Adam Uskuzani "Jannatga taklifnoma" kitobini sovg'a qilishgan edi. Kitobni tugatdim nihoyat. Oxirigacha o'qigan kitoblarim bittaga ko'paydi. Kitobda boshqa din vakillari qanday qilib, musulmon bo'lishgani va undan keyin hayotida bo'lgan o'zgarishlar haqida gapirib, berishadi. Menga eng yoqqan fikrlardan biri bu Kolumbiyalik, Abdulloh Santiyagoni dinlar haqida bildirgan fikrlari bo'ldi. O'zi avval nasroniy bo'lgan. Lekin zehnidagi din haqidagi savollarga nasroniylikdan javob topa olmaganidan so'ng, u hamma dinlarni tadqiq qilishni boshlaydi. Quyida, uning dinlarga munosabatini yozaman.
Birinchi buddaviylikdan boshlangan.
"Buddaviylik haqiqatga yetishish uchun, jamiyatdan ajralib, yolg'iz qolishni talab qiladi. Hatto, inson, insoniy xususiyatlarini yo'qotishi kerak, o'shandagina haqiqatni topadi deyilgan. Ammo, qanday yaratuvchiga sig'inish haqida aytilmagan. Bu savolga javob yo'q. Buddistlar buddani tangri yaratgan degan. Keyin esa buddani tangridan ham baland ko'rishgan.
Nasroniylik dini xatolari.
- Tavrot, Zabur va Injilni o'qidim. tog'ri unda foydali nasihatlar bor. Lekin, uchala kitobda ham chalkashliklar mavjud. Chalkashliklar bo'lishi tabiiy, chunki, Iloh yo'q. Iloh mavjud dinda esa chalkashliklar bo'lmaydi. Chalkashliklardan biri shuki, Tavrot va Zaburga ko'ra Yahudiylar tinmay xato qilishlariga qarmasdan, Alloh tomonidan tanlangan millat emish. Odillik yaratuvchining sifatidir. Ammo, ularning "tanlangan millatmiz" aqidasi bu sifatga ziddir. Yaratuvchi aslo bandalari orasida ayrimchilik qilmaydi. Injilda esa o'nlab bir-birini rad qiluvchi fikrlar mavjud. Masalan insonlar gunohkor bo'lib tug'ilar emish yoki Iso Alayhissalom butun insoniyat uchun qurbonlik qilingan deyiladi deb yozilgan edi. Bularning bu fikrlarini, sog'lom aql qabul qila olmasdi.
Ta'til kunlarini birida do'stimnikiga borganimda ispan tilidagi Qur'onni ko'rib qoldim. Men tadqiq qilmagan bitta Islom qolgan edi. Undan kitobni olishimni iltimos qildim va uyga kelishim bilanoq o'qiy boshladim. Bu kitobdagi jumlalar go'yo, meni savollarimga javob berardi. Men shunda bu kitob oddiy emasligini tushundim.Yagona Yaratuvchi mavjudligini his qilardim va bunga ishonch hosil qidim. Taqdir taqozosi bilan biz oilaviy misrga bordik u yerda Islom dini boyicha, qolgan savollarimga javob topdim va Misrdagi Al-Azhar masjidiga bordim va shahodat kalimasini keltirib, Islom dinini qabul qildim" deydi.
Xulosam shuki, men o'z dinimga nisbatan "sekulyar qarayman" deb, sezdim. Chunki, boshqa din vakili, keyinchalik, Islomni qabul qilib, men itoat qiladigandinim haqida mendan ham ko'p ma'lumotga egaligi sabab, bo'ldi. Ya'ni, men din va yagona Yaratuvchi borligini bilaman. Lekin, dinimga chuqur yondoshmaganman. Bir tarafdan bu yashab turgan hududimga ham bog'liqmikan deb qoldim? Chunki, O'zbekiston sekulyar davlat va menimcha, ko'pchilik o'zbeklar, shu pozitsiyada deb o'ylayman.
