Нигоҳ

Шавкат Мирзиёев қурилиш ва ободонлаштириш лойиҳалари тақдимоти билан танишди:

➖ Юнусобод деҳқон бозорини юқорига “ўстириш”, савдо ўринлари ва қулайликларни кўпайтириш режалаштирилган. Лойиҳага кўра, аввало, аслият сақлаб қолиниб, ҳозиргисининг ўрнида уч қаватли экобозор қурилади. Унинг ёнида қўшимча савдо маркази ҳамда заргарлик уйи барпо этилади. Энг муҳими, ушбу биноларнинг ерости қисми мингдан ошиқ автомобил сиғадиган тураргоҳ бўлади. Жами 4-5 минг иш ўрни очилади.

➖ Абдулла Қодирий боғи ободонлаштирилади. Рельефдан тўғри фойдаланиб, яшил ҳудудлар кўпайтирилади. Сайр ва томоша жойлари, фавворалар, янги планетарий қурилади. Сайёҳларни жалб қилиш учун гастро-хол ташкил этилади. Бу Чорсу бозори, умуман, эски шаҳар билан янада уйғун бўлади.

➖ “Дўстлик” боғи ҳам янгиланиб, аҳолини ўзига жалб этувчи масканга айлантирилади. Сайр йўлаклари, сув ҳавзалари, дам олиш жойлари таъмирланиб, ўриндиқлар ўрнатилади. Оилавий кўнгилочар маскан ва болалар ижод маркази ташкил қилинади. Ёшлар учун скейт майдончаси, дарахтлар билан уйғун авиарий ҳамда томоша чархпалаги қурилади.

➖ “Наврўз” боғида ташриф буюрувчиларга шароитларни янада кенгайтириш мақсадида бу ерда меҳмонхона, ёпиқ спорт майдончаси, ресторан, конференция зали бунёд қилиш кўзда тутилмоқда.

➖ Нурафшон ва Намангандаги “Янги Ўзбекистон” боғлари ёнида туризм марказлари ташкил қилинади. Уларда Шарқ бозори, ҳунармандчилик жойлари, амфитеатр, фаввора ва бошқа қурилмалар бўлади. Дарахтлар экилиб, яшил ҳудуд кенгайтирилади.

Telegram | YouTube

#китоблар_ҳақида

OpenAI асосчиси ва миллиардер Сэм Альтман фикрига кўра, ҳаётни ўзгартиришга қодир бўлган тўққизта китоб:

🔹 "Маъно излаётган инсон", Виктор Франкл;
🔹 "Секин ўйла...тез қарор қабул қил", Даниэль Канеман;
🔹 "Нолдан бирга", Питер Тиль;
🔹 "Ажиб янги дунё", Олдос Ҳаксли;
🔹 "Чексизликнинг бошланиши", Дэвид Дойч;
🔹 "Блиц-кенгайтириш", Рид Хоффман;
🔹 "Сунъий интеллект", Ник Бостром;
🔹 "Ғолиб", Жек Уэлч;
🔹 "Сэнд-Ҳилл Роуд сирлари", Скот Купор.

Telegram | YouTube

Камбағалликни қисқартириш ва бандлик вазирлигида тайинловлар

Зафар Азимов камбағалликни қисқартириш ва бандлик вазирининг биринчи ўринбосари лавозимига тайинланди. Тайинловга қадар у Халқ банки бошқарув раисининг биринчи ўринбосари лавозимида фаолият юритган.

Сирожиддин Бобоқулов камбағалликни қисқартириш ва бандлик вазирининг ўринбосари вазифасини бажарувчи этиб тайинланди. Бунгача у бош вазир котибияти “Маҳалла еттилиги”, ёшлар сиёсати ва маънавият масалалари департаменти Ташқи меҳнат миграцияси масалалари бўлими бошлиғи лавозимида фаолият юритган.

Эслатиб ўтамиз, аввалроқ Алишер Муратов камбағалликни қисқартириш ва бандлик вазири ўринбосари этиб тайинланганди.

Telegram | YouTube

Президент Марказий банк бошқаруви раиси лавозимига Президентнинг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчисининг биринчи ўринбосари Тимур Ишметов номзодини Олий Мажлис Сенатига тақдим этди.

Telegram | YouTube

Ўзбекистон бош арчаси Алишер Навоий номидаги Ўзбекистон Миллий кутубхонасининг олд майдонида ташкил қилиниб, 25 декабрь — 10 январь кунлари, соат 11:00 дан 23:00 гача ташриф буюрувчиларни қабул қилади.

Telegram | YouTube

Алишер Муратов Камбағалликни қисқартириш ва бандлик вазири ўринбосари этиб тайинланди.

Бунгача у Бизнесни ривожлантириш банкида бошқарув раисининг биринчи ўринбосари, аввалроқ бошқарув раиси бўлиб ишлаган.

Telegram | YouTube

Сурияда аёлларни ҳижоб кийишга мажбурлаш тақиқланди

Башар Асад ҳокимиятдан ағдарилгандан сўнг, Сурия қуролли мухолифати раҳбарияти аёлларни ҳижоб кийишга мажбурлашни тақиқловчи фармон чиқарди.

Бундан ташқари, янги ҳукумат аёлларнинг ташқи кўринишига нисбатан эътироз билдиришни ҳам тақиқлади.

— — —

В Сирии запретили заставлять женщин носить хиджаб

После свержения власти Башара Асада руководство вооруженной оппозиции Сирии издало указ, запрещающий принудительное ношение хиджабов для женщин.

Кроме того, новые власти запретили предъявлять женщинам претензии, которые связаны с их внешним видом.

Telegram | YouTube

❗️ Президент Шавкат Мирзиёев раислигида аҳолини талаб юқори бўлган касбларга ўқитиш ва даромадли иш билан таъминлаш чора-тадбирлари бўйича кенгайтирилган йиғилиш ўтказилди.

Унда ўрта бўғин мутахассисларини тайёрлашдаги асосий масалалар таҳлил қилиниб, долзарб вазифалар белгиланди.

Германия билан ҳамкорликда 14 та техникумда талаб юқори касбларга ва немис тилига ўқитиш йўлга қўйилмоқда. Ҳокимлар ва тармоқ раҳбарларига ҳар бир ҳудудда камида 5 тадан техникумда ушбу тажрибани жорий қилиш топширилди.

ТИВга Буюк Британия, Германия, Канада, Словакия, Австралия, Янги Зеландия каби мамлакатларда ўқиш ва малака ошириш, замонавий корхоналарда ишлаш истагида бўлган фуқароларга енгиллик бўлиши учун виза тартибини соддалаштириш бўйича зарур чоралар кўриш топширилди.

Келгуси йилдан Ёшлар ишлари агентлиги томонидан “Work and Travel” каби дастурлар доирасида талабаларнинг йўлкира харажатлари учун ссуда ажратиш йўлга қўйилиши айтилди.

Telegram | YouTube

Тошкентда 2025 йил 1 январдан бошлаб автобусларда нақд пул қабул қилиш амалиёти тўхтатилади

Нақд пул орқали автобусларда ҳаракатланиш учун Тошкент шаҳридаги бекатларда ва улар яқинида ўрнатилган барча тўлов қурилмалари яъни, Paynet, MultiPay ва Oson инфокиоскалари орқали бир марталик чипта харид қилиш керак бўлади.

Йўл ҳақини тез ва арзон тўлаш учун эса электрон тўлов тизимларидан (транспорт карталари ёки банк карталари) фойдаланиш тавсия этилмоқда.

Telegram | YouTube

В Китае нашли новый вид древнего человека

В Китае обнаружили останки ранее неизвестного вида древних людей. Представители вида отличались от современного человека необычайно большими головами с низким лбом и крупными зубами. Его назвали Homo juluensis — от Ju lu, что означает «огромная голова» на китайском языке.

Объем черепа Homo juluensis достигал 1700-1800 кубических сантиметров. Для сравнения, череп современного взрослого Homo sapiens составляет в среднем около 1350 куб. см, неандертальца — примерно 1450 куб. см.

Исследования показывают, что они жили на территории нынешнего Китая 200 тыс. лет назад и были довольно продвинутыми: охотились группами, изготавливали оружие, инструменты и одежду.

Telegram | YouTube

Хитойда қадимги инсоннинг янги тури топилди

Хитойда илгари номаълум бўлган қадимги одамларнинг қолдиқлари аниқланди. Бу тур вакиллари замонавий инсондан ғоят катта бош, паст пешона ва йирик тишлари билан фарқ қилган. Унга хитой тилида "улкан бош" маъносини англатувчи Ju lu сўзидан келиб чиқиб, Homo juluensis номи берилди.

Homo juluensis'нинг бош суяги ҳажми 1700-1800 куб сантиметрга етган. Солиштирадиган бўлсак, замонавий вояга етган Homo sapiens'нинг бош суяги ўртача 1350 куб сантиметрни ташкил этади, неандертал одамники эса — тахминан 1450 куб сантиметр.

Тадқиқотлар шуни кўрсатмоқдаки, улар ҳозирги Хитой ҳудудида 200 минг йил аввал яшаган ва анча тараққий этган: гуруҳ бўлиб ов қилишган, қурол-яроғ, асбоб-ускуналар ва кийим-кечаклар ясашган.

Telegram | YouTube