Zamira Xolbayeva || Active Life - Психология Клуби

📌“Bitta burash uchun shuncha pulmi?”

Bir odam uzoq yillardan beri ishlatib kelayotgan qimmatbaho qo‘l soatini ta’mirlash uchun ustaga olib boradi. Soat to‘xtab qolgan, yurmayapti.

Usta soatni diqqat bilan ko‘zdan kechiradi, bitta kichik vintlini ohista buraydi… va soat yana yurishni boshlaydi!

Mijoz hayratda:
— Hammasi shu bilan bo‘ldimi?
— Ha, — deydi usta.
— Qancha bo‘ldi? — so‘raydi mijoz.
Usta narxni aytadi.
Mijoz esa norozilik bilan:
— Nega bu qadar qimmat? Axir siz faqat bitta vintni buradingiz-ku!

Shunda usta bemalol javob beradi:
— Ha, burashim oson bo‘ldi. Lekin qayerini burashni bilish uchun men yillar davomida o‘rganganman. Narx aynan shu bilim va tajriba uchun.

Hulosa sizdan….!

@psixolog_zamiraxolbayeva

Bu #otzivni diqqat bilan o’qing va bu o’quvchimizda ham “qimmat” degan fikrlar kelgan ular kursda o’qib hatto pullarini ham oqlab oldilar.

@psixolog_zamiraxolbayeva

Bu yerda muhim narsa — shunchaki “o‘zingizga ishonishni boshlash” emas, balki o‘tmish ta’siri qayerda tugab, haqiqiy tanlovingiz qayerdan boshlanishini tushunishdir.
Bu sizga erkinlik, o‘z harakatlaringizga bo‘lgan ishonch va qarorlar qabul qilishda mustaqillik beradi.

@psixolog_zamiraxolbayeva

✅ Testni saqlang va yaqinlaringiz bilan bo‘lishing — ular ham o‘zlarini tekshirib ko‘rishsin.


1️⃣ Siz doimiy nazorat holatida yashaysiz va bo‘shashishni uddalay olmaysiz. Har qanday xato sizda xavotir uyg‘otadi, shuning uchun hammasini o‘zingiz nazorat qilmoqchisiz, rejadan chetga chiqishga ruxsat bermaysiz. Ishda vazifalarni boshqalarga topshirish qiyin, munosabatlarda esa ishonch o‘rnatish og‘ir. Dam olish esa siz uchun “vaqtni bekorga sarflash” bo‘lib tuyuladi. Bu holat bolalikdan kelib chiqqan bo‘lishi mumkin: xatolaringiz jazolanib, faqat yutuqlar uchun maqtov olgan bo‘lsangiz. Ichingizda nazoratni yo‘qotsangiz, hammasi qulab tushadi degan qo‘rquv shakllangan. Bu ichki taranglik va tashvishlarning ildizini aniqlash muhim — ular sizga bo‘shashish xavf deb ko‘rsatilgan illyuziyani yaratgan bo‘lishi mumkin.

2️⃣ Siz odatda barcha muammolarni yolg‘iz hal qilasiz, chunki boshqalarga ishonish xavfli deb hisoblaysiz. Ba’zida kimningdird yordamiga suyanishni xohlaysiz, lekin buni qanday qilishni bilmay qolasiz. Odamlarni yaqinlashtirmaysiz yoki yordam bera olmaydigan insonlarni tanlaysiz. Bu holat bolalikdagi tajribalardan kelib chiqishi mumkin: his-tuyg‘ularingiz inkor etilgan, erta mustaqillikka o‘rgatilgansiz yoki xiyonatni boshdan kechirgansiz. Asosiysi — nega sizning asab tizimingiz ishonchni xavf deb qabul qilayotganini anglash. O‘tmishdagi hissiy tajribani qayta ko‘rib chiqish orqali siz bu holatni engillashtirishingiz va odamlar bilan munosabatlaringizda ko‘proq quvonch va yengillik his qilishingiz mumkin.

3️⃣ Siz o‘z istaklaringiz va chegaralaringiz haqida gapirishga qiynalasiz, chunki ichingizda “mening fikrim muhim emas” degan hissiyot bor. Hayotingizda bu holat boshqalarga moslashish, mojarolardan qo‘rquv va “meni hech kim eshitmayapti” degan tuyg‘ular bilan namoyon bo‘ladi. Bu holat bolalikda his-tuyg‘ularingiz qadrsizlantirilgan yoki samimiyligingiz uchun jazolangan holatlardan kelib chiqqan bo‘lishi mumkin. Bu yerda shunchaki gapira boshlash emas, balki sukut ortida qanday qo‘rquvlar turganini tushunish muhim. Bu odatda rad etilish yoki ustingizdan kulinishdan qo‘rqishdir. Shu qo‘rquvlar bilan ishlash orqali siz o‘zingizni erkin ifoda etish huquqini qaytarib olishingiz mumkin.


4️⃣Siz ko‘pincha orzularga berilib ketasiz, qarorlarni kechiktirasiz va hammasi o‘z-o‘zidan yaxshilanadi, deb umid qilasiz. Shu bilan birga yuragingizda xavotir bo‘ladi, chunki vaqt o‘tmoqda, hayot esa go‘yo “pauza”da qolib ketgandek. Bu holat asab tizimi faol harakatlarni stress sifatida qabul qilganda yuz beradi — ya’ni ilgari tashabbus ko‘rsatganingizda bu og‘riq yoki hafsizlik bilan tugagan bo‘lsa.
Muhimi faqatgina “orzulardan chiqib ketish” emas, balki harakatsizlik ortida qanday qo‘rquvlar turganini tushunish. Bu sizga nimaga harakat qilish xavotir uyg‘otayotganini va qanday qilib o‘zingiz uchun xavfsiz tarzda harakat boshlashni tushunishga yordam beradi.


5️⃣Siz yana va yana bir xil ssenariyga tushib qolayotganingizni sezishingiz mumkin, lekin bu doiradan qanday chiqishni tushunmaysiz. Bu munosabatlar, ish va shaxsiy qarorlar bilan bog‘liq bo‘lishi mumkin — har safar bir xil natijalarga olib keladi. Bu ko‘pincha o‘tmishda boshdan kechirgan voqea bilan bog‘liq bo‘ladi, u og‘riqli bo‘lsa ham “xavfsiz” deb belgilangandir. Muhimi faqat “fikrlashni o‘zgartirish” emas, balki nima uchun asab tizimingiz tanish holatni tanlashini tushunishdir — hattoki bu holat sizga zarar keltirsa ham.
Bu mavzuda ishlash sizga qanday qarorlarni avtomatik ravishda qabul qilayotganingizni anglashga va ilgari imkonsizdek tuyulgan yangi yo‘llarni ko‘rishga yordam beradi.


6️⃣ Siz ko‘pincha o‘z qarorlaringizdan shubhalanasiz, chunki boshqalar sizni boshqaryapti, yoki siz xohlagan narsalar aslida sizniki emas, deb qo‘rqasiz. Ba’zida sizga kimdir bosim o‘tkazayotgandek tuyuladi, hatto bu haqiqat bo‘lmasa ham.
Bu holat bolalikdan boshlangan bo‘lishi mumkin: agar bolaligingizda istaklaringiz bostirilgan, “nima kerakligini sen bilmaysan” deyilgan, yoki sizga begona qadriyatlar tiqishtirilgan bo‘lsa.