Nodavlat oliy ta’lim tashkilotlari

Iyul oyida tadbirkor, IDU xalqaro raqamli universitet asoschisi Ibrohim Hurramov taʼlim sohasida litsenziya berish va uni nazorat qilish vazifasi betaraf idoraga yuklatilishi taklifi bilan chiqqan edi.

“Oʻzining maktablari, universitetlari yoʻq idora sohadagi reformalarni olib borsin. Shunda betaraf yondashish boʻladi”, — degan edi u.

Oradan 4 oy o‘tmasdan ushbu universitet litsenziyasi bekor bo‘ldi.

Nodavlat OTMlar haqida ishonchli ma’lumotlar kanalimizda!👇
@nodavlat_otm

⚡️Imtiyozli ta’lim krediti ajratayotgan banklar

Ayni paytda quyidagi banklar talabalarga imtiyozli ta’lim kreditini ajratmoqda:

• MKBank - 1285
• BRB bank - 1254
• SQB bank - 1180
• Agrobank - 1216
• Xalq banki - 1106
• Milliy bank - 1344
• Hamkorbank - 1256

📌 Eslatma: Taʼlim kredit olish uchun talim-krediti.mf.uz portaliga OneID orqali kirib va ariza yuboriladi.

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

⚡️Nima sababdan magistratura bosqichida o‘qishni ko‘chirish mumkin emas?

Oliy ta’lim muassasalari talabalari o‘qishini ko‘chirish, qayta tiklash va o‘qishdan chetlashtirish tartibi to‘g‘risidagi Nizomning 232-bandiga muvofiq xorijiy oliy ta’lim muassasalarining magistratura bosqichida tahsil olayotgan talabalar o‘qishini O‘zbekiston Respublikasi oliy ta’lim muassasalariga ko‘chirilishiga ruxsat etilmasligi belgilangan.

Vazirlar Mahkamasining 2015-yil 2-martdagi 36-son qarori bilan tasdiqlangan Magistratura to‘g‘risidagi Nizomga muvofiq magistratura talabalariga birinchi o‘quv yilining birinchi ikki oyida magistrlik dissertatsiyalari mavzulari va ularga biriktirilgan ilmiy rahbarlar tasdiqlanadi.

Magistratura talabalarining magistrlik dissertatsiyalarini tayyorlash jarayoni birinchi kursning birinchi semestridan boshlanadi. Magistratura talabalari o‘qishining ko‘chirilishi natijasida ularning qolgan muddatda magistrlik dissertatsiyalarini yangidan belgilangan talablar darajasida tayyorlash imkoni mavjud emas. Yuqoridagilarga ko‘ra, magistratura bosqichida talabalar o‘qishini ko‘chirish maqsadga muvofiq emas deb hisoblanadi.

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

Vazirlikning Navoiy innovatsiya instituti litsenziyasini bekor qilish to‘g‘risidagi daʼvo arizasi rad etildi

Biznes-ombudsman matbuot xizmatining xabar qilishicha, Navoiy innovatsiya instituti litsenziyasini bekor qilish yuzasidan sudga murojaat qilinganligidan norozi boʻlib Biznes-ombudsmanga murojaat qilgan.

Aniqlanishicha, Oʻzbekiston Respublikasi Oliy taʼlim, fan va innovatsiyalar vazirligi tomonidan institut litsenziyasini bekor qilish boʻyicha sudga daʼvo arizasi kiritilgan. Vazirlik tomonidan institut faoliyatida bir qator qoidabuzarliklar aniqlanganligi, jumladan, taʼlim faoliyati litsenziyada koʻrsatilmagan manzilda olib borilgani, oʻquv adabiyotlari yetishmasligi, oʻquv auditoriyalari va laboratoriyalar talablarga javob bermasligi kabi kamchiliklar asos qilib koʻrsatilgan.

Vakil devoni xodimlari tomonidan sudda institut manfaati himoya qilingan. Karmana tumanlararo iqtisodiy sudida institut tomonidan aniqlangan kamchiliklarning asosiy qismi bartaraf etilganligi, qoidabuzarliklar tizimli xususiyatga ega emasligi va jiddiy salbiy oqibatlarga olib kelmaganligi inobatga olinib, vazirlikning daʼvo arizasini qanoatlantirish rad etilgan.

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

“Collegium Humanum” universiteti egalari Polshada hibsga olingani aytilmoqda. Universitet filiali Andijonda ham bor

Polshaning sobiq Yevropa Ittifoqi qonunchisi va Yevropa Parlamentining vitse-prezidenti Ryszard Czarnecki Collegium Humanum xususiy universiteti tomonidan amalga oshirilgan noqonuniy harakatlar sabab hibsga olingani aytilmoqda.

Universitet Polshaning Markaziy Korrupsiyaga qarshi kurash byurosi (CBA) tomonidan tekshirilmoqda. Xususan, byuro Collegium Humanum universiteti MBA diplomlarini moddiy va shaxsiy manfaatlar evaziga berib, talabalarni Polshaning davlat kompaniyalari boshqaruv kengashlariga kiritganini da’vo qilmoqda.

Universitetning asoschisi va sobiq rektori Paweł Czarnecki CBA tomonidan fevral oyida hibsga olingan.

Ma’lumotlarga ko‘ra, Czarneckiga 30 ta jinoyat, jumladan poraxo‘rlik, o‘z lavozimidan suiiste’mol qilish va odamlarni jinsiy aloqaga majburlash kabi ayblovlar ham qo‘yilgan.

Ta’kidlash lozim, “Collegium Humanum” Varshava menejment universiteti 2018-yilda faoliyatini boshlagan bo‘lib, Andijon shahrida ham o‘z filialiga ega.

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

Oʻzmilliybank tomonidan imtiyozli taʼlim kredit ajratish boshlandi!

Kredit shartlari quyidagicha:
➖ Miqdori — Shartnoma asosida;
➖ Muddati — oʻqish davri + 7.5 yil;
➖ Foiz stavkasi — 13.5% (xotin-qizlar uchun 0%);

Kredit miqdori:
▪️Birinchi kurs talabalari uchun - toʻlov-shartnoma summasi;
▪️Ikkinchi va yuqori kurs talabalari uchun: fanlarni oʻzlashtirishning oʻrtacha koʻrsatkichidan kelib chiqib belgilanadi.

🏦 Murojaat uchun: 1344

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

⚡️Talabalarining o‘zlashtirish ko‘rsatkichiga qarab, ularga keyingi o‘quv yili uchun foizsiz ta’lim krediti beriladi

Bu haqda Prezident Shavkat Mirziyoyev raisligida mahallalarda kambagʻallikni qisqartirish, kambagʻal oilalar bilan ishlash tizimini yangi bosqichga olib chiqish chora-tadbirlari yuzasidan o‘tkazilayotgan videoselektor yigʻilishda maʼlum qilindi.

Prezident har bir kambag‘al oilada, ayniqsa, xotin-qizlar orasidan kamida 1 nafar oliy ma’lumotli bo‘lishi uchun sharoit yaratilishini e’lon qildi. Bunda:

- oliygoh, kollej va texnikum talabalarining o‘zlashtirish ko‘rsatkichi kamida 80 foiz bo‘lsa, ularga keyingi o‘quv yili uchun foizsiz ta’lim krediti beriladi;

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

❓Nodavlat oliygoh talabalariga ham ijara puli qoplab beriladimi?

Nodavlat oliygoh talabalariga ijara puli Davlat budjeti hisobidan qoplab berilmaydi.

✅ Vazirlar Mahkamasining 24.09.2021-yildagi 605-sonli qarorida — davlat oliy ta’lim muassasalarining faqat kunduzgi ta’lim shaklida, davlat granti yoki to‘lov-kontrakt asosida tahsil oladigan va ijara huquqi asosida yashaydigan barcha talabalarga oylik ijara to‘lovining bir qismini belgilangan mezonlar asosida Davlat budjeti hisobidan qoplab berish ko‘zda tutilgan.

Bitta turar joyda ikki va undan ortiq talaba ijara huquqi asosida yashagan holatlarda, ularning barchasi ijara shartnomasida qayd etilgan bo‘lishlari shart.

Bunda talabgorlarga oylik ijara to‘lovining bir qismi ijara shartnomasining summasidan qat’i nazar, Toshkent shahrida — bazaviy hisoblash miqdorining bir baravari, qolgan hududlarda — bazaviy hisoblash miqdorining yarim baravari miqdorida to‘lanadi.

🏛 Nodavlat OTMlar haqida ishonchli ma’lumotlar kanalimizda!
@nodavlat_otm

Raqobat qo‘mitasi Akfa Universitetiga nisbatan ish qo‘zg‘atdi

Raqobat qo‘mitasining ma’lum qilishicha, AKFA universitetining “Commercial Law” (Tijorat huquqi) yo‘nalishida bir yil o‘qigan va keyingi yildan ushbu yo‘nalishda o‘qish to‘xtatib qo‘yilganligi, to‘langan pullar qaytarib berilmayotganligi to‘g‘risida 10 ga yaqin murojaat kelib tushgan.

Mazkur murojaatlar bo‘yicha o‘tkazilgan tahlillarga ko‘ra, 2022-yil 10-yanvarda turli OAVda AKFA universitetiga 2022/2023 o‘quv yili uchun qabul boshlanganligi to‘g‘risida reklama axborotlari joylashtirilgan hamda reklamalarda abituriyentlardan hujjatlarni qabul qilish, shuningdek “Tijorat huquqi” ta’lim yo‘nalishi uchun ham davom etayotganligi bayon qilingan.

Universitetga nodavlat oliy ta’lim xizmatlarini ko‘rsatish uchun berilgan litsenziyada ruxsat etilgan ta’lim yo‘nalishlarida “Tijorat huquqi” mavjud emasligiga qaramasdan, mazkur yo‘nalishda o‘qitish uchun 2022/2023 o‘quv yilida talabalar o‘qishga qabul qilingan va 4-yillik (8 ta semestr) o‘qish uchun ommaviy oferta shartnomasi tuzilgan. Talabalar 12,5 mln so‘mdan 25,0 mln so‘mgacha kontrakt to‘lovini to‘lagan.

O‘qish ma’lum bir muddat davom etgan. 2023-yil avgust oyida talabalarga “Tijorat huquqi” yo‘nalishida o‘qitish uchun litsenziya berilmaganligi sababli keyingi 2023/2024 o‘quv yilini vaqtinchalik gibrid shaklida davom ettirish yoki Xalqaro biznes ta’lim yo‘nalishida o‘qish taklif qilingan. Aksariyat talabalar bu taklifni rad etgan va ayrimlari boshqa ta’lim yo‘nalishida o‘qishga rozi bo‘lgan.

Biroq, Universitet tomonidan bugungi kunga qadar ko‘rsatilmagan xizmat uchun olingan kontrakt pullari fuqarolarga qaytarib berilmagan. Ushbu holat yuzasidan “CENTRAL ASIAN UNIVERSITY” MCHJga nisbatan ish qo‘zg‘atilib, ish maxsus komissiya tomonidan arizachilar ishtirokida ko‘rib chiqildi.

“CENTRAL ASIAN UNIVERSITY” MCHJ tomonidan O‘zbekiston Respublikasi “Iste’molchilarning huquqlarini himoya qilish to‘g‘risida”gi Qonunining 4, 7, 12, 19 va 21-moddalari talablari buzilgan deb topilib, qonunbuzilishi holatlarini bartaraf etish va kelgusida yo‘l qo‘ymaslik, ko‘rsatilmagan xizmat uchun 7 nafar talaba fuqarolarga jami 167.500.000 so‘m mablag‘ni qayta hisob-kitob qilish, shuningdek boshqa fuqarolarning murojaati asosida ular bilan tegishli qayta hisob-kitoblarni amalga oshirish yuzasidan ko‘rsatma berildi.

Batafsil: https://talimxabarlari.uz/uz/8704/

🏛 Nodavlat OTMlar haqida ishonchli ma’lumotlar kanalimizda!
@nodavlat_otm