Parenting pathways

Ey inson!

Agar taqdiringga boylik yozilgan bo'lsa, Alloh uni beradi. Agar yozilmagan bo'lsa, chet elga borib pul ishlaganing, ming harakat qilganing bilan barakasi bo'lmaydi, topganing birpasda havoga uchib ketadi...

Sen: " Sen ko'p mol-dunyo ber", deb so'raganingda, qaltis narsa so'rayotganingni bilasanmi? Agar Alloh boylik bersa, uni Robbing rozi bo'ladigan joylarga sarflay olasanmi?
Nafs g'olib kelib, boyliging dushmaningga aylanib, oxiratda nadomatga qolmaysanmi?

Qo'lingdan kelmaydigan ishni bo'yningga olma. Undan ko'ra Allohdan keragini so'ra. Eplay olmaydigab ishing tufayli gunohga botib nima qilasan?!..

Tonggi mutolaadan

#rizqkalitlari
@parentingpathways

Marhaban, marhaban yaa Romadoon🥹🥹🥹!

Maslahat N_55

Suv haqida

🫙 Ichish uchun ideal suv — gazsiz, qaynatilmagan, oddiy mineral suv bo‘lib, odatda, bunday suv butilkalarda sotiladi.

🫙 Do‘konlarda sotiladigan "maxsus bolalar uchun mineral suv" ning kattalar uchun mo‘ljallangan oddiy suvdan hech qanday afzalligi yo‘q.

♨️ Ichimlik suvini kamida 1 daqiqa davomida qaynatish shart.

🥛 6 oydan keyin bolaga suv berishni boshlaganingizda suvni isitish shart emas, xona haroratidagi suvni berish mumkin.

🍼 Smes uchun:
– Suv sifati qanday bo‘lishidan qat’i nazar, 1-2 daqiqa davomida qaynatilishi shart.
– Keyin suv 50–60 °C darajaga sovitiladi va aralashma kukuni bilan aralashtiriladi.
– Berishdan oldin aralashmaning harorati taxminan 37 °C bo‘lishi kerak.

#365kungamaslahat
@parentingpathways

Maslahat N_54

Bola ko'p qayt qilsa shifokorga murojaat qilish kerakmi?

🧷 Qayt qilish — normal, tabiiy (fiziologik) jarayondir. Gap sutni qayt qilish haqida ketyapti. Umuman qusmaydigan bola kamdan-kam uchraydi.
❗️Agar bola normal rivojlanayotgan va vazn orttirayotgan bo‘lsa, qayt qilishi sizni xavotirga solmasligi kerak,
✅ Hatto bola tez-tez qayt qilsa ham.
✅ Hatto sizga ko‘p qayt qilayotgandek tuyulsa ham.
✅ Hatto sizga "yeganining hammasini qayt qilgan"dek ko‘rinsa ham.

❗️Ayrim holatlarda qayt qilish fiziologik (normal) jarayon emas, balki ba’zi kasalliklarning belgisi bo'lishi mumkin yoki bolani noto‘g‘ri emizayotgan bo'lishingiz mumkin.

💢 Quyidagi belgilar orasida hech bo‘lmaganda bittasi mavjud bo‘lsa, albatta kechiktirmay shifokorga murojaat qiling:

1⃣ Bola vazn olmasa.
2⃣ Bolaning rivojlanishi normal emas deb o'ylasangiz.
3⃣ Qayt qilishdan oldin yoki keyin yo‘tal yoki yo‘tal tutqanoqlari kuzatilsa.
4⃣ Qayt qilishdan oldin yoki keyin nafas olishda muammolar bo‘lsa.
5⃣ Qayt qilish bolaga aniq noqulaylik (og‘riq) keltirsa — bola qusishdan oldin yoki keyin injiq, bezovta bo‘lib qolsa.
6⃣ Tez-tez qusish, toshma, ich ketishi yoki qabziyat bilan birga yuzaga kelsa.
7⃣ Bola qusgan sut oq rangda bo‘lmasa (pushti, och jigarrang, yashil rangli va h.k.).
8⃣ Bola qusgan massada siz unga bermagan narsalar bo‘lsa.
9⃣ 1 yoshdan oshgan bola qayt qilsa.

Qayt qilish - bolani og'zidan yengilgina osongina sut qaytib chiqishi, kuchanish va qizarishlarsiz.
Qusish - qizarib, kuchanib, kuch bilan qiynalib "napor" bilan qaytarib chiqarish.

#365kungamaslahat
@parentingpathways

Maslahat N_53

Issiqlik

☀️ Issiqlik toshmasi– bu teri yallig‘lanishidir. U ortiqcha ter ajralishi va terining bug‘lanishiga to‘sqinlik qiluvchi omillar natijasida paydo bo'ladi. Issiqlik ter yig‘ilib qoladigan joylarda paydo bo‘ladi, bir necha turlariga ega va odatda terining qizarishi hamda mayda pufakchalar (toshmalar) shaklida namoyon bo‘ladi.
🔅Ko‘pincha dastlabki oylarda uchraydi. Issiqlik toshishiga sabab: noto‘g‘ri parvarish - issiq havo, qalin kiyintirish, ortiqcha o‘rab qo‘yish, terini shimib ololmaydigan yoki juda yopishib turadigan kiyimlar.
🔅Issiqlik toshmasi og‘riq va qichishish chaqiradi. To‘g‘ri parvarish qilinganda juda tez o‘tib ketadi. Dori vositalaridan foydalanish mutlaqo shart emas.

🔅"Davolash"
1. Xona haroratini 22 °C dan yuqori bo‘lmasligini ta’minlash;
2. Bolaning xonasidagi havoning nisbiy namligini 40–70% darajasida ushlab turish;
3. Kerak bo‘lganda konditsioner va ventilyatorlardan bemalol foydalanish;
4. Bolani qattiq o‘rab tashlamaslik, yaxshisi, qisib turmaydigan keng kiyimlardan foydalanish;
5. Bolani muntazam ravishda ochiq holda qoldirish (havo vannalari);
6. Iliq suvda cho‘miltirish, so‘ngra terisini yaxshilab artish va quritish.

🔅Eslab qoling:
Agar chaqaloqda issiqlik toshmasi paydo bo‘lsa, muammo bolaning o‘zida emas, balki unga qarayotgan kattalardadir.

#365kungamaslahat
@parentingpathways

Assalamu alaykum barchaga!
Zerikib qomadilarmi? 😊
Tez kunda bronxit va chaqaloqlarda sariqlik mavzusida bilganlarimni bo'lishish niyatim bor.
Ungacha maslahatlar va ba'zi foydali postlarni o'qib turilar🥰.

🔑🔑🔑

Qur'on yodlatishda tavsiyalar

🕯 Go'dakni tili chiqqan paytdan boshlab yodlatishni boshlash yaxshi. 3-5 yoshlar oralig'ida boshlab, 6 yoshda qori bo'lganlar ko'p.

🕯 Qur'on boshqa barcha ilmlarga yo'l ochadi, dastlab uni mukammal o'rgatib olsangiz marra sizniki. Sizga real misollar keltiraman.
1. Boshqa ilmni o'ganishdan oldin Qur'onni to'liq yodlaganlar: Imom Buxoriy, Termiziy, Mahmud Zamaxshariy, Moturudiy, Burhoniddin Marg'iloniy.
2. Go'daklik chog'larida Qur'on xofizi bo'lganlar: Abu Ali ibn Sino, Abu Rayhon Beruniy, Ahmad Farg'oniy, Alisher Navoiy, Zahiriddin Muhammad Bobur.
(Yurtimizda mashhur bir qorining o'g'li 8 yoshida Qur'onni yodlab bo'lib, keyin maktabga chiqqan ekan. Tengdoshlaridan yosh jihatdan 1 yil qolib ketgan deyishlari mumkin, lekiiiiin hozir u bolaning ilm borasida olib borayotgan izlanishlari va o'rgangan narsalari uni tengdoshlaridan 10 yil oldingga olib chiqqan, mana sabrning mevasi, mana Allohning kalomining qudrati, maa shaa Alloh).

🕯Tajribali ustozlar qo'llayotgan samarali uslubga ko'ra:
-avval Fotiha surasi yodlatiladi.
-so'ng Nasdan to Sharhgacha tajvid bilan, diqqat bilan yodlatiladi.
-huddi shu yo'sinda 5 martagacha takrorlanadi.
-keyin Amma porasi to'liq yodlanadi.
-so'ng zehnni sinash uchun Mulk, Voqea, Rohman, Fath, Yosin suralari yodlanadi.
-Kahfdan pastga qarab yodlab bo'lgandan so'ng, Baqaradan tushib kelsa maqsadga muvofiq bo'ladi.

#quronqalblarshifosi
@parentingpathways

🖍Shu postga qo'shimcha:

"Yoshim o'tib qoldi, xotiram susaydi, endi yodlolmasam kerak, deb ko'ngilni cho'ktirmang, bir oyat bo'lsa ham yodlashga harakat qilavering. Alloh niyatingizga yarasha ajr beradi".

Maslahat N_52

Sutning harorati

🍼Ona suti, tabiiyki, onaning tana harorati (36–37 °C) ga ega. Aynan shu harorat chaqaloq uchun fiziologik jihatdan eng maqbul hisoblanadi: bu haroratda hazm qilish fermentlari maksimal darajada faol bo‘ladi, ovqat hazm qilish va so‘rilish jarayonlari, ichakning qisqarishi va ovqatning harakatlanishi uchun ideal sharoit yaratiladi.

🍼Sun'iy aralashma kukuni esa (smes) 50–60 °C haroratdagi suv bilan aralashtiriladi, yaxshilab chayqatib eritilgach, tayyor aralashma 36–37 °C gacha sovutiladi, buning uchun shishani sovuq suvga solib qo‘yish kifoya.

✴️ Eng ideal harorat – 36–37 °C.
✴️ 1 daraja issiq bo‘lishidan ko‘ra, 3 daraja sovuqroq bo‘lishi yaxshiroq.
✴️ Ovqatlantirishdan oldin, shishadan bir necha tomchi suyuqlikni kattalarning bilagiga tomizib, issiq yoki sovuq emasligiga ishonch hosil qilish lozim. Bu qadimdan qo‘llanib kelinayotgan, ishonchliligi asrlar davomida tasdiqlangan usul.

#365kungamaslahat
@parentingpathways

Tun sirlarni parda kabi to'sadi
Bu pardani ochadigan narsa tong quyoshidir.


Vaqt o‘tishi bilan yashirin narsalar oshkor bo‘ladi, haqiqat baribir yuzaga chiqadi. Shu bois, inson qilgan ishlari uchun javobgar bo‘lishini doimo yodda tutishi kerak.

الليل هو غطار الأسرار
ومن يفتحها هو شمس النهار