Natijali Post | Kopirayting

Kopirayting nima ekanligi haqida

Kopiraytingni asosiy vazifasi, bu sotilishi kerak bo’lgan mahsulot yoki xizmatlarni, har-xil turdagi matnlar yozish orqali maqsadli auditoriyaga uning qiymati va foydaliligini o’zgacha bir shaklda yetkazish va bu orali sotuv bo’lishiga erishish.

*Ushbu matnni esa kopirayter yozadi.

#takror

⛳️ @natijali_post

ToV haqida

Bu post barcha matn yozadiganlar uchun juda ham foydali.

ToV - Tone of Voice soʻzma-soʻz ingliz tilidan "ovoz ohangi" deb tarjima qilinadi. Bu brendning mijozlar, foydalanuvchilar, obunachilar, maqsadli auditoriya bilan muloqot qilish uslubi. (Buni brendning ovozi deb ham atash mumkin.)

Tone of Voice nima uchun kerak?

Odamlar sotib olish toʻgʻrisida qaror qabul qilganda, koʻpincha mantiqqa emas, koʻproq hissiyotlarga asoslangan holda sotib olishadi.

ToV'ga misollar:
Keling, ushbu ohang uslubini bir necha kopirayting yoʻnalishidagi Telegram kanallar misolida koʻrib chiqamiz.

1. "Lokals" agentligi kopirayter Said Nazrillaevning "Oʻzbekcha yoz!" nomli Telegram kanalida postlar soha eksperti tilidan yoziladi. Sababi u bu sohada ekspert, bir necha yillik tajribaga ega kopirayter hamda koʻplab tanlovlar gʻolibi hisoblanadi.

2. "Payme" kopirayteri Nurbek Yuldoshevning "Kopirayting" nomli Telegram kanalida postlar keskin va faktlar asosida yoziladi.

3. Men esa ushbu kanalimdagi postlarni doʻstona ohangda yozaman.

Bundan misollarni koʻplab keltirish mumkin.

Natijada nima boʻladi?

Ohangdorlik va brend uslubi - bu orqali oʻziga kerakli boʻlgan auditoriya bilan muloqot qilgan holda, "oʻzlarinikini" topishga yordam beradi.

@natijali_post

12/30

Matn turlari haqida

Bu post kopirayterlikni oʻrganayotganlar uchun juda ham foydali.

Bu postda matn turlari haqida yozaman.
Matn turlari maqsadli koʻrinishiga qarab 4 ga boʻlinadi.

1. Sotuv matnlari - Bunday matnlarning vazifasi mahsulot yoki xizmatni maqsadli mijozga uning ogʻrigʻi yoki maqsadiga yechib sifatida koʻrsatilgan holda, ushbu mahsulot yoki xizmatlarni sotilishiga xizmat qiladi.

2. Maʼlumot beruvchi - Bu turdagi matnlar, mahsulot yoki xizmat haqida maʼlumot beradi yoki xabardor qiladi.

3. Qiziqarli matnlar - Bu turdagi matnlarga boshqotirmalar, soʻrovnomalar, hazil aralash matnlar va latifalar kiradi.

4. Ekspert matnlari - Siz hozirda oʻqiyotgan ushbu matn ekspert matn hisoblanadi. Chunki, men sizga ekspert sifatida kopirayting haqida foydali maʼlumot ulashayapman.

✅ Keyingi postlarda kengroq maʼlumotlar yozaman!

@natijali_post

10/30

Davomi..

7. Hech qachon bir vaqtning oʻzida ikkita kanaldan reklama sotib olmang. Har biridan natija qanday boʻlganini hisoblashning iloji boʻlmaydi.

8. Ikki yoki uch kun ichida ikkita kanaldan reklama olsangiz, ikkalasi ham bitta yoʻnalishda boʻlmasin. Chunki yoʻnalish bitta boʻlganligi sababli bitta obunachi ikkalasiga ham obuna boʻlgan boʻlishi mumkin. Qiziqish kamayib, natija balandroq boʻlmaydi.

9. Reklama berishdan oldin 24 soat ichida kanalingizga post joylangan boʻlishi kerak, chunki reklama orqali kelgan mehmon kanal aktivligiga qaraydi.

10. Har bir obunachi narxi hamma kanallarda bir xil boʻlmaydi. Masalan, siz ikkita bir xil marketing yoʻnalishidagi Telegram kanallariga reklama berdingiz, obunachilari soni ham bir xil boʻlishi mumkin, lekin natijada bir xil obunachi kelmaydi.

@natijali_post

4/30

Davomi...

4. Sohaga emas mijozga: Agar siz xizmat sotsangiz, Telegram kanalingizda shu sohaga doir obunachilarni emas, mijozlaringiz sohalaridan obunachilar yigʻing. Masalan, kopiraytermisiz xizmatingizni SMM agentliklari, Marketing agentliklarga sotasiz unda Telegram kanalingiz uchun obunachilarni shu sohalardan izlang, reklamani shu sohalarga bering. Chunki, obunachilar sizning yozgan postlaringizdan ham oʻqib foyda olsin ham xizmatlaringizni sotib olsin.Yoki siz kopirayter boʻyicha kurs ochmoqchi boʻlsangiz unda kopiraytingga qiziquvchilarga reklama yoqsangiz boʻladi. Reklama har doimo maqsadli boʻlishi kerak. Bu narsalarni men pul sarflab oʻrganib, sizga bepulga beryapman.

@natijali_post

Reklama emas tavsiya kerakligi haqida

Albatta, bu yerda Telegram kanali borlar juda koʻp, ushbu post koʻproq ularga foydali boʻladi.

Xabaringiz bor men yaqindagini bu kanal reklamasini koʻplar Telegramdagi koʻzga koʻringan kanallarda reklama qildim. Siz ham qaysidir kanalga joylashtirilgan reklama natijasida kelib, kanalga obuna boʻlgansiz (katta rahmat!).

Ushbu reklamalarga qanchadir mablagʻ sarfladim (shu boʻyicha yana bitta post yozaman). Natijada 700 dan ortiq obunachi yigʻilganini koʻrib turibsiz.

Men ushbu reklamalardan olingan tajribalarimni va qilgan xatolarimni bitta postga joylagan holda, sizga bepulga berishga qaror qildim (reaksiya bosib qoʻying). Yaxshilab joylashib oling:

1. Maqsadli auditoriya: Hech qachon reklama olishda shoshilmang. Kanalingiz yoʻnalishidan hamda reklama maqsadidan kelib chiqqan holda, juda yaqin auditoriyadagi kanallarni tanlang.

Masalan, siz target yoqish xizmatini sotsangiz, u holda siz soha egalari yoki biznes egalari toʻplanadigan kanallarda reklama joylashtiring, chunki ular ham oʻz xizmatini yoki mahsulotarini sotishni xohlaydi. Shunda natija balanroq boʻladi.

2. ToV va tavsiya: Siz joylashtirgan post reklama koʻrinishida boʻlsa, u hech kimga qiziq boʻlmaydi.

Masalan, siz reklama joylagan kanalga, 24 soat oldin joylangan ekspertlik, maʼlumot beruvchi yoki koʻngilochar post 10.000 marta koʻrilgan boʻlsa, yana 24-soat vaqt oʻtib sizning postingiz 2 yoki 3 ming marta koʻriladi.

Sababi nima? Sababi shundaki, bu reklama boʻlib, hammaga ham yoqavermaydi va qiziqish kam boʻladi. Nima qilish kerak? Kanal ToV (ohang uslubi) dan kelib chiqqan holda, tavsiya shaklida, xuddi kanal egasi nomidan yozgandik yozish kerak.

Masalan, hozirda deyarli barcha kopirayterlarning oʻz kanallari bor. Ularni bir kanalga toʻplab. Oʻz kanal nomlari yozilgan har-xil turdagi mahsulotlarni obunachilariga sotishini tavsiya qilgan holda, bu mahsulotlarni esa men tayyorlab yetkazib beraman deb ularga taklif bermoqchisiz.

Juda ajoyib, hozirda barcha kopirayterlar oʻzaro bir-birlarining kanallariga obuna boʻlmoqda. Oʻzbek segmentida hozirgi kunda eng obunachisi koʻp kanallardan bir bu "Kopirayting" nomli kanal boʻlib, obunachilar soni 7000 taga yaqin.

Deyarli, barcha oʻzbek kopirayterlari shu kanalga obuna boʻlgan. Bu kanalda ToV yaʼni uslub esa keskin va faktlarga asoslangan boʻlib, reklama postini shundan kelib chiqqan holda yozishingiz kerak. Shunda natija balandroq boʻladi.

3. Oldingi va keyingi postlar: Siz reklama postini bir hafta oldin yozib, keyin kanallarda reklama qilsangiz natijasi kamroq boʻladi. Siz meni kanalimga reklama joylamoqchi boʻlsangiz kanaldagi postlarimga reklamangizni yaqinlashtirib yozing.

Masalan, kanalimdagi oxirgi post "Qanday qilib reklamani effiktliroq qilish mumkin" nomli post boʻlib, shu postdan keyin sizni reklama postingiz joylanadigan boʻlsa, shu sarlavhaga reklama postingiz mavzusi yaqinroq boʻlsin. Shunda natija balandroq boʻladi.

✅ Yana bor...

@telegrpost

🤩 Tanishuv posti

Ismim Oʻlmasbek - Telegram kanallarga maqsadli auditoriyani jalb qilish boʻyicha mutaxassis, 2022-yildan kopiraytingdaman.

Bu kanal nima haqida:

- Kopirayting
- Telegram kanallarga maqsadli auditoriyani qanday jalb qilish.
- Natija beradigan foydali postlar.

@natijali_post

Kichik bozorni tanlash haqida

"Bir varaqli marketing reja" kitobida shunday yozilgan:

"Agar siz koʻplab fotograflarning reklama matnlariga eʼtibor bersangiz, mana bunga oʻxshash koʻplab xizmatlar qatorlashtirib tashlaganiga guvoh boʻlasiz:

1. Portret suratlar
2. Nikoh va toʻy marosimlari
3. Oilaviy suratlar
4. Tijorat va reklama uchun suratlar
5. Moda suratlar

Texnik jihatdan bir fotograf bularning barchasini suratga ola biladi, lekin sizdan bir savol soʻrayman. Oʻzining nikoh kechasi uchun fotograf qidirib yurgan bir inson tijoriy fotograf izlayotgan odamni qiziqtirgan reklamaga ahamiyat bermaydimi?

Nikoh toʻyi yaqinlashayotgan bola bilan mahsulot broshyurasini tayyorlashi kerak boʻlgan savdo menejeri bir-biridan tubdan farq qiladigan fotograf izlaydi.

Lekin siz oʻzingiz koʻrsata olishingiz mumkin boʻlgan xizmatlarni qatorlashtirib tashlasangiz, bu ikkala boʻlajak mijozga ham qiziq boʻlmasligi mumkin va siz ikkalasini ham qoʻldan chiqarasiz".

Ushbu kitobni taxminan ikki yil oldin kopirayter doʻstimiz hamda ustozimiz Nurbek Yuldashevning tavsiyasiga koʻra sotib olgan edim.

Bu kitobda oʻzingiz kirmoqchi boʻlgan bozorni tanlash, ushbu tanlangan bozorga xabar tayyorlash, mijozlar bilan ishlash va boshqa koʻplab foydali maʼlumotlar berilgan.

Siz yuqorida oʻqigan va bu kitobdan olingan maʼlumotlar, kitobning eng "goʻshtli" joylaridan biri hisoblanadi.

Siz biror sohaga yoki biror bir biznesga kirar ekansiz, avvalo kirayotgan bozorningizni kichik bir nishasini tanlash, bu orqali shu yoʻnalishdagi mijozlarni egallash haqida yozilgan.

Avval bitta tor bozorni ishgʻol qiling, barchasi zoʻr boʻlsa, keyin boshqa va yana boshqa tor bozorlarga oʻtasiz.

Masalan, men ikki yildan ortiq vaqt davomida kopiraytingni oʻrganib kelaman, lekin menda natija zoʻr emas. Bu sohada ham yoʻnalishlar juda koʻp, Instagram reels uchun ssenariylar, Youtube video uchun ssenariylar, SMM uchun postlar, sotuv matnlari va boshqalar. Yana raqobat ham kattalashmoqda.

🏹 Nima qilsam boʻladi, qanday qilsam sohada natija koʻrsata olaman?

Shu kitobda oʻqiganlarimga amalda qilmoqchiman. Yaʼni fokusni bir joyga qaratib, faqat bir yoʻnalishda kattalashishni maqsad qildim.

🎯 Endi faqat Telegram kanallar uchun matn yozaman.

Taʼlim, kitoblar, shu yoʻnalishga yaqin ekspertlar kanallari, foydali shaxsiy bloglar, sohalarga doir kanallar uchun, postlar hamda boshqa turdagi matnlar yozishga harakat qilaman.

Fikringizni reaksiyalar orqali bildiring!

@natijali_matn - Telegram uchun matn!

Maxsus sovgʻa yoxud jozibador xabar qanday tayyorlanishi haqida

"Sizning kompakt diskingiz "CD Baby" tokchalaridan sterillangan qoʻlqop yordamida juda ehtiyotkorlik bilan olindi va satin yostiqcha ustiga qoʻyildi.

50 kishidan iborat jamoa CD sizga joʻnatilishidan avval benuqson ekaniga ishonch hosil qilish uchun uni nazoratdan oʻtkazdi.

Yaponiyalik qadoqlovchi mutaxassisimiz sham yoqib, pulga sotib olish mumkin boʻlgan eng yaxshi zarhal chiziq tortilgan qutiga diskni joylayotgan payt jarayonni butun jamoamiz bilan nafas chiqarmay kuzatdik.

Shundan keyin barchamiz bu ishni nishonladik va butun jamoa boʻlib pochta ofisiga yoʻl oldik. Juma kuni, 6 iyun sanasida kompaniyamizga qarashli "CD Baby Jet" samolyotida siz tomon yoʻl olganida esa, butun Portlend ahli buyurtmangizga "Bon Voyage" deb qoʻl silkidi.

Umid qilamanki, "CD Baby"da xariq qilayotib, vaqtingizni chogʻ oʻtkazdingiz. Biz esa bu jarayondan aniq rohatlandik. Sizning suratingiz "Yil xaridori" sifatida devorimizdan joy oldi. Barchamiz toliqqanmiz, ammo "CDBABY.COM"ga yana tashrif buyurishingizni intiqlik bilan kutib qolamiz."

Bu matn bir necha yillar oldin yozilgan boʻlib, "CDBABY" kompaniyasining buyurtma tasdiqlanganligi haqida mijozining elektron pochtasiga yuborilgan xabar boʻlgan. Oʻsha vaqtlar bu xabar juda keng tarqalgan boʻlib, insonlar bu xabarni boshqalarga yuborish natijasida ushbu kompaniyaga juda koʻp yangi mijozlarni olib kelgan.

"Bir varaqali marketing reja" kitobidan olindi.

⛳️ Davom etamiz!!!

@natijali_matn - Telegram uchun matn!

Hammasi qanday boshlangani haqida

Kopiraytingga qiziqishim qanday boshlangan?

2021-yil sentyabr oyida Ixtiyor Doʻsmetovning "Qadam-baqadam" kursida oʻqiganimdan keyin hayotimda juda katta oʻzgarishlar boʻlgan.

Oʻsha vaqtgacha toʻy va tadbirlarda boshlovchilik qilib, daromaddan chiroyli telefon raqam, chiroyli kastyum shim, oppoq koʻylak va ajoyib koʻrinishdagi oyoq kiyimlar sotib olib yurardim.

Telegramda bu kursni reklamasini koʻrib, sotib olganman. Kurs juda ajoyib boʻlgan. Kursda berilgan bir savol meni juda diqqatimni tortgan edi: Masalan, siz sayohat qilish uchun boshqa davlatga 1 oyga oʻchib ketdingiz, sayohat qilishingiz davomida sizga qayerdan daromad kelib turadi? Afsuski, menda hech qanday javob yoʻq edi.

Shu savoldan keyin harakatlarni, maqsadlarni oʻzgartirib, yangi qarorlar qabul qilishga kirishdim. Qanday ish borki, doimo daromad keltiradigan?

Telegramda bloglar va kanallarni kuzatish davomida oʻqish hamda yozishga qobiliyatim borligini seza boshladim.

Oradan ozroq vaqt oʻtib, 2022-yil adashmasam fevral oyi edi. Anora Abirkulovadan Kopirayting kursini sotib oldim. Ushbu kursdan juda koʻplab kopirayting bilimlarini oʻrgandim.

Bu sohaning qulayligi, doimo bir joyda boʻlish talab etilmaydi. Menga shu tomonlama juda maʼqul kelgan.

Oʻsha yil sentyabr oyida hozirgi kunda Payme'da ishlayotgan doʻstimiz Nurbek Yuldashevdan ham kopirayting kursini sotib oldim.

Kopiraytingni yanada yaxshiroq oʻrganishda davom etdim.Telegramda bu yoʻnalish boʻyicha 10 ga yaqin kanallar ochib, har xil sabablarga koʻra barchasini yopdim.

Orada shaxsiy hayotimda juda koʻp oʻzgarishlar, kutilmagan vaziyatlar, ogʻriqli kunlar, sevgan insonimdan ayrilishlar boʻlib oʻtdi.

Hozirda hammasi yaxshi, oʻz ishim, oʻz biznesim va oʻzim boshqaradigan vaqtim bor.

Hozircha hech qayerda kopirayting yoʻnalishi boʻyicha ishlaganim yoʻq ammo yaqin kunlarda ishga joylashish niyatim bor.

Yaqin vaqtlar davomida juda koʻp kurslarda, shaxsiy kouchinglarda oʻqidim. Taxminan bir ikki oy oldin Jaydari kopirayter doʻstimiz Doniyorbek Erkin oʻgʻlidan ham kurslarini sotib oldim.

Bundan tashqari pulni boshqarish, shaxsiy rivojlanish, sotuv, marketing, kopirayting va boshqa yoʻnalishlarda yozilgan 50 ga yaqin kitoblarni sotib olib, oʻqishni boshladim.

*Yuqoridagi savolga keladigan boʻlsak, qisman javob topdim!

☕️ Hozircha shu!

@natijali_matn - Telegram uchun matn!

Mahsulot yoki xizmatning o‘zi pul keltirmasligi haqida

Xalqaro darajadagi skripkachi qancha topadi deb o‘ylaysiz? U o‘zini qanday namoyon qilishiga bog‘liq.

Joshua Bell haqida eshitganmisiz? U dunyodagi eng kuchli musiqachilardan biri hisoblanadi. U dunyo bo‘ylab gastrollar uyushtiradi va daqiqasiga 1000 dollardan ko‘p pul topadi. U 1713-yilda yasalgan, 3.5 million dollar turadigan Stradivari skripkasida ko‘y chaladi.

300 yil oldin yaratilgan mazkur musiqa asbobi juda ko‘pchilikni hayratga solgan va dunyodagi eng noyob skripkalardan biri deb tan olingan.

Demak, bizda dunyoning eng noyob skripkasini chaladigan eng kuchli skripkachi bor. Bellni bemalol o‘z sohasining eng zo‘r mutaxassisi deb ayta olamiz.

Karyerasining yuqori cho‘qqisiga chiqqanda "The Washington Post" nashri uni ijtimoiy tajribada ishtirok etishga chaqiradi va mahalliy metro bekatida bir soat skripka chalishini so‘raydi.

Shunday qilib, 2007-yil 12-yanvarda Bell skripkasining qutisini ochib qo‘yib durdona kuylar chaladi. Minglab odamlar uning oldidan kuyni eshitib, e’tiborsizlarcha o‘tib ketadi.

Dunyoning mashhur skripkachisi o‘zining 3.5 million dollar turadigan skripkasida metro yo‘lagida musiqa chalib qancha pul topgan deb o‘ylaysiz? 32 dollar.

Dunyodagi eng zo‘r skripkachi eng qimmat skripkada bir soat davomida arzimagan 32 dollar ishlab topdi.

Xuddi o‘sha skripkachi Bostonda konsert berganda har bir tomoshabin o‘rtacha 1000 dollarga chipta sotib oldi va Bell bir soatda 60000 dollardan ko‘proq pul topdi.

Ayni musiqachi bitta musiqa asbobidan foydalanib birinchi holatda 32 dollar topdi, boshqa holatda esa 60000 dollarda ko‘proq. Bunchalik katta farqni nima keltirib chiqardi? Pozitsiya.

Agar siz professional musiqachi bo‘laturib o‘zingizni metrodagi cholg‘uchi kabi tutsangiz, mijozlaringiz sizni shunday qabul qiladi va shunga yarasha pul tulaydi.

Aksincha, siz o‘zingizni professional musiqachiday tutib konsert zalida chiqish qilsangiz, umuman boshqa mijozlarni jalb qilasiz va shunga yarasha haq olasiz.

Boshqacha aytganda, odamlarga aksini isbotlamaguningizcha ular sizni qarashlaridan kelib chiqib baholaydi.

📚 "Bir varaqli marketing reja" kitobidan

🏹 Do‘stlaringizga ham yuborishni unutmang!

@natijali_matn - Telegram uchun matn!

Oddiy mahsulotlarni qanday jozibador qilish haqida

Salom do‘stlar!
Aloqada O‘lmasbek.

Sizlar uchun foydali "go‘shtli" post tayyor!

Hozirda "Bir varaqli marketing reja" kitobini 3-marta o‘qiyapman. U kitobning "Xabar tayyorlash" bobida shunday yozilgan joyi bor:

"Apple" o‘zining afsonaviy afsonaviy "iPod" musiqiy pleerini birinchi marta chiqarganda, ular o‘sha vaqtdagi boshqa musiqiy pleer ishlab chiqaruvchilar kabi besh gigabayt xotirasi yoki boshqa texnik xususiyatlari haqida gapirishi mumkin edi. Ammo buning o‘rniga ular buni boshqacha reklama qildi:

"1000 ta qo‘shiq endi cho‘ntagingda"

Qoyil! Besh gigabayt degan so‘z ko‘pchilik foydalanuvchilar uchun hech narsani anglatmasligi mumkin. Bir dunyo texnik jargonlar ham. Lekin "1000 ta qo‘shiq endi cho‘ntagingda" barcha uchun tushunarli va mahsulotning foydasini ko‘rsata oladi.

"Apple" o‘sha paytda bozordagi ilk musiqiy pleer bo‘lmagan, hatto eng yaxshisi ham emasdi. Ammo foydalanuvchiga mahsulotni nega sotib olishi kerakligini tez va oson tushuntirib bergani uchun eng muvaffaqiyatlisi bo‘ldi.

Foydali bo‘lgan bo‘lsa reaksiyalarni bosssssing!

🎁 Yana bitta qaynoq post tandirdan uzilmoqda!

#kitobdan

@natijali_matn - Telegram uchun matn!

Kopirayting nima ekanligi haqida

Kopiraytingning asosiy vazifasi bu sotilishi kerak bo’lgan mahsulot yoki xizmatlarni  har-xil turdagi matnlar yozish orqali maqsadli auditoriyaga uning qiymati va foydaliligini o’zgacha bir shaklda yetkazish va bu orali sotuv bo’lishiga erishish.

*Ushbu matnni esa kopirayter yozadi.

⛳️ @natijali_matn - Telegram uchun matn!