Болаликни соғ индим

Тутиб олиб ниначи,
Сувга отиб кемача,
Излаб "кичик илонча
Болаликни соғиндим.

Томдан томга сакраган,
Ҳадик нима билмаган,
Бекинмачоқ ўйнаган,
Болаликни соғиндим.

Тош териб бешқайроқни,
Сувга ташлаб қармоқни,
Ўтлар терган ўроқни,
Болаликни соғиндим.

Оқ теракми, кўк терак,
Ўйинлар энди эртак,
Кўча тўла, бир этак
Болаликни соғиндим.

Чиллада чўмилишлар,
Тупроққа кўмилишлар,
Оғирмасди, юмушлар
Болаликни соғиндим.

Қалдирғочли айвонни,
Юз ялаган ҳайвонни,
Сузма, қатиқ, айронни,
Болаликни соғиндим.

Семизўт,шўра,ялпиз,
Канда бўлмасди,эсиз,
Афсус,йўқ энди,афсус
Болаликни соғиндим.

Айтсам адоғлари йўқ,
Энди қадоғлари йўқ,
Қўллар қани,қани йўқ
Ўша болаликни соғиндим
Соғиндим,соғиндим...
Болаликни соғиндим
https://t.me/nurli_toj