PAYARIQ HAYOTI | Rasmiy kanal

Kimlar xorijga chiqish pasporti olish uchun davlat bojidan ozod etiladi?
Fuqarolar “Davlat boji toʼgʼrisida”gi Qonunga muvofiq, quyidagi hollarda xorijga chiqish biometrik pasporti berilganligi uchun davlat bojini toʼlashdan ozod qilinadi:
- yaqin qarindoshlari vafot etgan yoki ular dafn etilgan joylarni ziyorat qilganda;
- fuqarolik, oilaviy va jinoyat ishlari boʼyicha huquqiy yordam koʼrsatish toʼgʼrisidagi shartnomalarga (bitimlarga) binoan ular xorij sudlariga fuqarolik va jinoyat ishlari yuzasidan taraflar, guvohlar va ekspertlar sifatida chaqirilgan taqdirda;
- voyaga yetmagan shaxsga, shuningdek, unga hamrohlik qiluvchi shaxsga xorijiy davlatda ixtisoslashgan tibbiy yordam koʼrsatilganda yoki jarrohlik amaliyoti oʼtkazilganda;
- voyaga yetmagan shaxs ilm-fan, taʼlim, sport yoki madaniyat sohalaridan biridagi xalqaro tadbirda yoki musobaqada ishtirok etganda;
- “Ijtimoiy himoya yagona reestri”ga kiritilgan shaxsga, shuningdek, unga hamrohlik qiluvchi shaxsga xorijiy davlatda ixtisoslashgan tibbiy yordam koʼrsatilganda yoki jarrohlik amaliyoti oʼtkazilganda;
- biometrik pasport Oʼzbekiston Respublikasi yoki chet davlatlar hududida tabiiy va texnogen xususiyatli favqulodda vaziyatlar, shu jumladan, maishiy tusdagi ofatlar (turar joylarning yoki yashash uchun moʼljallanmagan joylarning yonishi, qulashi, transport vositalarining yonishi) yuz berganligi natijasida jabrlangan jismoniy shaxslar tomonidan yoʼqotilgan yoxud yaroqsiz holga kelganda.
S.O‘sarov,
Payariq tuman Yuridik
xizmat ko’rsatish markazi
bosh yuristkonsulti.

@PAYARIQHAYOTI_UZ

НАКУРТЛИКЛАРНИНГ ҚУВОНЧИ ЧЕКСИЗ
Бозори обод, тўкин-сочин юртнинг ўзи ҳам обод саналади. Кўп йиллардан буён қишда лой, ёзда чанг тўзон бўлиб турадиган тоғлик ҳудуддаги «Накурт деҳқон бозори» туман ҳокимининг ташаббуси билан ҳомийлар томонидан чинаккам кўркам замонавий бозорга айлантирилмоқда.
Бозоримизга Жиззах вилоятининг Фориш тумани, қўшни Қўшработ, Каттақўрғон, Иштихон, Оқдарё туманлариниг тадбиркорлари ўзлариниг маҳсулотларини олиб келишиб савдо қилади. Бозор туфайли халқободликлар ўзларининг ҳафталик керакли рўзғорбоп маҳсулотларини яқингинасидан харид қилади. Бу билан уларнинг оғири енгил, узоғи яқин бўлади.
Бозор ҳудуди 2,81 гектар. 2023 – 2024 йилларда бозор ичидаги 3200 метр квадрат жойга шағал тўшалди. 870 метр квадрат савдо расталари ичидаги майдонлар бетонлаштирилди. 2880 метр квадрат расталарнинг томи ёпилди. Жорий йилда қолган 1600 метр квадрат ердаги қолган ишлар тугалланади. Илгарилари савдогарлар ҳам, аҳоли ҳам бозор куни ёмғир ёғмасада, ёзда шамол туриб қолмасада дея юрак ҳовучлаб бозорга келардилар. Бу йил улар бундай ташвишлардан бутунлай қутилади. Бугун накуртсойликларнинг қувончи чексиз. Аҳоли бу яратилаётган шароитдан баҳраманд бўлмоқда, - дейди деҳқон бозори директори Баҳрилло Шакаров.
Турғунбой ҲАСАНОВ.

“MADANIYAT”DA AJRASHGAN OILA YO‘Q

Keyingi yillarda mahalla instituti jamiyatning bir bo‘g‘iniga aylandi. Hududlarda davlat dasturlarining ijrosini ta’minlash borasida mahalla chinakkam islohotchi bo‘lmoqda.

Ayniqsa, bugungi kunda xotin-qizlarni har tamonlama qo‘llab-quvvatlash maqsadida tizimli ishlar yo‘lga qo‘yildi. Buning natijasida oila faravonligi, xonadonimiz obodligida muhim o‘rin tutuvchi xotin-qizlarga bir qator imkoniyatlar yaratib berilmoqda. Buning natijasida erishilgan yutuqlar bilan tanishish uchun “Madaniyat” mahallasida bo‘ldik. Xotin-qizlar faoli Sevara Sa’dullayeva faoliyati bilan tanishdik. Suhbat davomida mas’ulyatli vazifalarining natijalari haqida so‘z yuritildi. So‘ngi yillarda ajrimlarni oldini olish, yoshlarni oilaga tayyorlash borasida tegishli chora-tadbirlar belgilangan. Ma’lumotlarga ko‘ra ushbu mahallada oilaviy ajrimlar qayd etilmagan. Bundan ko‘rinib turibdiki, “Yarashtirish”, “Oila va qadriyatlarni mustahkamlash” kamissiyalari faoliyati samarali yo‘lga qo‘yilganligidan dalolatdir.

— Oilada tortishuvlar, turli kelishmovchiliklar yuzaga kelishi tabiiy, — deydi xotin-qizlar faoli. Biroq, azal-azaldan “Er-xotin yaxshi amalini oshirib, yomonini yashirib yashash kerak” degan gap bejizga aytilmagan. Bu borada mahalla otinoyisi Gulchehra Tursunova hamda Salohiddin Ubadullayevlar bilan hamkorlikda mahallamizda davra suhbatlari, targ‘ibot ishlari o‘tkizib kelayapmiz. Bu kabi tadbirlarga 780 tadan ziyod oilalar qamrab olishni rejalashtirganmiz. Shuningdek, zarur hollarda xonadonlarda bo‘lib muloqot jarayonida hayotiy tajribalar asosida tushintirish ishlari olib borayapmiz.

Muhtaram Prezidentimiz tamonidan jamiyatning bir bo‘g‘ini hisoblanmish mahalla instituti yanada takomillashtirilmoqda. Faoliyat yuritayotgan kadrlarning mas’ulyat bilan ishlashi, zimmasidagi vazifalarni sidqidildan bajarishi uchun zamonaviy jixozlar va axborot texnalogiyalar bilan ta’minlangan. Bundan ruhlangan mahalla xotin-qizlar faoli Sevara Sa’dullayeva oldiga qo‘ygan maqsadi sari dadil qadam bosmoqda. Bu yo‘lda unga omad tilaymiz.

Shirinboy MAMADALIYEV.

@PAYARIQHAYOTI_UZ