“Temir yo’l ijtimoiy xizmatlar” muassasasi

TEMIR YO'L TRANSPORTI XODIMLARI ORASIDA KASB KASALLIKLARI
 
🟦Tibbiy-ijtimoiy monitoring natijalariga ko'ra, temiryo'l transportidagi ko'plab kasblarda ishlovchi xodimlarga zararli va xavfli omillar ish faoliyati davrida kompleks ta'sir etishi aniqlangan. Temiryo'l transporti tizimida 2300 dan ortiq kasblarda ishlovchi xodimlarning 30% qismi ana shunday 2–3 turdagi zararli omillar ta'sir qiluvchi ishlab chiqarish sharoitida mehnat qiladi.

✅Temiryo'l transportining turli kasb egalariga ish jarayonida ta'sir etuvchi zararli omillar orasida shovqin, vibratsiya faktori, jismoniy zo'riqish bilan bog'liq mehnat, chang va noqulay mikroiqlim, shu jumladan issiq va sovuq havo sharoitlarida faoliyat yuritish yetakchi o'rin tutadi.
Zararli va xavfli omillarning muntazam ravishda kompleks ta'sirining yuqori darajasi, hamda ruhiy va emotsional charchoq, inson organizmining ko'plab organlari, ayniqsa ko'rish va eshitish a'zolarining zo'riqishiga olib keladi. Oqibatda bunday salbiy holatlar temiryo'l transporti kasblaridagi xodimlarda turli kasb kasalliklari yuzaga kelishiga sabab bo'lad. Ayniqsa, poyezdlar harakatini bevosita va uzluksiz ta'minlovchi xodimlarda kasb kasalliklariga duchor bo'lish xavfi yuqori.

📄Jumladan, “Temir yo'l ijtimoiy xizmatlar” muassasasi tarkibidagi davolash–profilaktika muassasalarida kasbiy patologiya yo'nalishi bo'yicha o'quv-amaliy tayyorgarlikdan o'tkazilgan va maxsus litsenziyaga ega bo'lgan mutaxassis–shifokorlar, ishlab-chiqarish terapevtlari faoliyat yuritadi. SES tizimida faoliyati zararli omillarni aniqlash, ularning parametrlarini o'lchash va xodimlarning ish sharoitlarini o'rganib, zararli va nojo'ya ta'sirlar ko'lamini ish o'rinlarida kamaytirishga yo'naltirilgan profilaktik gigiena bo'limlari, laboratoriyalar, ularda faoliyat olib borayotgan o'rta va oliy ma'lumotli mutaxassislar mavjud.

📊Mazkur yo'nalishda mutaxassislarning faol olib borayotgan profilaktika ishlari natijasida, keyingi yillarda O'zbekiston Respublikasi Sanitariya, gigiena va kasb kasalliklari ilmiy-tadqiqot instituti tomonidan “O'zbekiston temir yo'llari” AJ tizimidagi korxonalarda mehnat qilayotgan temiryo'lchilar orasida kasb kasalligi tasdiqlangan holatlar kuzatilmagan.
 
“Temir yo'l ijtimoiy xizmatlar”
muassasasi Tibbiy ekspertlar
bo'limi boshlig'i —U.A.Muhammadiev

#bayram_shukuhi

💐Qo‘ng‘irot temir yo‘l shifoxonasida ham yana bir esda qoluvchi bayramona tadbir bo‘lib o‘tdi

| 🌐Site | 🌐Telegram |
| 🌐Facebook | 🌐YouTube |
| 🌐Instagram |

#ayol_muqaddas #bayramtabrigi #bayram_shukuhi #ayollarga_ehtirom

💐Termiz temir yo‘l birlashgan shifoxonasi ma’muriyati va kasaba uyushmasi qo‘mitasi tomonidan “8-mart Xalqaro xotin-qizlar kuni” bayrami munosabati bilan barcha ayol xodimlar taqdirlandilar

| 🌐Site | 🌐Telegram |
| 🌐Facebook | 🌐YouTube |
| 🌐Instagram |

Aziz ayollar!

⭐️Barchangizni qutlug‘ bahor ayyomida o‘zlaringiz kabi go‘zal bayramingiz — 8-mart Xalqaro xotin-qizlar kuni bilan chin qalbimdan muborakbod etaman.

💎Oilamiz va jamiyatimiz ustuni, hayotimizning fayzi va ko‘rki bo‘lgan xotin-qizlarni e’zozlash, ularga hurmat va ehtirom ko‘rsatish xalqimiz uchun azal-azaldan buyuk qadriyat bo‘lib kelgan va shunday bo‘lib qoladi. Chunki sizlar bilan hayotimiz go‘zal va mazmunli, xonadonlarimiz obod va nurafshondir.

🌟Sizlarga sihat-salomatlik, oilangizga tinchlik-xotirjamlik tilaymiz. Doimo e'tibor va e'tirofda, aziz va mukarram bo'lib yuring!

Hurmat bilan “Temir yo'l ijtimoiy xizmatlar” muassasasi boshlig‘i Mamasidikov M.M

#ayollarga_ehtirom #bayramshukuhi

💐Samarqand bekati temir yo‘l shifoxonasida 8-mart - "Xalqaro xotin-qizlar kuni" munosabati bilan bayram tadbiri bo’ldi

| 🌐Site | 🌐Telegram |
| 🌐Facebook | 🌐YouTube |
| 🌐Instagram |

❓Электрон тиббиёт: Меҳнатга лаёқатсизлик варақаси қандай расмийлаштирилади?

✅ Иссиқ жон иситмасиз, бўлмайди, дейди халқимиз. Бундай пайтда фуқаронинг ишдан, ўқишдан қолиб даволаниши ёки тоби қочган фарзандини парваришлаши учун давлат томонидан зарур шароитлар яратилади. Меҳнатга лаёқатсизлик варақаси — буни тасдиқловчи ҳужжат туридир.

❓Хўш, меҳнатга лаёқатсизлик варақаси кимларга, қанча муддатга ва қайси талаблар асосида берилади? Уни расмийлаштириш тартиби қандай?

💬

— Бу ҳужжат шахсни ишдан озод қилиш, вақтинча меҳнатга қобилиятсизлик нафақаси ёки ҳомиладорлик ва туғиш нафақаси тўлаш учун асос бўлувчи ҳужжатдир.

—

Ўз навбатида, у орқали вақтинча меҳнатга лаёқатсизлик билан кечадиган касалланишнинг ҳисоби юритилади.

🟣 Меҳнатга лаёқатсизлик варақаси тиббий муассаса томонидан (мурожаат қилган ёки даволанган жойдаги) расмийлаштирилади.

📌 Бунинг учун фуқароларнинг касаллиги, шикастланганлиги, ҳомиладорлиги, туққанлиги, оиланинг бетоб аъзосини парваришлаганлиги, протез қўйдирганлиги, шунингдек, сил ёки касб касаллиги туфайли вақтинча бошқа ишга ўтказилиши каби ҳолатлар асос бўлади.

🩺

Масалан, фуқаро юқоридаги ҳолатлар қайд этилганда, ҳудудий оилавий поликлиника (оилавий шифокор пункти)га электрон регистратура орқали мурожаат қилади. Агар саломатлиги бирламчи тиббиёт муассасасига чиқиш имконини бермаса, оилавий шифокорни уйига чақиради.

📆 Оилавий поликлиникада меҳнатга лаёқатсизлик варақаси, касаллик турига қараб, илк мурожаат қилинганда, 5 кундан 7 кунгача очилиши мумкин.

🖥 Бунинг учун оилавий шифокор беморни шахсан кўрикдан ўтказиб, 025-шаклдаги маълумотномани тўлдиради ва тегишли электрон базага меҳнатга лаёқатсизлик варақасини киритиб, бўлим бошлиғига онлайн режимда юборади.

✅ Масъул, ўз навбатида, ҳужжатнинг асослигига ишонч ҳосил қилгач, уни тасдиқлайди. Бу ҳақдаги маълумот беморнинг ишхонасида ҳам электрон база орқали кўриниб туради.

🔎 Меҳнатга лаёқатсизлик варақаси очилиши билан беморнинг қайта кўрикка келиш куни белгиланади. Унгача хасталик турига қараб, тегишли текширувлардан ўтиши ва тиббий таҳлиллар топшириши зарур.

🔬 Агар беморнинг аҳволи қайта кўриккача оғирлашса, шифокорни уйга чақиради ёки оилавий поликлиникага қайта мурожаат қилади. Шундан сўнг керакли таҳлиллар текширилади ёки мурожаат қилувчи тор соҳа мутахассиси кўригига йўналтирилади.

🤰Ҳомиладорлик ва туғиш бўйича меҳнатга лаёқатсизлик варақаси эса ҳомиладорликнинг ўттизинчи ҳафтасидан бошлаб бир йўла бир юз йигирма олти календарь кунига расмийлаштирилади.

➡️ Туғиш қийин кечган ёки икки ва ундан ортиқ бола туғилган ҳолларда туғуруқ муассасаси томонидан яна ўн тўрт календарь кунига қўшимча меҳнатга лаёқатсизлик варақаси берилади.

📊 Амбулатория шароитида 14 ёшдан катта беморни парваришлаш учун эса боланинг оила аъзолари ёки қариндошларидан бирига 14 кундан ошмаган муддатга меҳнатга лаёқатсизлик варақаси очилиши белгиланган.

🚫 Меҳнатга лаёқатсизлик варақаси амбулатор шароитда даволаниш учун кўрсатма бўлмаган, маст ҳолатда келган, хусусий клиникалар ёки режали равишда санаторийларда саломатлигини тиклаш истагидаги шахслар учун очилмайди.

‼️ Эслатиб ўтамиз, 2024 йил 1 январдан юртимизнинг барча ҳудудларида меҳнатга лаёқатсизлик варақалари ва маълумотномаларини фақат электрон шаклда расмийлаштириш амалиёти йўлга қўйилган.

⌨️ Тизимга киритилган меҳнатга лаёқатсизлик варақалари тўғрисидаги маълумотлар Иқтисодиёт ва молия вазирлигининг “Ижтимоий ҳимоя ягона реестри” (my.gov.uz) ахборот тизими ҳамда “UZASBO” дастурий таъминотига электрон шаклда юборилади.

Соғлиқни сақлаш вазирлиги
Матбуот хизмати.