.

Qo'limizda bor narsani qadrini bilmaymiz doim.
Qachonki undan ayrilsak, yoki yo'qotish xavfi bo'lsa qadrlay boshlaymiz.

Sog'likni yo'qotganda qadriga yetamiz ko'p hollarda, borida qadriga yetmaymiz.
Yaqinlarimizni xuddi abadiy biz bilan qoladigandik qadrlamaymiz, yo'qotganimizda o'kirib yig'laymiz, xuddiki qaytib keladigandek.
Tirikligida birgina tabassum qilishni qizg'onamiz, o'lganidan keyin qabr toshi, xalqqa osh berish kabi bir tiynga qimmat ishlarni qilamiz. Balki shuncha tashvishni tirikligida qilganimizda sevinarmidi.

Bular shunchaki misol edi...
Hayotimizda ko'plab qadrli bo'lgan narsalarni qadrlamay qo'ydik.

Hamma narsani qizg'onamiz hattoki shirin so'zni ham. Vaqtim yo'q deymiz, aslida bekorchi narsalarga soatlab vaqtimizni behuda sarflaymiz.

"Muhabbat ham, gul ham tirikka kerak"

Yaqinlaringizni va qo'lingizdagi narsalaringizni qadriga yeting toki kech bo'lmasin. Yaqinlaringizga yaxshi ko'rishingizni ayting, 1 daqiqa tabassum bilan suhbat quring, keyin ko'rasiz ularni xursandchiligini.
Bu hisni million $ ga sotib ololmaysiz...

#maktub

seni juda sog'inibman, kecha tunda kelibsan, ozgina tobim yo'qligi sababli kelganingni sezmay qolibman.

iforingdan ham uyg'onmaganimga o'zimni ayblamoqdaman. yana kelgin xo'pmi?

biror shitirlash eshitsam senmi deya qidirardim, ammo kelganingda sezmay qolibman.

seni ko'rsam beixtiyor yuzimga tabassum yuguradi, kayfiyatimni doim ko'tarasan.

seni juda sog'indim, kelgin xo'pmi?
eslaysanmi, ancha yillar ilgari bahor va kuz mavsumlarida sen bilan bog'liq xotiralarimiz juda ko'p edi...

soyabonsiz sen bilan raqs tushardim, va mendan baxtli inson yo'qdek edi olamda...

seni judayam sog'indim, kel yana sen bilan raqs tushaylik...

seni kutaman yomg'irim...

#nimadir

ishimiz tushsagina yo'qlaydigan darajada "yaqinmiz".

#nimadir

Shanba, yakshanbani dam olish kuni deb kim aytgan bo'lsayam, bekorlarni beshtasini aytibdi.)

...Onalar farzandlari hamisha birga bo'lishini istaydilar. Qismat esa, ularni qanot chiqarishi bilan har yoqqa uchirib ketadi. Hayot loaqal shu masalada ham onalarga shavqat qilmaydi...

Dunyoning ishlari qissasidan, biram yaxshi ko'raman shu qissani, qayta-qayta o'qisam ham to'ymayman🫠

Bu kanalni ochishimdan maqsadim odam yig'ish bo'lmagan. O'zimning erkin fikrlarimni yozishim uchun ochganman, va meni kimlar kuzatyotganini bilishni xohlamayman. Bu meni bir qolipga solib qo'yishi mumkin. Istasangiz kuzating , manfaatli nimadir olsangiz mamnunman va kuzatishga majbur emasligingizni ham aytib qo'yay.

Hammamiz kelajakda baxtli bo'lamiz.

Negaki, biz baxtni hali erishmagan narsalarimizda deb bilamiz, aslini olganda qo'limizdagi yoki bizni o'zimizdagi narslarda bo'ladi.

Abituriyentlar o'qishga kirishni baxt deb bilishadi, moshina ixlosmandlari zo'o'o'r moshinaga erishishda deb biladi, turmush qurmagan yigit-qiz uylansam yoki erga tegsam baxtli bo'laman deb o'ylashadi va buni uzuuun davom ettirish mumkin. Men bu bilan bularga erishib baxtli bo'lmaysiz deyishdan yiroqman. Shunchaki o'sha vaqtni kutib hozirgi lahzangizni boy bermang!

Qarang! Tiriksiz, nafas olyapsiz, och qolmayapsiz. Baxtlisiz.

Avvallari o'zim ham baxtni nimadirga erishishda deb bilardim. O'qishga kirishimdan oldin, talabalikda deb o'ylardim, o'qishga kirdim O'ziga Hamd. Ammo men o'ylaganchalik emas ekan.

Hozirgi kunga kelib oddiygina narsalardan ham o'zimga kayfiyat bag'ishlayman, o'tayotgan soniyalarimni boy bermasdan o'tkazishga harakat qilyapman.

Va nimadirga erishishga jahd qilsam, qo'rardim, endi esa aksi anchagina kuch to'pladim.

Odamlarni gapi, nima deb o'ylashi zig'ircha qiziq emas endi. Va o'shandan beri ancha yaxshiman.

Va yana bir narsa hech kimdan hech narsa kutmang! O'zingiz erishing! Allohdan so'rang! Odamlar bersa baribir bir kun minnat qiladi. Siz Allohdan so'rang, o'zingiz harakat qilib erishing, birovdan kutmang!

#mutolaa

Xotiralar iskanjasi...

Ana norasida Abu Umayr! Boshqa birov kelib undan "Qushchangga nima bo'ldi?" deb so'ramaydi ...

Sho'rlik Bilol! "Ey Bilol, bizni rohatlantir " degan chorlovni boshqa eshitmaydi...

Umar-chi? Unga endi biror kishi "Birodarim, duoda meni ham unutma" demaydi...

Mayus Madina! U o'zi uzra chiqqan nurni, ko'chalarida eng muattar ifor taratib o'tadigan Atirni, rahimdil qalbni, eng ulug' zot--- Rosululloh sollallohu alayhi vasallamni yo'qotib qo'ydi....

*buyuk shaxsiyat

yashirib qo'yganim fleshkani qayerdaligini, Xudo bilardi, men bilardim.

endi faqat Xudo biladi😐

#misra

Ko'ylagimni rangi o'chdi,
Kafan olib kiysammikan?
Gunohlarim shu qadar-ki,
Qabr qazib yotsammikan?

Telba derlar meni kimlar,
Qalbi dunyo bilan bandlar.
Qalbim olib haqni izlab,
Sahrolarga ketsammikan?

Ne yesamda yo'q rohatim,
Suv ichmayin o'lsammikin?
Tirik yursam ruhim falaj,
Ko'zim o'yib olsammikin...?

*

Sog'inganlarim shu qadar ko'pki...

Sog'inganlarim shu qadar ko'pki, bolaligimni sog'indim...
opamlar bilan birga uzundan-uzun suhbatlarimizni sog'indim...
oilaviy jam bo'lib o'tirishlarimizni sog'indim...
yarim kechasigacha bo'lar bo'lmasga kulib opam bilan otamni uyqusini buzganlarimizni sog'indim...
opamlar bilan bir-birmizni ko'tarish o'ynaganlarimizni sog'indim...
bir-birimiz sal noto'g'ri gapirib qo'ysak, onamlarga aytaman deb qo'rqitishlarimizni sog'indim...

maktab davrimni sog'indim...
sinfoshlar bilan bolalarcha beg'ubor suhbatlarimizni sog'indim...
maktabga telifon olib borganimda darsdan keyin zinada propka qilib rasmga tushyotganimizda oramizda ustoz ham tushib qolib, kuni bilan telifonni ololmay sarson bo'lganlarimizni sog'indim...
har doim , uyda ham , maktabda ham birga yuradigan dugonalarimni sog'indim...

cho'ponlik davrimni sog'indim...
har kuni yig'lagudek bo'lib dalaga chiqib ketishlarimni sog'indim...
cho'pon sheriklar bilan suvi yo'q hovuz ichida koptok o'ynaganlarimizni sog'indim...
"ham kasblarim" bilan o'tga ko'mish o'yinlarimizni sog'indim...
tushlikka faqat olcha yeb yurgan kezlarimizi sog'indim...
eh..


sog'inganlarim shu qadar ko'pki, ularni yozib ado qilolmayman...

eng ko'p o'zimni sog'indim...

farzandingizni kimlardek bo'lishini xohlasangiz, o'shalarning ota/onasidek bo'ling, Imom Buxoriylardek farzandiz bo'lishini xohlasangiz Imom Buxoriyning ota/onasidek bo'ling...

farzandingiz kitobxon bo'lishini xohlasangiz , avval o'zingiz kitob o'qing ! Farznadingiz ota-onaga mehrli bo'lishini istasangiz avval o'zingiz amalda ko'rsatib qo'ying !

siz o'zingiz telifondan ajralmay turib, bolangizni olim(a) bo'lishini kutish, beda ekib arpa kutgandek gap...

o'zimizdan boshlaylik...

#eslatma
#òzimga_va_jamiki_farzandlarga

umr qisqa ota-onangga yaxshilik qil, ulgurib qol !

balki mablag'ing yo'qdir har kuni yoki haftasiga sovg'alar bilan ko'nglini olishga, ammo ishon ota-onang seni sovg'alaringizsiz 5 daqiqalik iliq suhbatingga ham dunyolarcha quvonadi !

bir kun 24 soat vaqting bor nahot shundan atiga 5 daqiqa bo'sh vaqting bo'lmasa ? Nahot ular sening vaqt ajratib ko'ngillarini olishingga arizmasa ? shu darajadagi noshud bo'ldingmi ? gap nimadir matohlarda emas, gap e'tiborda ! sening mittigina payting, na yura olar eding, na gapira olar eding va biror luqma eplab o'zing yeya olarding, o'sha paytlar kim seni yedirdi, kim kiydirdi , kim oq yuvib oq taradi ? sen hozirgi holingcha paydo bo'lib qoldingmi ? aytolmayman, mening mehr-muhabbatim ichimda deysan, qachon "ichindagi"ni chiqarmoqchisan, kech bo'lgandami? bahonalar... eh...

onani do'st deymiz dardlarimizni unga aytamiz, so'ng esa yengil tortamiz o'zimizni , ammo ona-chi ? sening dardingni o'ylab xorirjamligi yo'qoladi, senga shu kerakmi ? maslahat so'ra mayli, ammo tezda o'tib ketadigan muammolaring yokida onang ham hal qilolmaydigan muammolaringni aytishdan senga ne naf ? nega buncha qiynaysan ? kammi shu kungacha ko'rgan-kechirganlari, endi sen ye , yeb bitir, uning ham haqqi bor-ku sendan faxrlanib yurishga, seni to'yib quchoqlashga, ey qo'ying deysan , meni tushunmaysiz deysan, unutma ! onang uchun har doim bolasan va bolalingcha qolasan, nega seni tushunmas ekan axir o'zingni gapingni o'zing tushunmagan kezlaring seni tushungan kim edi, eslab ko'r ?

balki yetar a?
vaqt g'animat hurmatli o'zim, ota-onangga ularni yaxshi ko'rishingni har kuni, har soatda ayt, ularni to'yib-to'yib bag'ringga bos, hidlaridan to'yib-to'yib hidla, arzimagan narsalar bilan bo'lsa ham ularni xursand qil, balki moshina olib berolmassan, yoki dunyo kezdirib sayohat qildirolmassan, ammo ularni yonida bo'lib borligingni bildirib ularga mehr berish qo'lingdan keladi-ku, qil shularni, vaqt g'animat !

#iltijo

Ya Robbim, ota-onamni umrlarini barokatli qilgin, ularni rozi qilishimni menga nasib etgin, Sening mo'min(a) bandalaringga tayyorlab qo'yilgan Jannatingni bizga ham nasib etgin! Omin !

#mutolaa #hadis

Saxl ibn Sa'd roziyallohu anhu aytadi: " Jabroil alayhissalom Nabiy sollallohu alayhi vasallamning huzulariga kelib, shunday dedilar: " Ey Muhammad, xohlaganingizcha yashang, baribir vafot etasiz. Xohlagan amalingizni qiling, baribir o'sha amalingizga munosib mukofot( yoki jazo) olasiz. Xohlagan kishingizni yaxshi ko'ring, baribir uni tashlab ketasiz. Bilingki, mo'min kishining sharafi tunni bedor o'tkazishida, azizligi esa o'zini odamlardan behojat tutishidadir" ( Imom Tabaroniy rivoyati).

*

Odamlar nima deydi?

Odamlar nima deydi?
O'zingni bosvol!
Hammaga o'xsha! Yig'ishtir!
Qanaqa музыка? qanaqa san'at?
Muhimroq hammadan o'qishing!
Odamlar nima deydi?
Katta bo'pqoldingku, Qachonga to'y endi?
Qanaqa ish?! Karyerangni qo'y endi
Shu yoshdayam endi
Qanaqa o'yin bu? E!
Yig'ishtir tepishni koptok
Qanaqa futbolist? Ishingni top давай!
Qanaqa boks? qanaqa kurash?
Shunchasi chempion bo'p qoptimi?
Odamlar nima deydi?
Bu yil ham bolasi o'qishdan qoptimi?
Senga shuncha umrimni yo'qotib
Natijasiga men shuni topdimmi?
Odamlar nima deydi?
Indama! gapirma! ko'tarma boshni!
Qattan bo'sayam topish kere to'yga!
Nima deydi qo'ni qo'shni? zo'r qil oshni!
Odamlar nima deydi?
Tengdoshmi? kelin qimiman sinfdoshni!
Odamlar nima deydi?
Qilma ko'z yoshlar!
Qizim joyingda qolgin toshday!
Indama! gapirma! urushsa, ichsa
O'tib ketadi, hali sevadi, vaqt o'tadi
Farzand bo'gandan keyin o'zgaradi
Qaytib kema qizim! Gap so'zlar keremas!
Nima deysan endi?! hayot shundayda
Joninga qasd?! nima qilganing bu?!
Odamlar nima deydi?!


Odamlar nima desa, desin! yashaylik!
Chin dildan kulib samimiy gaplashaylik!
Odamlar nima desa desin, tashaylik!
Qo'rqishni, o'ylashni, yashashni boshlaylik!
Odamlar nima desa, desin yashaylik!
Chin dildan kulib, samimiy gaplashaylik!
Odamlar nima desa, desin tashaylik!
Qo'rqishni, o'ylashni, yashashni boshlaylik!


Haaa..
Odamlar nima deganidi?
Yaqinlar xuddi begonadek!
Ishing bu o'yin, jiddiy emassan!
Qo'llab quvvatlagan kam edi
Odamlar nima deganidi?
Axir ular biladigan edi!
Sen o'zingni yo'lingni izlab qiynalasan
Battar qiladi yanada. Ouu
Lekin menga farqi yo'q
Biz tomonda ham chiqar quyosh!
Ko'rsatmasdan ko'zlarda yosh!
Yiqilsang tepadiganlar tayyor!
Har kuni top! motivatsiya, tur!
Yomg'ir ostida taksi tut
Metro, institut, stipendiya kut!
Hammasi bo'ladi good
Yurakda bo'lsa orzu-u!
Barcha gap so'zlar ortda qolar
Unga yetganda bir zuum!
O'zgaradi mavzu, erishganda!
O'shanda odamlar nima degandi?
Endi muhimmas uuu
Endi muhimmas uuu!

Odamlar nima deydi?
Hayotingni ulardan uzoqda qur!
Odamlar nima deydi?
Ko'p o'ylasang, demak bo'ladi haq u!
Odamlar nima deydi?
Deb o'ylasang, yashamaganing ma'qul!
Odamlar har doim nimadur deydi!
Sen bu gaplarga bo'lma qul!

Odamlar nima desa, desin! yashaylik!
Chin dildan kulib samimiy gaplashaylik!
Odamlar nima desa desin, tashaylik!
Qo'rqishni, o'ylashni, yashashni boshlaylik!
Odamlar nima desa, desin yashaylik!
Chin dildan kulib, samimiy gaplashaylik!
Odamlar nima desa, desin tashaylik!
Qo'rqishni, o'ylashni, yashashni boshlaylik!

Alloh har bir gunohingni bilishiga qaramay, seni o'z onangdan ko'ra ko'proq sevishini bilish juda go'zal.