Joriy yilning 18-fevral kuni O‘zbekiston Respublikasi Prezidenti tomonidan "Banklardagi omonatlarni himoya qilish kafolatlari to‘g‘risida"gi Qonun imzolandi.
Qonundagi muhim jihatlar:
– Har bir bankda bir omonatchiga 200 million so‘mgacha bo‘lgan omonat kafolatlanadi;
– Bu talab faqat qonun kuchga kirgandan so‘ng qo‘yiladigan yangi omonatlarga tatbiq etiladi;
– Qonun kuchga kirishidan avval bankda saqlangan muddatli yoki jamg‘arma omonatlarining summasidan qat’i nazar to‘liq kafolatlanishi davom etadi;
– Agar omonat miqdori 200 million so‘mdan kam bo‘lsa, u to‘liq kafolat ostida bo‘ladi;
– Endilikda nafaqat jismoniy shaxslar, balki yakka tartibdagi tadbirkorlar va yuridik shaxslarning omonatlari ham kafolatlanadi.
Qonun bo‘yicha batafsil ma’lumot olish uchun
Markaziy bank va
Omonatlarni Kafolatlash agentligi sahifalariga tashrif buyuring.
