NamDU «Press klub»

МАРКАЗИЙ НАШРДА РЕКТОРНИНГ МАҚОЛАСИ НАШР ҚИЛИНДИ

«Народное слово» газетасининг 2025 йил 23 апрель сонида НамДУ ректори Собитхон Турғуновнинг «Сообща и дело спорится» номли мақоласи эълон қилинди.

Мақолада Ўзбекистон, Қирғизистон ва Тожикистон давлатлари ўртасидаги инвестициявий, савдо-иқтисодий, саноат соҳаларидаги ўзаро ҳамкорлик алоқалари йил сайин тобора мустаҳкамланиб бораётганлиги ҳақида сўз боради.

Шунингдек, муаллиф мақолада уч давлат чегараларининг туташ нуқтаси тўғрисида тузилган шартнома ва абадий ҳамдўстлик тўғрисидаги Хўжанд декларацияси бу ҳамкорлик бардавомлигида кучли туртки беришини, қардош мамлакатлар ҳамкорлиги натижасида давлатлар тараққиёти, иқтисодий ўсиши, миллионлаб инсонлар ҳаётининг фаровонлашишига эришилиши хусусида ўз фикр-мулоҳазаларини баён этган.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

🏆 O‘zbekiston U17 – Osiyo chempioni!

Tarixiy g‘alaba, mardlik va irodaning yorqin namunasi – O‘zbekiston U17 terma jamoasi Osiyo chempionatining shohsupasiga ko‘tarildi! Yosh futbolchilarimiz final bahsida Saudiya Arabistoniga qarshi bahs olib borib, 2:0 hisobida zafar quchishdi.

Bu o‘yin shunchaki final emas edi. Bu – mardlik sinovi, bu – O‘zbekiston futbolining kelajagi qanday bo‘lishini ko‘rsatgan hal qiluvchi jang edi. Jamoamiz 9 kishi bo‘lib qolganiga qaramay, maydonda ustunlikni qo‘ldan bermadi. Ruhiy tayyorgarlik, jismoniy bardoshlik va eng asosiysi, Vatan sha’nini yuksakda tutgan yurak bilan o‘ynashdi yigitlar.

Birinchi bo‘limda darvozaga yo‘llangan chiroyli gollar muxlislarimizni hayratda qoldirdi. O‘yinning har bir daqiqasi – jang, har bir harakat – fidoyilik ramzi edi. Saudiya Arabistoni terma jamoasi bosim o‘tkazishga harakat qildi, ammo O‘zbekiston o‘ziga xos taktika va jamoaviy harakatlar orqali raqibga imkoniyat qoldirmadi.

Bu g‘alaba – nafaqat yosh futbolchilarimiz uchun, balki butun xalqimiz uchun faxrli voqea bo‘ldi. Yoshlarimiz bu yutuq bilan O‘zbekiston futbolining porloq kelajagi borligini yana bir bor isbotlashdi.

G‘alaba muborak, O‘zbekiston!
Faxrimizsan, U17 terma jamoasi!

✍️ Sanjarbek HAMIDOV

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

«Tibbiyot va zamon» jurnalida filologiya fakulteti dekani Abdug‘affor Nazarovning yana bir maqolasi chop etildi

«Tibbiyot va zamon» jurnaliining shu yil 2-sonida Namangan davlat universiteti Filologiya fakulteti dekani, dotsent Abdug‘affor NAZAROVning «Tabiatni ifloslantiruvchi asosiy manbalar va ularning ekologik vaziyatga ta’siri» sarlavhali maqolasi chop etildi.

Maqolada mamlakatimizdagi ekologik vaziyat va unga munosabat, ekologiyani asrash maqsadidagi chora-tadbirlar samaradorligi haqida so‘z yuritiladi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

#OAV_BIZ_HAQIMIZDA

Bitiruvchilar uchun 100 million dollar: Namanganda «Kelajakka qadam» markazi ish boshladi

Prezident Shavkat Mirziyoyev tashabbusi bilan yoshlar tadbirkorligini qo‘llab-quvvatlash maqsadida yo‘lga qo‘yilgan «Kelajakka qadam» dasturi doirasida Namangan davlat universitetida yangi markaz tashkil etildi.

Mazkur markaz viloyat «Milliybank» bilan hamkorlikda faoliyat yuritadi va oliygoh bitiruvchilarining innovasion loyihalarini moliyaviy jihatdan qo‘llab-quvvatlashga xizmat qiladi.

Ushbu muhim tashabbus haqida batafsil «Namangan sadosi» gazetasida «Bitiruvchilar uchun 100 million dollar» sarlavhasi ostida maqola chop etildi.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub

ҲАМДАРДЛИК

Наманган вилояти олий таълим тизими ва илм-фан соҳаси оғир жудоликка учради.

Бутун умрини ёшлар таълим-тарбияси, илм-фан тараққиёти ва Наманган вилоятининг ижтимоий ҳаётини юксалтиришга бағишлаган таниқли жамоат арбоби, Беруний номидаги Ўзбекистон Республикаси Давлат мукофоти лауреати, «Ўзбекистонда хизмат кўрсатган халқ маорифи ходими», «Эл-юрт ҳурмати» ордени соҳиби, фидойи устоз ва олим Муфатхон Маматов 93 ёшида вафот этди.

Марҳум ўзининг кучли билими, бой ҳаётий тажрибаси, юксак раҳбарлик салоҳияти, инсоний фазилатлари ва масъулияти билан юртимиз таълим ва фан соҳасига беқиёс ҳисса қўшди.
М. Маматов 1971 йилда Наманган педагогика институти ректори этиб тайинланди ва 1993 йилга қадар қарийб 30 йилга яқин шу лавозимда фаолият юритди. (Кейинчалик институт Наманган давлат университетига айлантирилди). 1994-2005 йилларда эса устоз «Нуроний» жамғармаси Наманган вилоят бўлими бошлиғи сифатида иш олиб борди.

Марҳум узоқ йиллар давомида Наманган давлат университети ректори лавозимида самарали фаолият юритиб, мазкур олий таълим даргоҳининг тараққиёти йўлида фидокорона меҳнат қилди. Унинг олий таълим муассасасига раҳбарлиги даврида кўплаб янги ўқув бинолари барпо этилди, замонавий йўналишлар бўйича малакали мутахассислар тайёрлаш йўлга қўйилди. Устознинг юзлаб шогирдлари бугунги кунда мамлакатимизнинг турли соҳаларида раҳбарлик лавозимларида самарали меҳнат қилмоқдалар. Улар орасида академиклар, профессорлар, фан докторларининг кўп эканлиги алоҳида эътирофга лойиқдир.

М.Маматовнинг эҳтимоллар назарияси ва лимит теоремаларига оид 100 га яқин илмий мақолалари чоп этилган. «Эҳтимоллар назарияси ва математик статистика» номли ўқув қўлланмаси эса талабалар учун энг қимматли манбага айланган.
М.Маматовнинг фидокорона хизматлари ҳукуматимиз томонидан муносиб эътироф этилди. У кўплаб орден ва медаллар билан тақдирланди.

Устоз Муфатхон Маматовнинг вафоти қадрдон жамоаси ва кенг жамоатчилик учун катта йўқотиш бўлди. Унинг оила аъзолари, яқинлари, ҳамкасблари ва шогирдларига чуқур ҳамдардлик изҳор этамиз.

Самимий инсон, ажойиб устоз Муфатхон Маматовнинг ёрқин хотираси қалбимизда ҳамиша сақланиб қолади.

С. Турғунов, И. Одилов, Д. Холматов,
А.Расулов, Р. Имомов, Т. Файзуллаев

«Qishloq hayoti» gazetasida filologiya fakulteti dekani Abdug‘affor Nazarovning maqolasi chop etildi

«Qishloq hayoti» gazetasining bugun – 10 apreldagi №14-sonida Namangan davlat universiteti Filologiya fakulteti dekani, dotsent Abdug‘affor NAZAROVning «Vodiyda inson va tabiat munosabatlari tobora jiddiylashib bormoqda» sarlavhali maqolasi nashr qilindi.

Maqolada vodiy tabiatiga inson omillarining ta’siri, hozirgi vaziyat va salbiy omillarni bartaraf etish borasida ilmiy qarashlar o‘z ifodasini topgan.

⌛ Namangan davlat universiteti
«Press klub»

➡️Kanalga obuna bo‘ling
😀 https://t.me/namdupressklub