Vaziyatlarga yondashish pozitsiyangiz o‘sha paytdagi muhitga, holatingizga bevosita bog‘liq, ya‘ni ayni holatingizdan kelib chiqib turli himoya mexanizmlari ishlaydi. Shu sabab bir insondan doimiy intellektualizatsiya (muammoga hissiyotlarsiz, mantiqiy va aqliy jihatdan qaray olish) himoya mexanizmini kutish to‘g‘ri bo‘lmaydi.

Deylik hissiy yoki jismoniy qiyinchiliklarni boshdan kechirayotgan insonda empatiya hissi oshib ketishi (yoki butkul bloklanishi) mumkin. Uning miyasi ayni paytda o‘zining muammosidan qutulishga qaratilgan va shu sabab boshqa vaziyatlarga to‘laligicha aqlini ishlatolmasligi mumkin.

Insonlar o‘zgaruvchan ichki va tashqi omillar ta’sirida harakat qilishadi. Shu sababli, kimdir bir vaziyatda sovuqqon va mantiqiy bo‘lsa, boshqa sharoitda u hissiy va impulsivroq harakat qilishi mumkin.