𝐎𝐗𝐈𝐑𝐀𝐓 𝐇𝐎𝐕𝐋𝐈𝐒𝐈

"Узр сабаб маҳбуслар"

Рamazonда узр сабаб рўза ва намозлардан маҳбус (касаллар, узрли, ҳомила, эмизикли аёллар) бор.
Улар баъзилари бу ҳолатни айланиб ўтиб ибодат қилишга ҳарис бўлса, баъзилари бу ҳолатни "Ибодатлардан озодлик" санаб ажрдан маҳрум бўлади.
Асли тўғри йўл эса, "узрсизлик ибодат" бўлгани каби, "узр ҳам ибодат" эканини тушуниш.

Чунки ибодатнинг асли намоз, рўза эмас, қалб ибодатидир.
Инсоннинг жасади руку сажда қилгани каби қалби ҳам (розилик, шукр, ният орқали) руку сажда қилади !
Жасад узрлар сабаб руку-сажда, рўзага қодир бўлмай қолиши мумкин, лекин қалб ҳеч қачон бу ибодатлардан ман қилинмайди.

Агар узр сабаб маҳбус киши , узридан безорликни изҳор қилмай, Аллоҳнинг қадарига рози бўлса, қалбида ибодатни яхши кўрса, албатта унга ўша ибодатлар ажри ёзилаверади.

Росулуллоҳ соллаллоҳу алайҳи ва саллам табук жангидан қайтишда Мадинага яқинлашгач дедилар:
"Мадинада шундай кишилар борки, сизлар қаерга юриш қилсанглар, қандай водийни кесиб ўтсанглар ҳам улар сизлар билан (ажрда) биргадир!"
Одамлар айтишди:
"Улар Мадинада ўтирган ҳолатдами Я Росулуллоҳ?!"
У зот айтдилар:
"Улар Мадинада ўтирган ҳолатда! Чунки уларни узр маҳбус қилди"
(Бухорий ривояти)

Ибн Баттол роҳимаҳуллоҳ айтадилар:
"Ким бир тоатни қилиб сўнг касаллик ёки бошқа сабаб билан ундан маҳбус бўлиб қолса, унга соғлом ҳолатида қиладиган ажри ёзилаверади. Шунингдек ўзининг вирдидан (қуръон вазифасидан) мажбурий ухлаб қолган кишига ҳам ўқиган ажри ёзилаверади. Уйқуси эса унга Аллоҳдан садақа бўлади"

Қуртубий айтадилар:
"Чунки содиқ ният амальнинг аслидир. Агар бирор тоатни қилишда ният содиқ бўлса, сўнгра соҳиби ундан ожиз қолса, албатта унга қодир кишининг ажри ёзилади"

Ибодат фақат расм-русумлар эмас, ҳар қандай ҳолатда Аллоҳга таслим бўлишдир.

Қанча тўшакда михланиб ётган кишилар борки, кечаси билан қиёмда турган кишилардан кўра қалби Аллоҳга боғланган!

Қанча (чарчаб) ухлаб қолганлар борки, бедор ғийбатчи, шаҳватпарастлардан кўра рўзаси саломат қолган !

Қанча узри сабаб жисми нопок бўлиб намоз рўзадан қолиб кетган аёллар борки, "узри" унда пайдо қилган синиқлик қалбини поклаган.

Қанча жисми поклар борки, намоз, рўза ўқиса-да, қалб амалларидан ғафлатда қолган, натижада "ужби" (ўзига бино қўйиши) уни ҳалок қилган !

Аллоҳ таоло айтади:
"..Лекин у сизларни қалбларингиз касб қилган нарса билан тутади.."
(Бақара.225)

🟠@oxirathovlisi

#Рамазон, 7-кун

Рўзада чарчаш йўқ

Мўмин кишига ушбу ҳадис умид беради:

“Росулуллоҳ соллаллоҳу алайҳи ва саллам:

“Рамазон ойининг биринчи кечаси кирса, шайтонлар ва исёнкор жинлар кишанланади, дўзах эшиклари ёпилади ва улардан биронтаси очиқ қолмайди, Жаннат эшиклари очилади ва улардан биронтаси ёпиқ бўлмайди.

Бир жарчи: “Эй яхшиликларни истовчи, кел (хайрли ишларни кўпайтириб ол); эй ёмонликларни истовчи, тийил (бу ойда гуноҳ қилмай тур)”, деб нидо қилади.

(Рамазон ойи давомида) Аллоҳ бандаларини дўзахдан озод қилади ва бу ҳар кеча юз беради”, дедилар”. (Термизий 682, Ибн Можа 1642)

Қуйидаги ҳадис эса хавотир уйғотади:

“Набий соллаллоҳу алайҳи ва саллам минбарга кўтарилиб, “Омийн (ижобат эт), омийн, омийн”, деб айтдилар.

У кишидан “Эй Росулуллоҳ, нега минбарга кўтарилиб “Омийн, омийн, омийн”, деб айтдингиз?” – деб сўрашди.

У киши жавоб бердилар: “Жибрил алайҳиссалом олдимга келиб, “Ким Рамазон ойига етса-ю, гуноҳлари мағфират қилинмаса ва дўзахга кирса, Аллоҳ уни (раҳматидан) узоқ қилсин”, деб, ортидан “Омийн” деб айтинг”, деди. Мен “Омийн” дедим.

У яна: “Эй Муҳаммад, ким ота-онасини, ёки улардан бирини (кексайган ҳолда) топса-ю, уларга яхшилик қилмай ўлса ва дўзахга кирса, Аллоҳ уни (раҳматидан) узоқ қилсин”, деб ортидан “Омийн” деб айтинг”, деди.

Мен “Омийн” дедим. У: “Кимнинг олдида исмингиз зикр қилинса-ю, сизга саловат айтмаса ва ўлганидан кейин дўзахга кирса, Аллоҳ уни (раҳматидан) узоқ қилсин”, деб ортидан “Омийн” деб айтинг”, деди. Мен “Омийн” дедим”. (Ибн Ҳиббон)

Бу ойнинг барчаси раҳмат, мағфират ва дўзахдан озод бўлиш ойи – унда малолланмай, чарчоқни баҳона қилмай, вақтни ғанимат билиб ибодатларни кўпайтириб олиш лозим.

Бу ойни қадрламаган, унинг рўзасини тутмаган, лоақал шу вақтда Аллоҳга қайтмаган, маъсиятлардан тийилмаган, намоз ўқимаган кишининг гуноҳлари охир-оқибат уни дўзахга олиб боради – ўз вақтида тўхташ, яхшиликлар сари қадам ташлаш муҳим.

Яқинларингизга ҳам улашинг

🚀 @oxirathovlisi