"Parkent tongi" gazetasi I Расмий канал

#Diqqat_tarqating

⚡️⚡️⚡️ Yanvardagi aksiyalarni o'tkazib yubordingizmi?

🔥ISHONCH sizga yangi imkoniyatni taqdim etadi!

Artel, Avalon, Shivaki brendlariga:
💎 20% CHEGIRMA yoki 30% BONUS

Konditsionerlar uchun maxsus takliflar:
❄️ AVALON 9 va 12BTU – 25% CHEGIRMA yoki 30% BONUS
❄️ AUX 12BTU – 20% CHEGIRMA yoki 25% BONUS

LG kir yuvish mashinalari va televizorlariga:
📺 30% CHEGIRMA yoki 40% BONUS!

Aksiya 1-fevraldan amal qiladi.
Sizni ISHONCHda kutib qolamiz! 😊

Batafsil:

📞 +998735152222

🤖 @ishonch_chatbot

Barcha aksiya va yangiliklardan xabardor bo'lish uchun @ishonch kanaliga obuna bo‘ling!

#Диққат_қилинг

⚡️⚡️⚡️ Картошканинг нархи қачон тушади?

Сўнгги кунларда ижтимоий тармоқларда картошканинг нархи 12 минг сўмга етгани ҳақидаги хабарлар тарқалганди. Қишлоқ хўжалиги вазирлиги картошка нархи бўйича ахборот берди.

Вазирликнинг билдиришича, феврал-март ойларида нархлар барқарорлашиши, апрель-май ойларида эса пасайиши кутилмоқда.

Картошканинг қимматлашишига бир қатор омиллар сабаб бўлмоқда.

Масалан, республика бўйича такрорий экилган майдонлардан етарли ҳосил олинмади. Ўтган 2024 йил ҳосили учун такрорий майдондан 1 миллион тонна картошка етиштирилган, аммо ноябрь-апрель даврида 1,7 миллион тонна зарур. Йиғилган ҳосил талабнинг фақат 44 фоизини қоплайди.

❗️Хўш бу борада туманимизда қандай чора-тадбирлар кўрилмоқда?

Маълумотларга кўра, туманимизда картошканинг ҳаддан зиёд қимматлашиб кетмаслигини ҳоким Сардор Исоқулов алоҳида назоратга олган.

Бу борада кўриб борилаётган чора-тадбирлар натижасида “Элга хизмат” арзонлаштирилган ярмаркасига туман захирасидан бир кунда 2 минг 500 тонна картошка савдога чиқарилмоқда.

Картошканинг нархларини билиш мақсадида “Элга хизмат” арзонлаштирилган ярмаркасининг раҳбари Фазлиддин Холтоев билан боғландик.

“Элга хизмат” арзонлаштирилган ярмаркасининг раҳбари картошканинг 1 килограми 4 мингдан 8 минг сўмгача сотилаётганлигини ҳақида маълумот берди.

Унинг айтишича, бозордаги “Элга хизмат” арзонлаштирилган ярмаркага чиндан ҳам туман захирасидан ҳар куни 2 минг 500 тонна картошка савдога қўйилмоқда.

Арзонлаштирилган ярмаркада 4 минг сўмдан сотилаётган картошка учун харид чеклови бир мизжозга 2,5 килограмм этиб белгиланган.

Шунингдек, 8 минг сўмдан сотилаётган картошкага эса харид чеклови йўқ, бу нархда истаганча сотиб олиш мумкин.

🔴 Мазкур ярмарканинг фаолияти бўйича қўшимча саволларининг бўлса, Фазлиддин Холтоевнинг +99899-022-66-79 телефон рақамига қўнғироқ қилиб жавоб олишингиз мумкин!

👉 @PARKENT_TONGI

#Сессия

⚡️⚡️⚡️ Депутатларимиз туманимиз ҳаётига оид 4 та долзарб масалани атрофлича муҳокама қилди

Бугун туман ҳокимлигида Халқ депутатлари туман Кенгашининг еттинчи чақириқ еттинчи сессияси “ZOOM” платформаси орқали бўлиб ўтди.

Унда ҳоким Сардор Исоқулов, депутатлар, ҳоким ўринбосарлари, тегишли ташкилот бошлиқлари ҳамда ОАВ вакиллари иштирок этишди.

Халқ депутатлари Паркент туман  Кенгаши сессиясида 4 та муҳим масала кўриб чиқилди.

Жумладан, Президентимизнинг 2024 йил 20 декабрдаги “Ҳудудларда юқори иқтисодий ўсиш ва аҳоли бандлигини таъминлашнинг янги тизимини йўлга қўйиш ҳамда бу борада маҳаллий ҳокимликларнинг роли ва масъулиятини ошириш чора-тадбирлари тўғрисида”ги ПФ-223-сон Фармонига асосан 2025 йилда Паркент туманини комплекс ижтимоий-иқтисодий ривожлантириш дастури тўғрисида депутатларимизга ҳисобот берилди.

Паркент туман бюджетининг 2025 йил 1 январь ҳолатига шаклланган эркин қолдиқ маблағлари ҳамда йил давомида шаклланиши кутилаётган қўшимча манбалари ҳисобидан маблағ ажратилиши тўғрисида ҳам ахборот тақдим этилди.

Шунингдек, депутатларимиз Президентининг 2025 йил 12 январдаги “2025 йилда аҳоли бандлигини таъминлаш ва камбағалликни қисқартириш чора-тадбирлари тўғрисида”ги ПҚ-12-сонли Қарор ижроси бўйича туманда амалга оширилаётган ишлар тўғрисидаги масалани атрофлича муҳокама қилишди.

Тўртинчи масала эса жорий йилда Паркент туманида “Яшил белбоғ” барпо этиш бўйича туман ҳокимлиги томонидан киритилган таклифларни  кўриб чиқиш тўғрисида бўлди.

Сессия якунида туманимиз ҳаётида муҳим бўлган масалалар атрофлича муҳокама этилиб, тегишли қарорлар қабул қилинди.

👉 @PARKENT_TONGI

#Долзарб

⚡️⚡️⚡️ Хизмат вазифасига масъулиятсизлик билан қараган ва қонунбузилишига йўл қўйган ходимларга қатъий чоралар кўрилади

Бу ҳақида бугун бўлиб ўтган Паркент туман ҳуқуқни муҳофаза қилувчи органлари фаолиятини мувофиқлаштирувчи Кенгашининг навбатдаги кенгайтирилган йиғилишида сўз борди.

Туман ҳокими Сардор Исоқулов, прокурор Жасурбек Ҳайитбоев, ички ишлар бўлими бошлиғи Азизбек Алиасқаров раислигидаги мазкур йиғилиш танқидий-таҳлилий руҳда ўтди.

Унда туман прокуратураси, туман ҳокимининг ўринбосарлари, ИИБ ва туман Давлат солиқ инспекцияси раҳбари, Фавқулодда вазиятлар бўлими, Камбағалликни қисқартириш ва бандлик бўлими, Ёшлар ишлари агентлиги туман бўлими, Мактабгача ва мактаб таълими, Маданият бўлими, туман тиббиёт бирлашмаси, "Маҳалла еттилиги" ва бошқа ташкилотларнинг бошлиқлари иштирок этди.

Йиғилишда ўтган 2024 йилда жиноятчиликка қарши курашиш, ҳуқуқбузарликларни олдини олиш ва жамоат хавфсизлигини таъминлашда ҳамда ижтимоий – иқтисодий соҳаларда амалга оширилган ишлар, мавжуд муаммолар ва йўл қўйилаётган камчиликлар танқидий муҳокама қилинди.

Шунингдек, хизмат вазифасига юзаки ва масъулиятсизлик билан қараган ҳамда қонунбузилиши ҳолатларига йўл қўйган ходимларга нисбатан қатъий чоралар кўрилиши алоҳида қайд этиб ўтилди.

Йиғилишда тегишли соҳа раҳбарларининг ҳисоботлари тингланди.

Кенгаш қарори билан туманимизда криминоген вазият барқарорлигини таъминлашда  барча ҳуқуқни муҳофаза қилувчи органлар ҳамда ҳокимлик, идора ва ташкилотларнинг ҳамкорлигини янада кучайтириш бўйича чора-тадбирлар белгиланди.

Мазкур вазифаларнинг ижроси назоратга олиниши таъкидланди.

👉 @PARKENT_TONGI

#Диққат_тарқатинг

⚡️⚡️⚡️ Паркент туманида чиқиндиларни тўплаш ва олиб чиқиб кетиш учун ягона тарифлар тасдиқланди

Тошкент вилоятининг айрим ҳудудлари қаторида Паркент туманида чиқиндиларни тўплаш ва олиб чиқиб кетиш учун ягона тариф қуйидагича белгиланди.

Аҳоли учун киши бошига 7 минг 840 сўм (ҚҚС билан).

Юридик шахсларга 1 м³ учун 82 минг 880 сўм (ҚҚС билан).

👉 @PARKENT_TONGI

#Қилмиш_қидирмиш

⚡️⚡️⚡️ Паркент туманида ноқонуний тамаки маҳсулотлари савдоси фош этилди

Бош прокуратура ҳузуридаги Департаментнинг Паркент тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган Х.И. сифатини тасдиқловчи ҳужжатлари бўлмаган, хорижда ишлаб чиқарилган 4 турдаги жами 325 дона тамаки маҳсулотларини фуқаро М.Х.га 50 млн. сўмга сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.

👉 @PARKENT_TONGI

#Бизга_ёзадилар

⚡️⚡️⚡️ Қуёш маҳалласидаги сув тармоғида содир бўлган авария бугун бартараф этиладиган бўлди

Куни кеча Қуёш маҳалласининг фуқароси Бунёд Атаматов таҳририятимизга мурожаат йўллаганди.

Фуқаро билан кеч соат 19:00 да суҳбатлашганимизда у маҳалласидаги кўп қаватли уйлар олидаги ичимлик суви тармоғидаги трубалар ёрилиб кетганлигини, “Тошкент сув таъминот” МЧЖ Паркент тумани бўлими ходимлари қувурни кўздан кечириб, талаб даражасида таъмирлаш ишларини бажармай қайтиб кетганлиги ҳақида шикоят қилди.

Унинг мурожаати юзасидан “Тошкент сув таъминот” МЧЖ Паркент тумани бўлими бошлиғи Аҳрор Эрматов билан боғланганимизда қуйидагилар маълум бўлди.

Авария ҳолати 23 январь куни содир бўлган. Шу куннинг ўзида муаммони бартараф этиш мақсадида “Тошкент сув таъминот” МЧЖ Паркент тумани бўлимининг авария хизмати ходимлари ичимлик суви тармоғида 4 кун давомида таъмирлаш ишларини бажарган.

Кейинги 2 кун давомида ичимлик суви тармоғида яна авария ҳолати содир бўлган.

Айни пайтда “Тошкент сув таъминот” МЧЖ Паркент тумани бўлимининг авария хизмати ичимлик суви тармоғидаги трубаларни янгисига алмаштириш ишларини бажармоқда.

"Тошкент сув таъминот” МЧЖ Паркент тумани бўлими бошлиғи Аҳрор Эрматовнинг маълумот беришича, бугун ушбу авария ҳолати тўлиқ бартараф этилади.

❗️Мазкур авариянинг асл сабаблари ва уни бартараф этилиши ҳақида тўлиқ маълумотларни "Паркент тонги" газетасининг навбатдаги сонида ўқишингиз мумкин.

👉 @PARKENT_TONGI

#Статистика

⚡️⚡️⚡️ Ўзбекистонда туғилиш ва оила қуриш камайди, ўлимлар сони эса ошди

Ўтган 2024 йилда туғилган чақалоқлар сони 2023 йилдагидан 35,6 минг нафарга кам бўлди.

Никоҳланишлар сони 271,8 минггача қисқарган.

Бу охирги 10 йилдаги энг паст кўрсаткич.

Эркакларнинг ўртача никоҳ ёши 27,1 ёшни, аёлларники 22,3 ёшни ташкил қилган.

👉 @PARKENT_TONGI

#Матбуот
#Пресс_анонс
        
"ПАРКЕНТ ТОНГИ" ГАЗЕТАСИНИНГ 2025 ЙИЛ 30 ЯНВАРЬ СОНИДА:

👉 Байрамга айланган кун

👉 Бозоримизда нарх-наво қандай?

👉 Аҳолини уй-жой билан таъминлаш янги босқичда давом этади

👉 ОҒИЗГА КЕЛГАННИ ГАПИРМОҚ НОДОННИНГ ИШИ
ёхуд бир мурожаатдаги сохта айбловлар ҳақида

👉 Ватанга хизмат — олий фазилат

👉 Оилани сақлаб қолишга ҳаммамиз масъулмиз

Шунингдек, газетамиз саҳифаларида туманимиз ижтимоий-сиёсий ҳаётига оид хабарларни ўқийсиз!

👉 @PARKENT_TONGI