Бир кун жафоларни қайтишиям бор,
Бизга ҳам келади куйдурмоқ гали.
Барига қўл силтаб кетиб қолсам ёр,
Уч кунда соғиниб қоласиз хали.

Сиз қанчалар гўзал, қанчалар лобар,
Қадримни қиласиз ерга баробар,
Сиздан олмай қўйсам атайин хабар,
Уч кунда соғиниб қоласиз хали.

Хушнуд айламайсиз бир қиё боқа,
Чўксамда хижроннинг сойида оқа,
Йиллардек чўзилиб хар бир дақиқа,
Уч кунда соғиниб қоласиз хали.

Хазилга йўйманг сиз, айтганларим чин,
Мендан сўнг сезасиз соғинчнинг кучин,
Пинҳона севгингиз ростлиги учун,
Уч кунда соғиниб қоласиз хали.

✍ АЗАМАТ ЗИЁ