Qalampir_tutgan_yozuvchi (Shaxsiy fikrlarim)

#Statistika


O‘zbekistonda o‘tgan yili kambag‘al oilalar soni 719 mingga kamaydi.

2024-yilda O‘zbekistonda kambag‘allik darajasi 11 foizdan 8.9 foizga kamaydi.

Kambag‘allikni qisqartirish va bandlik vazirligining Jahon banki bilan hamkorlikda olib borgan tadqiqotlariga ko‘ra, kambag‘allik darajasi eng yuqori pasayishlar :

Buxoro viloyatida – 11,8 foizdan 8,7 foizgacha;
Samarqand viloyatida – 10,5 foizdan 7,5 foizgacha;
Namangan viloyatida – 10,4 foizdan 7,6 foizgacha;
Qoraqalpog‘iston Respublikasida – 13,6 foizdan 10,8 foizgacha qayd etildi.

2024-yilda aholi bandligini ta’minlash, tadbirkorlikka jalb qilish, tomorqa va dehqonchilik uchun ajratilgan yer maydonlaridan foydalanish samaradorligini oshirish bo‘yicha ko‘rilgan choralar mamlakatda kambag‘allik darajasini pasaytirishga katta hissa qo‘shdi.

Buning natijasida 2024-yilda aholining real daromadi 10.7 foizga o‘sib, jon boshiga oyiga o‘rtacha 2.1 million so‘mdan to‘g‘ri keldi (yil boshida – 1.7 million so‘m).

Jumladan, aholi daromadlari tarkibida :

🔹Ish haqi – 42,6 foiz (2023 yilda – 41,9 foiz);
🔹Tadbirkorlikdan daromadlar – 22,9 foiz (21,4 foiz);
🔹Pensiya, ijtimoiy yordam va subsidiyalar – 18,2 foiz (18,9 foiz);
🔹Qishloq xo‘jaligi va tomorqadan daromadlar – 10,7 foiz (9,8 foiz);
🔹Xorijdan pul o‘tkazmalar – 2,0 foiz (3,1 foiz);
boshqa daromadlar – 3,6 foiz (4,9 foiz)ni tashkil etdi.

Aholining ish haqidan daromadlari esa 2023-yilga nisbatan 12.9 foizga ko‘paydi.

P.S.: Dunyoda uchta yolg'on bor :

1. Yolg'on;
2. Haqiqiy yolg'on;
3. Statistika.

🌶 @qalampir_tutgan_yozuvchi ✍

👆👆👆👆

Qonunchilikka ko'ra, Qo'riqlash faoliyati to'g'risidagi Qonunning 3-moddasiga tayanib, qo'riqlanadigan ob'yekt - belgilangan tartibda qo'riqlashga olingan jismoniy va yuridik shaxslarning binolari, imoratlari, inshootlari, ularning hududlari, joyning uchastkalari, transport vositalari, transportda tashiladigan yuklari, pul mablag'lari, moddiy boyliklari va boshqa mol-mulki, shuningdek jismoniy shaxs hisoblanadi.

Ya'ni, nafaqat mol-mulkingizni, balki o'zingizni ham qo'riqlash uchun shartnoma asosida yollashingiz mumkin.

Ma'lumot uchun, O'zbekiston Respublikasi hududida qo'riqlash faoliyatini chet davlatlarning jismoniy shaxslari va tashkilotlari, shu jumladan xususiy tashkilotlari tomonidan amalga oshirishga yo'l qo'yilmaydi.

O'zbekiston Respublikasi Milliy gvardiyasi qo'riqlanishi lozim bo'lgan ob'yektlarda, shuningdek jismoniy va yuridik shaxslarning murojaatlari bo'yicha qo'riqlash faoliyatini amalga oshirish huquqiga ega.

P.S.: Xullas kalom, "Soqqa bo'lsa, changalda sho'rva"!!

🌶 @qalampir_tutgan_yozuvchi ✍