"Apollon 11" ning sayohatiga guvoh bo'lganlar insoniyatning Oyga qadam qo'yib, so'ng Yerga qaytib kelishini ko'rganlarida hayratdan yoqa ushlagandi. "Aql bovar qilmas" , " O'ta hayratlanarli" kabi orttirma sifatlar ham o'sha voqeani tasvirlash uchun ojiz edi. Lekin Oyga yetib borish uchun fazogirlar Yerning tortishish kuchini yorib o'tishga to'g'ri kelgan. Safarning dastlabki daqiqalarida Yerdan ko'tarilish, so'ngra ilk kilometrlarini bosib o'tish uchun ishlangan quvvat kelgusi million kilometr masofaga uchishga sarf etilgan quvvat miqdoridan ko'proq edi.