"Piskent hayoti" gazetasi rasmiy kanal

"Бир донишманд қўлига бўш кўзани олиб уни тошга тўлдирибди.

Сўнг шогирдларини чақириб, уларга биринчи саволини берибди: «Айтингчи, кўза тўлдими?» Шогирдлар: «Ҳа, тўла», дейишди. Шунда устоз қўлига нўхатли идишни олиб кўзага тўкди. Нўхат тошлар орасидаги бўш жойларга жойлашди. Устоз шогирдларига яна савол берди: «Энди кўзам тўлдими?» Шогирдлар яна кўза тўлганини айтишди.

Энди устоз қум тўла қутини олди-да, яна кўзага тўкди. Қум тош ва нўхатлар орасидан ўтиб бўш қолган жойларни эгаллади. Устоз яна ўша саволни бериб шогирдлари ўша жавобни қайтаришди.

Ниҳоят донишманд сувли идишни олиб уни яна ўша кўзага қуя бошлади. Идишдаги сув билан идиш тўлди. Буни кўрган шогирдлар кула бошладилар..

Устоз деди: «Бундан мен сизларга айтмоқчи бўлган ўгитим: кўза бу бизнинг ҳаётимиз, тошлар энг азиз бўлган кишиларимиз, оиламиз, соғлигимиз. Нўхат — бўлса ёқадиган, аммо жудаям муҳим бўлмаган нарсалар: яхши иш, данғиллама уй, машина, қимматбаҳо нарсалар. Қум эса, ҳамманинг ҳаётида тўла бўлган майда-чуйда нарсалардир.

Агар кўзани аввал қум билан тўлдирсанг, нўхат ва энг муҳими, тошларга жой қолмайди. Ҳаёт ҳам худди шундай: вақтингни бекорчи нарсаларга сарфласанг, энг асосийсига вақт қолмайди.

Яқинларингга, қариндошларингга эътибор қилинглар, бошқа ишларга вақт кейин ҳам топилаверади. Вақтингизни аввал тошга, сўнг қумга ажратинг.

Шу сўзларни айтиб донишманд ўрнидан турган эдики, шогирдлардан бири савол берди: «Сув нега керак эди?» Устоз ним табассум билан деди: «Мен кўзага сувни қўшишимдан мақсад: ҳаётда вақт қанчалик тиғиз бўлмасин, бекор вақт ҳам топилади», дейиш эди.

Ёқуб УМАР"

@piskenthayoti

#2025_йил_1_январдан

🗓1 январдан қонунчиликда нималар ўзгаради?

🔹Айрим таълим ташкилотлари коммунал харажатларининг 50 фоизи қоплаб берилади ➖БАТАФСИЛ;

🔹Букмекерлик фаолиятини амалга оширишга рухсат этилади ➖БАТАФСИЛ;

🔹Тазйиқ ва зўравонлик содир этишга мойил бўлган шахсларнинг реестри юритилади ➖БАТАФСИЛ;

🔹Аҳолининг ягона электрон реестри жорий этилади ➖БАТАФСИЛ;

🔹“subsidiya.mf.uz” платформасида тадбиркорларга бериладиган қўллаб-қувватлашларнинг реестри юритилади ➖БАТАФСИЛ;

🔹Жиноят ишлари бўйича туман, шаҳар судларида тергов судьяси лавозими жорий этилади ➖БАТАФСИЛ;

🔹Аҳоли ва давлат хизматчиларининг коррупцияга қарши курашиш соҳасидаги билимлари оширилади ➖БАТАФСИЛ;

🔹Ногиронлиги бўлган шахсларга қулай ва тўсиқларсиз муҳит яратилади ➖БАТАФСИЛ;

🔹Фуқаролар қабули ва сайёр қабулларни ўтказишда мажбурий тарзда сурдотаржимон иштироки таъминланади ➖БАТАФСИЛ;

🔹Умумий овқатланиш корхоналарига фойда солиғи ставкаси 50 фоизга камайтирилади ➖БАТАФСИЛ;

🔹Айрим ер участкалари бўйича солиқ ставкаси 50 фоизга камайтирилади ➖БАТАФСИЛ;

🔹Камбағал оилалар фарзандлари давлат боғчаларига имтиёзли асосда қабул қилинади ➖БАТАФСИЛ;

🔹Мактабгача ва мактаб таълими вазири жамғармаси ҳисобидан боғчалар раҳбар ва педагоглари рағбатлантирилади ➖БАТАФСИЛ;

🔹Боғчаларда инклюзив таълим гуруҳлари очилади ➖БАТАФСИЛ;

🔹“Ишга марҳамат” мономарказларида иш берувчилар талабига асосан тезкор курслар ташкил қилинади ➖БАТАФСИЛ;

🔹Етим ва ота-она қарамоғидан маҳрум бўлган ёшларга уй-жой шароитларини яхшилаш учун ижтимоий ёрдам кўрсатилади ➖БАТАФСИЛ.

Каналга уланиш👇👇👇
https://t.me/huquqiyaxborot

❄️ЯНГИ ЙИЛ ТАБРИГИ❄️

Уйингизга бахт омад,
Олиб келсин янги йил,
Қалбингизга саҳоват,
Олиб келсин янги йил.

Тинч бўлсин ватанимиз,
Соғ бўлсин жон танимиз,
Оиламизга даромад,
Олиб келсин янги йил.

Шод хуррам барча кўнгил,
Севинчларга тўлсин дил,
Орзуларга ижобат,
Олиб келсин янги йил.

Порлаб кўкда тўлин ой,
Чеҳралар очсин чирой,
Гўзаллигу нафосат,
Олиб келсин янги йил.

Юксалсин ЎЗБЕКИСТОН,
Довруғи бўлиб достон,
Юртимизга шон шавкат,
Олиб келсин янги йил.

Чорлар буюк келажак,
Буюк зотлар бўлажак,
Ёшларга шахт- шижоат,
Олиб келсин янги йил.

Шукур қилиб худога,
Қўллар очган дуога,
Кексаларга ҳаловат,
Олиб келсин янги йил.

Кетиб дилдан ғуборлар,
Шифо топсин беморлар,
Элга соғлик, саломат
Олиб келсин янги йил.

Осмонимиз ҳар доим,
Тинч бўлсинда худойим,
Юртга тинчлик иноят,
Олиб келсин янги йил.

Хуршид Карим

@piskenthayoti

ЯНГИ ЙИЛ МУНОЖОТИ

Эркин Вохидов

Вақтнинг чопқирлигига ҳайратим
тугамасдир,
Йилнинг ўтиши гўё чақнаган чақмоқ мисол.
Йил надир, умр ўзи аслида бир нафасдир,
Эшикдан кириб шу он дарчадан чикмоқ мисол.

Беш юз йил яшар эмиш, тоғ аҳли бир қабила,
Сабрни маслак билиб, қаноатни тоат деб.
Уй тикламас эмишлар биргина сабаб ила,
Шу озгина умрга ранж чекмоқ на ҳожат деб.

Бу-ку бир афсонадир, аслида аҳли олам
Одамдек яшаш истар шу беш кунлик дунёда.
Жаҳондан умид узмас умри ўтиб борса ҳам,
Ёши улғайган сари орзулари зиёда.

Боламдеб ниҳол экар, набирамдеб уй солар,
Мендан ҳам бирор ёдгор авлодимга қолсин, дер.
Дил тубида умрбод яшар ойдин хаёллар,
Ватаним камол топсин, миллатим юксалсин, дер.

Инсондек яшамоқнинг асли шудир маъноси,
Юрт севгиси бизларга юракдаги қондандир,
Бу муқаддас туйғуда аждодларнинг нидоси,
Ҳадис сўзи — Ватанга муҳаббат имондандир.

Имонимни бутун қил, юртимни нурафшон қил,
Пок, ҳалол йўлларингга бизни йўлла, илоҳим.
Ватаним кемасини долғалардин омон кил,
Бу поёнсиз уммонда ўзинг қўлла, илоҳим.

Юракларга меҳр сол, адоватдан қил йироқ,
Букунги заҳматларнинг оқибати қут бўлсин.
Эркка ташна элимнинг бахти бўлсин ярқироқ,
Осмони ёруғ бўлсин, насибаси бут бўлсин.

@piskenthayoti