Navoiy viloyati Ekologiya boshqarmasi

Navoiy viloyatidagi kasbiy taʼlim muassasalari o‘quvchilari o‘rtasida “Siz ekologiyaga oid qonunlarni bilasizmi?” respublika ko‘rik-tanlovining viloyat bosqichi o‘tkazildi

Ushbu respublika ko‘rik-tanlovining viloyat bosqichida ishtirok etgan 7 ta tuman va shahar kasbiy taʼlim muassasa jamoalari orasida

1- o‘rinni Navoiy davlat konchilik texnologiyalar universiteti akademik litsey jamoasi

2- o‘rinni Qiziltepa tuman 2-son politexnikumi jamoasi

3- o‘rinni Nurota tuman 2-son politexnikumi jamoasi egalladi.

Ushbu jamoalarga viloyat prokuraturasi, viloyat Ekologiya boshqarmasi hamda viloyat Oliy taʼlim, fan va innovatsiyalar boshqarmasining diplom va qimmatbaho sovg‘alari topshirildi.

Birinchi o‘rinni qo‘lga kiritgan Navoiy davlat konchilik texnologiyalar universiteti akademik litsey jamoasi 2025 - yil 17-19 mart kunlari Xorazm viloyatida bo‘lib o‘tadigan respublika bosqichida ishtirok etadi. Biz barchamiz ushbu jamoaga omad tilab, respublika bosqichida sharafli 1-o‘rinni qo‘lga kiritishida omad tilaymiz.

Navoiy viloyati Ekologiya boshqarmasi matbuot xizmati

#Siz_ekologiyaga_oid_qonunlarni_bilasizmi

Navoiy viloyatidagi kasbiy ta’lim muassasalari o‘quvchilari o'rtasida “Siz ekologiyaga oid qonunlarni bilasizmi?” respublika ko‘rik-tanlovining viloyat bosqichida 4 shartda jamoalar bellashdi, III va IV shartlarida ham ishtirok etishdi.

III shart – “Ekologiya uchun barchamiz masʼulmiz!” - ushbu shartda ishtirokchi jamoalar respublikamiz ekologiyasini asrab-avaylashga qaratilgan yoshlar orasida ekomadaniyatni targ‘ib qilishni ko‘zda tutgan, Plogging, iqlim o‘zgarishlar, daraxt ekish va kesish hamda suv muammolari bo‘yicha loyihasining mazmun-mohiyatini ochib beradigan ibratli sahna ko‘rinishi namoyish etildi.

IV shart – “Eng yaxshi ekologik loyiha” - ushbu shartda ishtirokchi jamoalar respublika miqyosida ekologiya sohasini rivojlantirish, yosh ekologlar sonini ko‘paytirishga erishish, ekologiya yo‘nalishidagi investitsiyalarni jalb qilish, ekologiya salohiyatini kengaytirish bo‘yicha o‘z taklif va loyihalari namoyish etildi.

Navoiy viloyati Ekologiya boshqarmasi matbuot xizmati