“Temir yo’l ijtimoiy xizmatlar” muassasasi

Hindistonlik yetakchi mutaxassislar ishtirokida tibbiy ko‘rik hamda jarrohlik amaliyotlari bajarilmoqda
 
🗓Joriy yilning 14-fevral kuni Samarqand bekati birlashgan kasalxonasiga Hindistonlik yetuk mutaxassislar Dr. Pritpal Singh va Dr. Jasdeep Singh Bedilar tashrif buyurdi.

🟦Mehmonlar Samarqand bekati birlashgan kasalxonasi va kasalxonamizda tashkil etilgan Samarqand Davlat tibbiyot Universiteti pediatriya fakultetining xirurgik kasalliklar kafedrasi faoliyati bilan tanishdilar. Shuningdek, bemorlar uchun xorijlik mutaxassislar ishtirokida bepul tibbiy ko‘riklar tashkil etildi.

🌍Shu qatorida, Hindistonlik shifokorlar ishtirokida yuqori texnologiyali jarrohlik amaliyotlari, jumladan, diafragma qizilo‘ngach teshigi churrasini “Krurorafiya va Toupe usuli bo‘yicha fiziologik fundoplikatsiya qilish” amaliyoti laparoskopik usulda bajarildi.
 
🤝Tashrif doirasida mutaxassislar ishtirokida mahorat darslari tashkil etish hamda “KIOR HEALTHCARE” klinikasi va Samarqand bekati birlashgan kasalxonasi o‘rtasida hamkorlik memorandumini imzolash rejalashtirilgan.

🌐Site 🌐Telegram 🌐Facebook 🌐YouTube 🌐Instagram

“Temir yo'l ijtimoiy xizmatlar” muassasasining o'quv markazi ochildi

✒️Ma’lumki, Oʻzbekiston Respublikasi Prezidentining 2023-yil 10 oktyabrdagi “Oʻzbekiston Respublikasi temir yoʻl transporti sohasini tubdan isloh qilish chora-tadbirlari toʻgʻrisida” PQ-329-sonli qaroriga koʻra temir yoʻl sohasidagi transformatsiya jarayonlari olib borilmoqda. Xususan, “Oʻzbekiston temir yoʻllari” AJ “Temir yoʻl ijtimoiy xizmatlar” muassasasida keng qamrovli ishlar amalga oshirilib, respublikamizdagi tibbiyot sohasidagi islohotlar temir yoʻl tizimiga qarashli tibbiyot muassasalarida ham tadbiq qilinmoqda. Tizimdagi tibbiyot muassasalarida respublikamizning nufuzli tibbiyot oliygohlari kafedralarining professor-oʻqituvchilari shifokor xodimlarning ilmiy darajasini oshirish, zamonaviy davolash usullarini qoʻllash boʻyicha hamkorlik ishlarini yoʻlga qoʻyildi

🟦Temiryoʻlchilarning salomatliklarini tiklash borasida shifokorlarning tibbiy savodxonligini oshirish uchun keng imkoniyatlar eshigi ochilib, ularni bilim olishlari uchun ham shart-sharoitlar yaratilib berilmoqda.

🗓Joriy yilning 12 fevral kuni, Markaziy klinik kasalxonasida ushbu oʻquv markazining ochilish marosimi boʻlib oʻtdi. Unda “Oʻzbekiston temir yoʻllari” AJ boshqaruvi raisi Z.Narzullayev, Boshqaruv raisi oʻrinbosari J.Yusupov, Personalni boshqarish va kadrlarni tayyorlash departamenti boshligʻi D.Sabirov, Toshkent mintaqaviy temir yoʻl uzeli filiali boshligʻi O.Xudoyqulov va “Temir yoʻl ijtimoiy xizmatlar” muassasasining mutaxassislari, shuningdek Tibbiyot va farmatsevtika xodimlarining malakasini baholash markazi direktori, tibbiyot fanlari doktori S.Sharipov, Toshkent Tibbiyot akademiyasi davolash ishlari boʻyicha prorektori, tibbiyot fanlari doktori, professor M.Karimov, Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi davolash ishlari boʻyicha direktor oʻrinbosari tibbiyot fanlari nomzodi Q.Moʻminov va Toshkent davlat stomatologiya instituti “Oʻrta tibbiy xodimlarning malakasini oshirish” kafedrasi mudiri G.Usmanbekovalar qatnashdi.

💬Tadbirda davomida, “Temir yoʻl ijtimoiy xizmatlar” muassasasining boshligʻi M.Mamasiddiqov oʻquv markazining maqsad, vazifalari, natijalari va uning afzalliklari va tizimdagi tibbiyot muassasalarining rivojlanish loyihalariga bagʻishlangan taqdimotni havola qildi.

🌐Site 🌐Telegram 🌐Facebook 🌐YouTube 🌐Instagram

RAHBAR VA JAMOA BIR OILADEK BOʻLSA – ISH UNUMDORLIGI ORTAVERADI

🇺🇿Mamlakatimizda sogʻliqni saqlash sohasini isloh qilish davlat siyosatining eng muhim yoʻnalishlaridan biri boʻlib, tizimni yanada takomillashtirishga, davolanishning zamonaviy texnologiya va usullarini keng joriy etishga alohida eʼtibor qaratilmoqda. Amalga oshayotgan islohotlarning samarasi zamirida esa jamoani boshqarib kelayotgan rahbarning oʻrni beqiyos. Bugungi kunda rahbar tajribali mutaxassis boʻlishi bilan birga insoniy fazilatlarni mujassam etgan, boshqaruv ilmidan xabardor, yuqori intellektual salohiyatga ega masʼuliyatli boʻlishi zamon talabidir.

🗓Hozirgi kunda “Buxoro-1” bekati temir yoʻl kasalxonasida 200 kishilik jamoani boshqarib kelayotgan direktor Feruz Salomov ana shunday fazilatlarga ega yosh rahbarlardan biridir, deb mubolagʻasiz aytish mumkin. Kasalxonaga 2024-yilning mart oyida tayinlangan rahbar jamoa bilan hamnafaslikda mavjud muammolarni oʻz vaqtida hal qilishda, istiqbolli vazifalarni amalga oshirishda tinmay harakat qilib kelmoqda. Rahbar oʻzi va jamoaning oldiga maqsadlar qoʻya olishi, ushbu maqsadlar sari intilishi natijasida qisqa rahbarlik davrida kasalxonada ijobiy natijalarga erishmoqda.

Direktor F.Salomov saʼy-harakati bilan kasalxonada keng koʻlamda obodonlashtirish va koʻkalamzorlashtirish ishlari amalga oshirildi ,jumladan, mevali va manzarali daraxt nihollari, gul koʻchatlari ekildi. Bemorlarga qulay sharoit yaratish maqsadida boʻlimlarda kapital taʼmirlash ishlari amalga oshirildi va kasalxona uchun zarur bo’lgan zamonaviy va ilg’or tibbiyot jixozlar olib kelindi.

🟦Haqiqatdan ham, tibbiyot xodimlari najot istab, murojaat qilgan bemorlarga oʻz vaqtida malakali va sifatli tibbiy xizmat koʻrsatishi, bemor sogʻligʻini tiklab, sogʻlom va mamnun holda tark etishi kasalxonada faoliyat yuritayotgan barcha tibbiyot xodimlarining sharafli burchidir. El-yurt manfaatini oʻylab, qatʼiy reja asosida ishni tashkilashtirayotgan rahbarning ezgu maqsadlari bisyor.

🎖Fursatdan foydalanib, Salomov Firuz Shokirovichga kelgusi ish faoliyatida zafarlar, kasalxonada rejalashtirgan ishlarining muvaffaqiyat bilan ijobiy yakun topishida hamda ular orqali katta natijalarga erishib, kasalxonamizning iqtisodiy-ijtimoiy rivojiga munosib hissa qoʻshishiga tilakdoshmiz!
 
“Buxoro-1” bekati temir yoʻl kasalxonasi jamoasi

🌐Site 🌐Telegram 🌐Facebook 🌐YouTube 🌐Instagram

❓Кучли йўтал билан кечувчи касаллик ёхуд бронхит нимаси билан хавфли?

🌨 Айни кунларда юртимизда совуқ қиш фасли ҳукмронлик қилмоқда. Табиийки, бу пайтда кўпчилик инсонларда нафас йўллари билан боғлиқ хасталиклар кўп кузатилади. Шулардан бири бронхитдир.

❓Хўш, ушбу касаллик келиб чиқишининг энг асосий омиллари нималардан иборат? Унинг қандай белгилари бор?

➡️ Мазкур саволларга олий тоифали шифокор Равшанбек Умаров батафсил жавоб берди.

💬

— Бронхларнинг яллиғланиши

(бронхит)

юқори нафас йўлларининг энг кўп учрайдиган хасталиги, — дейди мутахассис. — Унинг ўткир ва сурункали турлари фарқланади.

📌 Кўпинча об-ҳавонинг ўзгариши, иммун тизимининг сусайиши, ёмон одатларга (ичкиликбозлик, кашандалик) ружу қўйиш ҳамда турли зарарли моддалар (газ, чанг, кучли эфир мойлари)ни нафас орқали ичга ютиш каби ҳолатлар ҳалқум, ҳиқилдоқ ёки трахеяни зарарлаб, ўпка томон тарқалади. Оқибатда бронхит ва зотилжам келиб чиқади.

🤧 Касалликнинг ўткир турида бемор ҳолсизланади, мушаклари қақшайди. Йўтал пайдо бўлади. Кўкрак соҳаси қисилиб, оғрийди. Бироз ўтиб, унга тумов ҳам қўшилади, баъзи ҳолларда эса тана ҳарорати кўтарилиши мумкин.

🩺

Қолаверса, беморни мунтазам равишда йўтал тутиб, йиринг аралаш балғам ажралади. Бронхит тўлиқ даволанмаса, касаллик чўзилиб, сурункали тусга ўтади ва ўзидан оғир асоратлар қолдиради.

🔬 Гайморит, отит ва зотилжам хасталиклари аксарият ҳолларда бронхит қайталаши оқибатида келиб чиқади. Юрак-қон томир тизимида жиддий муаммо бўлган ва қувватдан қолган беморларда бронхит туфайли майда бронхлар ҳам зарарланади.

🤒

Касаллик ривожланганда бемор иситмаси баланд бўлади, ҳаво етишмайди, ҳансирайди. Шунингдек, лаби кўкаради, тез-тез йўталиб, тинка-мадори қурийди.

Йирингли балғам ташлаб, кўкрагида оғриқ

туради. Ҳатто,

ўпкасида майда пуфакчали нам, қуруқ хириллашлар эшитилади.

‼️ Қолаверса, нафас сустлашади, томир уриши тезлашиб, юрак товуши бўғиқ эшитилади. Ҳатто, бронхлар девори ва атрофидаги тўқималар зарарланади. Бундай вақтда беморларни зудлик билан шифохонага ётқизиш лозим.

Соғлиқни сақлаш вазирлиги
Матбуот хизмати.

TEMIR YO'LNING TAJRIBALI VA FIDOYI SHIFOKORLARI

🟦Shifokorlik insondan umr bo'yi ilm o'rganish, izlanish va sabr-toqatni talab qiladigan sharafli kasblardan biridir. Ushbu maqolamizning qahramonlari tibbiyot sohasining ikki xil yo'nalishida bemorlarning dardiga shifo topib, nafaqat temiryo'lchilar va ularning oila a'zolari, balki xalqimizdan ham beminnat xizmatini ayamay kelayotgan aka-uka Erkin hamda Shuhrat Xaytalievlardir.

➡️Dastlab E.Xaytaliev haqida ma'lumot bersak. Har doim bemorlarni yuzida tabassum bilan qarshi oladigan, ko'plab temiryo'lchilar dardiga davo topgan, kamtarin va oq ko'ngil inson, “O'zbekiston temir yo'llari” AJ Markaziy poliklinikasining Jarrohlik bo'limi mudiri, oliy toifali shifokor, “O'zbekiston Respublikasi sog'liqni saqlash a'lochisi” ko'krak nishoni hamda “Faxriy temiryo'lchi” nishoni sohibi Erkin Xaytaliev 1974 yil 16 martda Toshkent viloyatida ziyolilar oilasida tug'ilgan. 1991 yil Toshkent tibbiyot akademiyasining “Davolash” fakultetiga talabalikka qabul qilinganidan so'ng, tez tibbiy yordamda navbatchi bo'lib ilk mehnat faoliyatini boshlaydi. 1997 yilda “O'zbekiston temir yo'llari” aksiyadorlik jamiyatining “Markaziy klinik” kasalxonasi Jarrohlik kasalliklari bo'limi internaturasida (o'qishdan keyingi o'qish)da ustozi Jabbor Murodovdan saboq oladi.

– Xirurgiyada Shveysariya soatining mexanizmi kabi aniq ish bo'lishi kerak, agar bitta xatolik bo'lsa, hammasi chappasiga aylanishi mumkin, – deydi shifokor. – Shuning uchun men doimo xodimlarimning har biridan o'z vazifasiga sidqidildan, mas'uliyat bilan yondashib, ishlashini talab qilaman.

➡️E.Xaytaliyev oilada bosh farzand boʻlib, katta ukasi Ravshan Xaytaliyev “Oʻztemiryoʻlmash taʼmir” AJ da faoliyat olib borayotgan temiryoʻlchilardan. Kenja ukasi “Markaziy klinik kasalxonasi”ning Asab kasalliklari boʻlimi boshligʻi Shuhrat Xaytaliyev. 1985-yil 10-oktyabrda Toshkent viloyatida tugʻilgan. Sh.Xaytaliyev oʻrta taʼlim maktabni tugatib, 2003-2011-yillarda 2-Toshkent tibbiyot akademiyasining talabasi boʻldi.
🗓2014-2016-yillarda esa nevrologiya mutaxassisligi boʻyicha klinik ordinaturada tahsil oldi. Uning nevrologiya sohasini tanlashiga sabab ham, avvalo, shifokorlar oilasidan ekanligi boʻlsa, qolaversa, koʻpchilik insonlar umurtqa pogʻonasi disk churrasi ogʻriqlaridan azob chekayotganini koʻrib, ular dardiga davo topish edi. 2011-yildan hozirgi kunga qadar “Oʻzbekiston temir yoʻllari” Aj ga qarashli Markaziy poliklinika va “Markaziy klinik kasalxonasi”da terapevt shifokor, keyinchalik Asab kasalliklari boʻlimishifokori, boʻlim mudiri, boʻlim boshligʻi sifatida faoliyat yuritib kelmoqda.

– Bugun “Temir yoʻl ijtimoiy xizmatlar” muassasasida tibbiy-ijtimoiy islohotlar samara bermoqda, – deydi Sh.Xaytaliyev. – Zamonaviy tibbiyot yoʻnalishlarini kompleks rivojlantirishda bir qancha ishlar olib borilmoqda. Istagim ana shunday ishlarga kamtarona mehnatim bilan munosib hissa qoʻshishdir.

🌍Bu ikki aka-ukani bir-biridan feʼl-atvor jihatidan ajratib boʻlmaydi. Intizomli, tarbiyali oilada tugʻilib oʻsgan, bir umr tarbiyachi boʻlib faoliyat yuritgan ona, qattiqqoʻl otaning tarbiyasini olgan oʻgʻillar oilada farzandlariga ham mehnatsevarlik, vatanparvarlik, bir soʻzlilik, ishiga, kasbiga sadoqatlilik, samimiylik va mardlik kabi hislatlarni singdirib bormoqda.

Bachadon bo'yni saratoni

👏Bachadon boʻyni saratoni oldini olish mumkin boʻlgan yagona saratondir. Oʻzbekistonda onkologiyaning bu turi ayollar orasida keng tarqalganligi boʻyicha ikkinchi, saraton kasalligidan oʻlim sabablari boʻyicha uchinchi oʻrinda turadi.

📈Har yili 1600 nafarga yaqin ayol bachadon boʻyni saratoni tashxisi bilan onkologiya dispanserlarida roʻyxatiga olinadi va har yili 600 ga yaqin ayol kasallikdan vafot etadi. 90% hollarda inson papilloma virusining baʼzi turlari sabab mazkur infeksiya boshlanadi.

❗️Bachadon boʻyni saratoni rivojlanishining toʻrtta omili:
• inson papillomavirusining onkogen turlari (OPV);
• bachadon boʻynida virusning uzoq vaqt mavjudligi;
• erta turmush qurish, infeksiyalar, tez-tez tugʻish;
• immunitet tanqisligi.

🔺Ushbu kasallik 15−30 yoshdagi insonlarning 80 foizida uchraydi. Odatda viruslar 2−3 yil ichida tanani “tark etadi”. Bachadon boʻynida virusning uzoq vaqt qolishi saraton rivojlanishiga olib kelishi mumkin. Pap yoki DNK testini oʻtkazish mazkur saratonga chalingan inson hayotini saqlab qolishi mumkin. Buning uchun atigi 5 daqiqa vaqt ketadi.

☠Bachadon bo‘yni saratonini oldini olish uchun uchta oddiy profilaktika choralari:
1. Emlash (9−26 yosh)
2. PAP testi (Agar siz 21 yoshda boʻlsangiz, bachadon boʻyni virusli holatlarini aniqlash uchun Pap testini oʻtkazishingiz mumkin. Natija ijobiy boʻlsa, test har 3 yilda bir marta takrorlanishi kerak.)
3. DNK testi (30−65 yosh)
Agar DNK va Pap testi mavjud boʻlmasa, shifokor sirka kislotasi yoki yod eritmasi bilan vizual testlarni oʻtkazishi mumkin.

📌Vizual testlar saratondan oldingi va bachadon boʻyni saratonini erta bosqichda aniqlashi mumkin.Agar siz 65 yoshda boʻlsangiz va soʻnggi 10 yil davomida skrining natijasi salbiy chiqqan boʻlsa, bachadon boʻyni saratoni uchun skrining tekshiruvlarini toʻxtatishingiz mumkin boʻladi.

Markaziy klinik kasalxonasi ginekolog shifokori — Shukurullayeva Shaxnoza Jalolovna

🌐Site 🌐Telegram 🌐Facebook 🌐YouTube 🌐Instagram