🟦🟦🟦🟦2️⃣0️⃣2️⃣4️⃣

🟣"Namangan to‘qimachilik institutining talaba-qizlari 'Xon atlas' festivalida milliylikni tarannum etdi"

✔️Respublikamizda an’anaviy tarzda o‘tkazilib kelinayotgan "Xon atlas" milliy festivali, o‘zbek milliy liboslarini ommalashtirish hamda talaba-yoshlarda milliy urf-odatlar va o‘zbekona kiyinish madaniyatini yanada yuksaltirishga xizmat qilmoqda. Bu festival doirasida yoshlarda milliy qadriyatlar va estetik didni shakllantirish, zamonaviy moda bilan uyg‘unlashtirilgan o‘ziga xos milliy kiyinish madaniyati targ‘ib qilinadi.

Namangan to‘qimachilik sanoati institutining Xotin-qizlar masalalari bo‘yicha rektor maslahatchisi Zahroxon Umarova boshchiligida oliygohimizning talaba-qizlari ham festivalda faol ishtirok etishdi. Ular atlas, adras va shoyi kabi milliy matolardan tikilgan go‘zal liboslar bilan o‘z milliyligimizni tarannum etib, o‘zbekona kiyinish san'atining o‘ziga xosligini namoyish etdilar.

Festival talaba-qizlarimizga milliy merosimizni qadrlash, uni zamonaviy ko‘rinishlarda ifoda etish imkoniyatini yaratib, ular orasida ijodiy yondashuvni rivojlantirishga xizmat qildi.

Bizning ijtimoiy tarmoqlardagi rasmiy sahifalarimiz👇

🕊Telegram | 📱Fecebook | 📱Instagram | 📺Youtube