😊 Namangan To‘qimachilik Sanoati Institutida Seminar Yig‘ilishi O‘tkazildi
👍Namangan To‘qimachilik Sanoati Institutida O‘zbekiston Respublikasi Prezidentining tegishli qarori munosabati bilan seminar yig‘ilishi bo‘lib o‘tdi. Unda institut rektori Q. Xoliqov boshchiligida prorektorlar, kafedra mudirlari va institut xodimlari ishtirok etdi.
🔺 Institut rektori Q. Xoliqov o‘z nutqida mazkur qarorning ta’lim tizimini modernizatsiya qilish, ilm-fan va ishlab chiqarish integratsiyasini rivojlantirish hamda muhandislik sohasida yangi avlod mutaxassislarini tayyorlashda muhim qadam ekanini ta’kidladi. Institut oldida zamonaviy ta’lim standartlarini joriy etish, ilmiy-tadqiqot faoliyatini rivojlantirish va xalqaro hamkorlikni kengaytirish kabi vazifalar turgani qayd etildi.
Shundan so‘ng prorektorlar o‘z yo‘nalishlari bo‘yicha taqdimot o‘tkazdilar:
💠O‘quv-uslubiy ishlar bo‘yicha prorektor J. Ergashov – ta’lim sifatini oshirish, kredit-modul tizimini takomillashtirish va innovatsion o‘qitish metodikalarini joriy etish masalalariga e’tibor qaratdi.
💠 Ilmiy ishlar va innovatsiyalar bo‘yicha prorektor Z. Erkinov – ilmiy tadqiqotlarning samaradorligini oshirish, grant va startap loyihalarini rivojlantirish hamda ilmiy ishlanmalarni amaliyotga joriy etish bo‘yicha rejalari bilan bo‘lishdi.
💠Yoshlar masalalari va ma’naviy-ma’rifiy ishlar bo‘yicha prorektor J. Yo‘ldashev – talabalarning ijtimoiy faolligini oshirish, vatanparvarlik ruhini kuchaytirish va yoshlar tashabbuslarini qo‘llab-quvvatlash borasidagi tashabbuslarni bayon etdi.
🔂Seminar yakunida institutning yangi sharoitlarga mos ta’lim va ilmiy faoliyat yo‘nalishlari belgilab olindi hamda ustuvor vazifalar muhokama qilindi.
Namangan Toʻqimachilik Sanoati Instituti Matbuot Xizmati
📱 Telegram | 📱 Facebook |📱 Instagram | 📱 Youtube