TAQRIZ!Muallif: Doktor Adham Bakar
Nomi: "Iroda tarbiyasi"
Sahifa: 288
2025-yil hisobida o'qilgan birinchi kitobim bo'lmish Doktor Adham Bakarning "Iroda tarbiyasi" kitobi yilni sermahsul o'tkazishim uchun ruhiy tomondan fundament vazifasini bajarishini umid qilib qolaman. Alloh xayrli qilishini istagan holda sizlarga o'z taqrizimni ulashmoqchiman. Insonning ruhiy kuchini rivojlantirish va maqsad sari qat’iyat bilan harakat qilishga undaydigan ushbu asarda — iroda, intizom va o'zini boshqarishning ahamiyati haqida ilmiy asoslangan fikrlar, hayotiy misollar va amaliy maslahatlar keltirilgan. Muallif
insonning hayotidagi muvaffaqiyatlarini iroda kuchi bilan bog'laydi va o'quvchini o'z ustida ishlashga undaydi. Bu qanchalik to'g'ri ekanligini albatta o'qib ko'rib, keyin baho berishingiz mumkin.
Asarni o'qilishi oson, sodda va har kimga tushunarli tilda yozilgan. Ayniqsa, unda berilgan real hayotiy misollar va har kuni bemalol qo'llay olishingiz mumkin bo'lgan mashqlar uni yanada qimmatli qiladi. Kitobning eng yaxshi jihatlaridan biri shundaki, u faqat nazariya bilan cheklanib qolmay, o'quvchiga aniq choralar, atom odatlar va strategiyalarni taklif etadi. Va bu yerda bir tabiiylik bor: kitobning muvaffaqiyati —
o'quvchining unga qanchalik amal qilishiga bog'liq. Agar o'quvchi berilgan tavsiyalarga qat’iy rioya qilsa, u o'z hayotida sezilarli o'zgarishlarga erishishi mumkin.
Umuman olganda, bu kitob o'z ustida ishlashni xohlagan, ammo buni uddalashga qiynalayotgan har bir kishiga tavsiya etiladi.
@panjiyev_3
