnashishi mumkin.

Turnir 2 ta bosqichda bo‘lib o‘tadi:
1-bosqich — hududiy saralash bosqichlari;
2-bosqich — Respublika bosqichi.

Respublika bosqichida g‘olib bo‘lgan jamoalarga smart televizorlar topshiriladi!

Turnirda ishtirok etish uchun jamoaviy yoki yakka tartibda ro‘yxatdan o‘tish talab qilinadi. Ro‘yxatdan o‘tish tartibi haqida keyingi postda batafsil ma'lumot beriladi.

Telegram I Facebook I Instagram I YouTube I TikTok