***
Sukunat...
Erksizlik...Had...
Yaproqlarga yozib xat,
O'zim o'zimni behad,
Sog'inyabman, xolos, men.

Yo'lga boqib ko'zim mung,
Qay biri chap, qaysi o'ng,
Parcha-parcha bo'lib so'ng,
Yig'ilyabman, xolos, men.

Sig'may yer-u osmonga,
Ham asr-u ham onga,
Tomchidek to'rt tomonga,
Yog'ilyabman, xolos, men

Xush ovoz sas bo'lsaydi,
Yo bir qafas bo'lsaydi,
Menga nafas bo'lsaydi,
Bo'g'ilyabman, xolos, men.

Bardoshim so'zdan pana,
Ko'zyoshim ko'zdan pana,
Lahzada o'lib yana,
Tug'ilyabman, xolos, men.

Nigora MUHAMMAD

@nigora_muhammadd