𝐎𝐗𝐈𝐑𝐀𝐓 𝐇𝐎𝐕𝐋𝐈𝐒𝐈

Йилларингизни сарҳисоб қилинг.
Бу йил сиз учун қандай ўтди?
Соғлом бўлганингиз учун ҳеч севинчдан шукр қилдингизми?

Неч марта қуёшнинг чиқишини ва ботишини тафаккур билан томоша қилдингиз?

Ҳеч қандай сабаб бўлмаса ҳам неч кишига ҳадя бердингиз?

Кўчада кетаркансиз нечта Аллоҳ яратган жонзотдан ҳайратландингиз,нечта мушукни меҳр билан силадингиз?

Онангизни гул билан сийладингизми?
Неч марта яқинларинзга,керакликларини ва муҳаббатингизни изҳор этдингиз?

Неч марта гуноҳларингиз учун йиғладингиз?
Неч марта юракдан кулдингиз?

Неч марта жуфтингиз билан юракдан суҳбатлашдингиз?
Неч марта жуфтингиз билан айлангани чиқдингиз?

Бир гулни жаннатни эслаб туриб неч марта ҳидладингиз?
Неч марта бири учун табрик ёки мактуб ёздингиз?

Севганларингизга неч марта силаи-раҳим қилдингиз?
Неч марта Аллоҳ учун кечирдингиз?

Неч марта нафл рўза тутдингиз?
Уммат ҳаққига неч марта дуо қилдингиз?

Неч марта Бомдод ва Ҳуфтон намозини жамоат билан ўқидингиз?

Неч марта садақа бердингиз?
Неч марта бемор зиёратида бўлдингиз?

Аразлашиб юрган нечта инсонингиз билан орангизни ислох қилдингиз?

Ҳақиқатдан бахтни ҳис қилганингизни ҳеч қалбан ҳис қилдингизми?

Болаларингизни неч марта севиб,ўпдингиз?

Жаҳлингизни неч марта табассум билан енгдингиз?
Неч марта Қуръон ҳатм қилдингиз?

Неч марта неъматлари учун Аллоҳга ҳақиқатдан шукр келтирдингиз.?

Неч марта қабрларга ибрат учун боқдингиз?

Неч кишини залолатдан қайтара олдингиз.?
Неч марта қўли юпқа қўшнингиздан ҳабар олдингиз?

Неч кишини ҳайрга йўллаб қўйдингиз.?
Ва ислом учун нималар қилдингиз?

Аслида булар ҳар куни саноқсиз бажарилиши керак бўлган амаллар,аммо бизнинг ҳайирли амалларимиз йил ўтса ҳам саноқсиз ҳолга келмайди.

Йиллик ҳайрли ишларимизни Қўлимизда санаб бера оламиз.
Агар шу саволларни ўрнига,

Бир йилда неч марта бирортасини ҳақорат қилдингиз?
Неч марта ғийбат қилдингиз?

Неч марта бозорга бордингиз?
Неч марта ёлғон гапирдингиз?

Неч марта намозларингизни қазо қилдингиз?
Неч марта ўрталарни буздингиз?

Неч марта бирортасидан нафратландингиз?
Неч марта аразлашдингиз?

Неч марта онангизни,яқинларингизни қалбини синдирдингиз?

Неч марта нонкўрлик қилиб Аллоҳга исён қилдингиз?
Неч марта инсонларга ҳасад қилиб бўҳтонлар тарқатдингиз?

Неч марта инсонлар ҳақида ёмон гумон қилдингиз?

Деб сўрасам ҳеч ким саноғини билмайди.

Биз маъсиятлари саноқсиз,ажрлари онда-сонда учраб қоладиган ҳаётимизни сўнгини,Жаннат билан якунламоқчи бўлган исёнкор бандаларданмиз.


🔵@oxirathovlisi

47-Эслатма:

«Аёллар дажжол фитнасига тайёрми?»

Маълумки, дажжолга энг аввал ва энг кўп эргашувчилар — аёллар дейилган.
Аёллар деганда фақат ҳақиқий кофира аёлларгина эмас, балки мусулмонларнинг аёллари ҳам назарда тутилади!

Расулуллоҳ соллаллоҳу алайҳи васаллам айтдилар:
”…Дажжол Мадинани уч марта ларзага келтиради. Шунда унга энг кўп чиққанлар аёллар бўлади! Мана шу кун — Мадина фосиқ ва фосиқалардан халос бўладиган кундир…”
(Саҳиҳ ҳадислар силсиласидан, Албоний “Саҳиҳ ҳадис” деган)

Бошқа ривоятда айтилади:
”…(Ўша замонда) ҳатто киши онаси, қизи, аммаси дажжолга чиқиб кетишидан қўрқиб, уларни арқон билан боғлаб қўяди…”
(Имом Аҳмад ривояти)

Нега аёллар бунчалик дажжолга эргашади?

Буни сабаблари бор:

1-сабаб:
У вақтда бутун дунё фитна ва азобга тўлиб кетади.
Дажжол эса гўёки фильмлардаги “Супермен” ёки “Ўргимчак одам”га ўхшаб, инсониятни “қутқарувчи” сифатида келади.
Бу филмлардаги хомхаёллар билан улғайган аёл-қизлар учун дажжол — кутилган “ором ва ҳалоскор” каби туюлади.

2-сабаб:
Дажжол ўзи билан дунёнинг барча зебу-зийнатини олиб келади!
Бугун заргарлик дўконига ёки ҳашаматли савдо марказларига кириб оғзи очилиб, чиққиси келмай қоладиган аёллар, ёки “одамларга ўхшаб биз ҳам…” деган аёллар дажжолга биринчи бўлиб эргашади.

Ўз навбатида, бугун хотин-қизларини бундай ишлардан тўса олмаётган эркаклар ҳам дажжол чиққанда уларни бой бериши тайин!

Шунингдек, бугун ҳаётимизда оддий бўлиб қолган фитначалар — аёлларнинг тийила олмаслиги ёки эркакларнинг уларни тўхтата олмаслиги — “Нега аёллар?” деган саволга жавобдир.

Агар бу хислатлар тўғриланмаса, Мадинада яшасангиз ҳам, хотин-қизингиз дажжол олдига қочиб чиқади!

✅ @oxirathovlisi

Ҳар бир нарсага олиб борувчи йўл бўлади.

Айрим йўллар қисқа, айрим йўллар узоқ ва машаққатли, айрим йўллар адаштириб ҳалокатга олиб борувчидир.

Аллоҳга олиб борувчи қисқа ва саломат йўл — Қуръон ва суннатни саҳобалар тушунганларидек тушуниб амал қилишдир.

✍🏻 Шайх Абдулазиз Торифий

✅ @oxirathovlisi