Nurobod tumani hokimligi

Sektor rahbari oltinsoyliklarning murojaat va takliflarini tinglab, hududdagi bunyodkorlik ishlari holati bilan tanishdi

Nurobod tumanida rahbarlar va aholi o'rtasida bevosita va ochiq muloqotni ta'minlash, mavjud muammolarni aniqlash va ularni o'z vaqtida bartaraf etish yuzasidan turli uchrashuv va muloqotlar tashkil etib kelinmoqda.

Jumladan, bugun tuman prokurori, 2-sektor rahbari J.Abdihakimovning "Oltinsoy" MFY fuqarolari bilan uchrashuvi o'tkazilib, unda jinoyatchilik va huquqbuzarliklarning oldini olish, ularning bo'sh vaqtini mazmunli o'tkazish masalalarida so'z yuritildi hamda fuqarolarning taklif va muammolari tinglandi.

Shuningdek, sektor rahbari Oltinsoy mahallasidagi hashar yo‘li bilan qurilayotgan sog‘lomlashtirish markazi binosining qurilishi va mahalla hududidagi ichki yo‘llarga asfalt yotqizish ishlari holatli bilan tanishdi.

Bu boradagi ishlar sur'atini oshirish, qurilishni sifatli va qisqa fursatlarda yakunlash yuzasidan mas'ullarga tegishli ko'rsatma va topshiriqlar berilib, ijrosi nazoratga olindi.

©️ @nur_press

Nurobod tumanida "Ayollar daftari"ning 6-bosqich ro‘yxati shakllantirilmoqda

Barchamizga ma'lumki, hayotimizning barcha jabhalarida xotin-qizlar faolligini oshirish, ularni har tomonlama qo'llab-quvvatlash, jamiyatimizning faol a'zolariga aylantirish maqsadida har yili "Ayollar daftari" doirasida ko'makka muhtoj xotin-qizlarga turli ijtimoiy va moddiy yordamlar ko'rsatib kelinmoqda.

Nurobod tumanida joriy yilda ham bu boradagi ishlar samaradorligi va ko'lamini yanada oshirish maqsad qilingan.

Ayni shu maqsadda tumandagi barcha 39 ta mahallalarda xotin-qizlar faollari tomonidan "Ayollar daftari" ning 6-bosqich ro'yxatini shakllantirish yuzasidan xatlov jarayonlari olib borilmoqda.

Bunda fuqarolarning oilaviy sharoiti, turmush darajasi, bandlik holati o'rganilib, ularning barcha muammo va takliflari tinglangan holda xatlov ishlari haqqoniy va shaffof tarzda amalga oshirilmoqda.

©️ @nur_press

🗓 2025-yil "Ochiq byudjet" portalida jamoatchilik ishtirokida o‘tkaziladigan loyihalar taqvimi e'lon qilindi

Unga ko‘ra:

1️⃣ Yanvar oyida 2024-2025-o‘quv yili uchun "Mening maktabim" loyihasi bo‘lib o‘tadi. Ovoz berish 13-17 yanvar kunlari o‘tkaziladi.

Loyihaning 2025-2026-o‘quv yili uchun mavsumi oktyabr oyiga mo‘ljallangan. Loyihalarni kiritish 1-10-oktyabrda, ovoz berish esa 21-30-oktyabr kunlari bo‘ladi. 

2️⃣ "Tashabbusli byudjet"ning 1-mavsumi fevral-mart oylariga mo‘ljallangan. Loyihalarni kiritish 1-20-fevralda, ovoz berish esa 11-20-mart oralig‘ida bo‘ladi.

Loyihaning 2-mavsumi iyul-avgust oylarida bo‘lib o‘tadi. Loyihalarni kiritish 15-iyuldan 3-avgustgacha, ovoz berish 22-avgustdan 31-avgustgacha etib belgilangan.

3️⃣ "Mening bog‘im" loyihasi aprel oyida o‘tkaziladi. 1-10-aprelda loyihalarni kiritish, 21-30-aprelda esa ovoz berish bo‘lib o‘tadi.

4️⃣ "Mening bog‘cham" loyihasi iyun oyida o‘tkaziladi. Loyihalar uchun ovoz berish jarayoni 1-10-iyun kunlariga belgilangan.

©️ @nur_press

Nurobodda 14-yanvar — Vatan himoyachilari kuni keng nishonlandi

Bugun Nurobod tumanida O'zbekiston Respublikasi Qurolli kuchlari tashkil topganligining 33 yilligi hamda 14-yanvar — Vatan himoyachilari kuni munosabati bilan katta bayram tadbiri bo'lib o'tdi.

Tadbir avvalida tuman hokimligi, 36184-son harbiy qism a'zolari, tuman IIB xodimlari, keng jamoatchilik vakillari va tuman yoshlari ishtirokida 5000 qadam masofada yurish marafoni o'tkazildi.

Bayram tadbiri davomida el-yurt himoyasi, tinchligi, sarhadlar xavfsizligi yo'lida fidokorona va sadoqat bilan xizmat qilib kelayotgan bir guruh soha fidoyilariga tuman hokimligining tashakkurnoma va qimatbaho esdalik sovg'alari topshirildi.

Kattaqo'rg'on garnizoniga qarashli harbiy qism chiqishlari va harbiy orkestr tomonidan ijro etilgan Vatanni madh etuvchi qo'shiqlar yig'ilganlarga yuqori kayfiyat va zavq ulashdi.

©️ @nur_press

🍀 Nurobod tumanining Tepaqul tog'larida ilk boychechaklar ochildi.

©️ @nur_press