Namangan viloyati hokimligi

Рақамлаштиришга масъул тингловчилар учун ўқув-семинари ташкил этилди.

Давлатимиз раҳбарининг 2023 йил 28 декабрдаги  "Соғлиқни сақлаш тизимини рақамлаштиришни жадаллаштириш ҳамда илғор рақамли технологияларни жорий этиш бўйича қўшимча чора-тадбирлар тўғрисида”ги қарорига асосан  Наманган шаҳрида жойлашган тиббиёт муассасаларида биринчилардан бўлиб,  Ягона тиббиёт ахборот тизими Д-МЕД ишга туширилмоқда.

Бу дастурда ишловчи рақамлаштиришга масъул ходимларнинг бу борадаги тушунчаларини шакллантириш, у асосда ишни ташкил этиш юзасидан Ягона интегратор — "Ўзинфоcом” МЧЖ томонидан Наманган шаҳар кўп тармоқли марказий поликлиникада ўқув-семинари ташкил этилди.
Унда  соғлиқни сақлаш тизимига  жорий этилаётган Д-МЕД  ахборот тизими ҳақида қўшимча маълумотлар берилди ва келгусида ушбу ахборот тизими орқали иш ташкил этишда аҳамият қаратилиши лозим бўлган масалалар хусусида сўз юритилди.

Sayt | Telegram | Instagram | Facebook |Twitter | YouTube

Наманган вилоятида Фавқулодда вазиятлар бошқармаси бошлиғи полковник Бунёд Эгамназаров томонидан Янги йил тадбирлари ўтказиладиган ҳудудларда ўрганишлар олиб борилди.

Унда, Наманган шаҳар ва Давлатобод туманларида Янги йил байрами тадбирларини беталафот ўтказиш, фуқаролар хавфсизлигини таъминлаш мақсадида байрам арчаси жойлашган ҳудудларда ўрганиш ва назорат тадбирлари ташкил этилди.

Тадбир жараёнида юзага келиши мумкин бўлган фавқулодда вазиятларнинг олдини олиш, байрам тадбири арчасининг техник мустаҳкамлиги, ёнғин хавфсизлиги қоидаларига асосан ўрнатилганлиги кўздан кечирилиб, куну тун навбатчилиги ташкил этилган ёнғин-қутқарув экипажларининг шайлигини янада ошириш бўйича ўқув масқлар ҳам ўтказилмоқда.

Наманган ФВБ Ахборот хизмати.

Арзонлаштирилган "Янги йил" савдо ярмаркаси ўтказилмоқда

Учқўрғон туманида янги йил байрами олдидан ташкил этилган арзонлаштирилган озиқ-овқат маҳсулотлари ярмаркаси аҳоли учун қулай шароитлар яратишга қаратилган. Туман ҳокимлиги, Иқтисодий жиноятларга қарши курашиш департаменти ва бошқа ҳамкор ташкилотлар ҳамкорлигида ташкил қилинган бу ярмарка марказий деҳқон бозори олдида ишлаб турибди. Ярмаркада қишлоқ хўжалиги маҳсулотларидан тортиб, озиқ-овқат маҳсулотларигача турли хил товарлар арзон нархларда тақдим этилмоқда.

Барча маҳсулотлар сифат ва нарх-наво бўйича қатор текширувлардан ўтказилиб, доимий фаолиятда бўлиб, аҳолига ўз вақтида ва арзон нархларда етиб келмоқда. Бу ярмарка, шунингдек, маҳаллий фермерлар ва ишлаб чиқарувчиларга ўз маҳсулотларини кенг оммага тақдим этиш учун имконият яратади, аҳолига эса янги йил арафасида ўз уйларига сифатли ва арзон маҳсулотларни олиш имконини беради.